JEREMIA 38:5 - AMÜSÜH HÜM CL Bible (BSI)

⁵ Kiulongthsüpuh Zedekianü tha, “ Kheahang api nü khah ching lah; tümüde kiulongthsüpuhnü nüsa müzhipdokhuk.”

JEREMIA 38:5 Iomraidhean Croise

2 SAMUEL 19:22

Tüshe Davidnü tha, “Khihni nüsa I kheak azhihlorü kamkhi dünkheak nüsa Zeruia tsührübo kheak inü tümü thsüpü? Khihni Israel ching khürü sheshihba de? Tümüde khihni I Israel kurungkheak kiulongthsüpuh ah de inü mümükheah de?”

2 SAMUEL 3:39

I mujudemokhitkhi kiulongthsürü thsüthsü she khihni I wu müla; harü mihtsürü, Zeruia tsührübo, I thsungkheaknü khide thrunglah. Mihbukmuyuk rhimorü ki anihbuhnü arhimokhi yande Atungpuhnü jihloshang!”

MÜCHITMUDU 29:25

Mihtsürü trekhinü müthrim handarüchoh, tüshe shepünü A TUN GPU H kheak kinchonü akhümkhitbah.

JEREMIA 26:14

Tüshe I thsungkheak a, I ha kheak nüsa khah ching lah. Nüsanü atsükhi tüsho alungki lakhinü I kheak rhimoang.

JEREMIA 37:17

Judüki kiulongthsüpuh Zedekianü I bepü arüshihbah api yam ching bede yü, tüsho ramde keokhi, “Thiyu khürü Atungpuh kilimnü la shi?” Jeremianü alo, “ Lah!” Judüki apinü tha, “ Nü Babilon kiulongthsüpuh khah ching jihbah.”

DANIEL 6:16

Judüki kiulongthsüpuhnü thiyukhüm jih, tüsho Daniel bedarübah kekhüzübo yam ching jipyuk. Kiulongthsüpuhnü Daniel ki tha, “ Nünü thülünde tankihkhi nü Thrünpuhnü nü bekhitshang!”

DANIEL 6:17

Lung khülang ludarübah kekhüzüyam mün kheak hüpdo, tüsho kiulongthsüpuhnü anihbuh yingkhüm tüsho api putungrübo yingkhümnü Daniel dünkheak tümü mümüthrishihpü ju kheak amütsan yümkih.

1 SAMUEL 15:24

Saulnü Samuel ki tha, “Inü neak yihbeakdo; tümüde inü Atungpuh yukhüm tüsho nü yubo lakmihdo, tümütüsho inü mihtsürübo kheak trede arü yu anido.

1 SAMUEL 29:9

Akishnü alo, “Nü Thrünpuh yunirü nangde I mük ki amülim müla de inü mükheahlah; judüalalashe, Filistia limthorübonü tha, ‘ Api isa lung keochihpung ching muwutu.’