JEREMIA 38:4 - AMÜSÜH HÜM CL Bible (BSI)

⁴ Judüki atorübonü kiulongthsüpuh ki tha, “Ha mihtsürü asheshihpü lah, tümütüsho apinü ha kiuto ching aninga larü bonungrü tüsho mihtsürü alala arü ki hadürü yu thakhinü mulong ninishihchoh. Tümüde ha mihtsürünü mihtsürübo arung thsungkheak yungde arü thsümünimpü yimchoh.”

JEREMIA 38:4 Iomraidhean Croise

1 KIULONG THSÜRÜ 21:20

Ahabnü Elija ki tha, “O I riri, nünü I ngüdü de?” Apinü alo, “Inü nü ngüdo. Tümütüsho nünü Atungpuh miki amütsü rhimode nü zangrü yindo,

2 KIUTHSÜYUKHEAN 24:21

Tüshe arünü api azhihde mülapyukde rhimo, tüsho kiulongthsüpuh yukhüm hode arünü api Atungpuh yam khikzhakpung chingnü rusah.

EZRA 4:12

“ Kiulongthsüpuhnü mükheahshihnekhi ju, Jihudarübo nü kilimnü aturünü Jirusalem ching isa lung arübah ha amünean tüsho yakzanazhih kiuto thrünlochoh. Arübo rhü zünmusudo tüsho banmuroh.

NEHEMIA 6:9

Isa sühmüh mülade rhimo tukloshihpü thsüde arünü amüzünpü mürang. Tüshe inü tamkhüntamnü, “Tütüshe, Thrünpuh I reangzahshang!”

ABEKHIT 5:4

Ijip kiulongthsüpuhnü ane ki tha, “Tümü thsükhi nüsanü mihtsürübo ju arü rhimo chingnü bea lucho? Arü rhimo ching yüloshang!

JEREMIA 11:21

Jumonü Anathoth mihtsürü dünkheak Atungpuhnü ha thachoh, sherünü nü rhangdung yimkhea, tüsho tha, “ Nünü Atungpuh mung chingnü mümüchit, yungsho nü isa khahnü ashebah,”

JEREMIA 18:23

Tütüshe O Atungpuh , arünü I laksahpü lümkhi nünü mükheahlah. Arü mülimkhi neak dübahjih, nü mikinü arü neak nankhita dübah. Arübo nü miki jipkhia bahang; nü bukakhiukchoki arü ki keoang.

JEREMIA 26:11

Judüki amükeamrü tüsho wukihrübonü atorü tüsho mihtsürü alala ki tha, “Ha mihtsürü asheshihpü thülünlah, tümütüsho nüsa nükhünnü asokhi nangde, apinü ha kiuto azhihde müchitdo.”

JEREMIA 29:7

Tüshe inü nüsa ramtso yüshihkhi kiuto mungtsü tüsho lalim atsü thsungkheak yimang. Atungpuh ki tamkhüntamnüang, tümütüsho ju lalim tsüsho nüsa she lalim tsübah.

JEREMIA 38:16

Jumonü kiulongthsüpuh Zedekianü ramde Jeremia ki thiyuchihchim thsü, “Atungpuh lale, Shepünü isa rhangdung jihkhea, inü nü müsheshih yungsho nü yimrü mihtsürübo khah ching müjih.”

JEREMIA 38:25

Inü nü ki asukkhi atorübonü sosho, arünü nü ki arübah athabah, ‘ Nünü kiulongthsüpuh ki tümü thakheanü kheakü isa ki thaang; isa ki düram, jude yungsho isanü nü sheshihbah. Kiulongthsüpuhnü nü ki tümü thakhea?’

JEREMIA 43:3

tüshe Neria tsührü Baruknü isabo Kaldearü khah ching jihshihpü isa azhihde nü thurumusuchoh, junangde arünü isa laksahbah yungsho Babilon ching rama lubah ayübah.”

EZEKIEL 22:27

Ju ching lakhi atorübo ju shiwüh thonakbe, thiyih bukpü, thiyuro mülakhi alü ngüpü rhangdungbo thsümünimkhi rimrebo nangde lah.

AMOS 7:10

Judüki Bethel ching amükeambuh Amazia nü Israel kiulongthsüpuh Jeroboam kilim thiyu yüshih, “Amosnü Israel bolung nü azhihde thachoh; alominü api yu alala marümkhuk.

LUKNÜ ATHRÜTKHI THIYUSHEAK-ATSÜ HUHTANYU 23:2

Tüsho arünü api chikhide athapü tankih, “Ha buhnü trükshih bemüchihkhi isanü ngüdo, tüsho api ju Khrista, kiulongthsüpuh de thade Kaesar kilim ruk jihpü tukloshihdo.”

YUNIRÜBO RHIMO 16:20

tüsho arünü ane ju mahkhaptorü miki bede arübah tha, “Harü mihtsürübo ha Jihudarü ah tüsho isa kiuto küpkhuk jihchoh.

YUNIRÜBO RHIMO 17:6

Tüsho küyimki arünü ane müngükheanü Jason le keoniorü khürü kiuto limberübo müngüh bebah tsahde zhi, “Alomi neamneamjihrü mihtsürü harü ha ching she arüa lah,

YUNIRÜBO RHIMO 24:5

Ha mihtsürü ju thsümütsü-jihrü, Jihudarü alala bolung arhungangüm jihbuh ah de isanü yimkhitdo, tüsho Nazarethrü bolung api aberü ah.

YUNIRÜBO RHIMO 28:22

Tüshe lümkhi tümüanü isanü nü kilimnü sonelah; tümüde alala ching ha khunung azhihde asukkhi isanü mükheahlah.”