JEREMIA 38:3 - AMÜSÜH HÜM CL Bible (BSI)

³ Atungpuhnü ha thachoh, Tsükjide ha kiuto Babilon kiulongthsüpuh bonungrü khah ching jihbah tüsho alubah.

JEREMIA 38:3 Iomraidhean Croise

JEREMIA 21:10

Tümüde inü ha kiuto azhihde amütsü thsungkheak I miro anguhdo tüsho atsü thsungkheak yung, Atungpuhnü thachoh: Ha Babilon kiulongthsüpuh khah ching jihbah, tüsho apinü monü atakbah.

JEREMIA 21:4

Nüsanü Zedekia ki ha thabah: Atungpuh Israel Thrünpuhnü ha thachoh: Nüsa khah ching lakhi thirithsü thsühnukbo küpünü chipi aleanglim nüsa yanrü Babilon kiulongthsüpuh tüsho Kaldearü bede keochihchonü inü luloabahbah; tüsho inü arübo ha kiuto phulung ching rukhüh bemukhungbah.

JEREMIA 21:9

Sherü ha kiuto ching lanü nukshang, khümzung, tüsho tukthsünü ashebah; tüshe sherü wukhiukba tüsho nüsa yanrü Kaldearü ki jihabahbanü nüsa rhangdung labah tüsho thirithsü thsambah khülang nangde arü rhangdung labah.

JEREMIA 29:16

David kiulongthsü-binkiu kheak binbuh kiulongthsürü, tüsho ha kiuto ching lakhi mihtsürü alala, nüsa lung ramtso ching müyükhi nüsa buhtsührü dünkheak Atungpuhnü ha thachoh:

JEREMIA 37:8

Tüsho Kaldearü alodarübah tüsho ha kiuto bede thirithsübah; arünü ju lubah tüsho monü atakbah.

JEREMIA 38:18

Tüshe nünü Babilon kiulongthsüpuh torü ki shuhmülanga müjihsho, ha kiuto Kaldearü kilim jihbah, tüsho arünü monü atakbah, tüsho nü she arü khah chingnü mutsokhi.”