JEREMIA 38:22 - AMÜSÜH HÜM CL Bible (BSI)

²² Juda kiulongthsüpuh yam ching aninga larü azoberü alala Babilon kiulongthsüpuh torü kilim bede wukhiukbah arünü nü ki thabah, ‘ Nü müyamrübonü nü bephülapdo tüsho nü zhidoabahdo; kheakü nü jing akhimniuhniuh ching jungrama lah, arünü nü bahkhido.’

JEREMIA 38:22 Iomraidhean Croise

JOB HU H T ANYU 6:15

I müyamrübonü yungzünunu nangde I mülapyukchoh, yungzübo ngahabahkhi nangde,

MUNGSHIKHÜN 41:9

Inü mulonglamkhi I müyamrükhung, I yikhap tsührünü she I azhihde api lahzhi shuhkihdo.

MUNGSHIKHÜN 69:14

Akhimniuhniuh chingnü I bekhitang, tüsho I dükeamyukshih; I thraneanrü tüsho ke asükbo chingnü I bekhitang.

MUNGSHIKHÜN 69:2

Adubiopung mülakhi akhimniuhniuh asük ching I yüzahchoh; I ke asük ching arü tüsho kekingnü I zhido.

ISAIA 42:17

Arübo arholobah tüsho abümnü achih ngübah– sherünü azünkhi sangthsübo kheak kincho, sherünü anungkhi sangthsübo ki thacho, “ Nü isa thrünpuh.”

JEREMIA 13:21

Nünü nü müyamrü thsüpü lümkhi nü kurungkheak lachoki nünü tümü thaba? Azoberü thsünükhi nangde, thsününü nü müramloba de?

JEREMIA 20:10

Tümüde jikjikyu ahihdo inü solah, “Atrebe alala mükamde lah! Api yusheak jihang! Isanü api yusheak jihanü!” I müyamrükhung alalanü I jing mükhelim kheahchoh. “ Khükia api mülapyukbah, tüsho isanü api kukbah tüsho api kheak isa royimbah.”

JEREMIA 27:14

Babilon kiulongthsüpuh mütankihpü wukihrübonü nüsa ki thakhi yubo dani, tümüde arünü nüsa ki akeangyu müchitchoh.

JEREMIA 27:15

Inü arübo müthiyi, Atungpuhnü thachoh, tüshe arünü I mung chingnü akeangyu müchitchoh, ju hode inü nüsa yankhitbah tüsho nüsa le nüsa ki müchitrü wukihrübo dükheakbah.

JEREMIA 38:19

Kiulongthsüpuh Zedekianü Jeremia ki tha, “ Inü Kaldearü kilim tsode ayükhi Jihudarü trelah, tümüde I arü kilim jihpü labah tüsho arünü I thsümüchibah.”

JEREMIA 38:21

Tüshe nünü shuhmülanga müjihpü lümkihlasho, Atungpuhnü I ki huhkhi ha lah–

JEREMIA 41:10

Judüki Ishmaelnü Mizpa ching aninga lakhi mihtsürü alala, kiulongthsüpuh tsührübe tüsho aheangrü wühkenobuh Nebuzaradannü Ahikam tsührü Gedalia kilim jihkhi mihtsürü alala rama lubah yü. Nethania tsührü Ishmaelnü arübo rama lu tüsho Amonrü hode ayüpü tsahmusu.

JEREMIA 43:6

athrürübo, aliberübo, azürübo, kiulongthsürü tsührübo, tüsho aheangrü wühkenobuh Nebuzaradannü Shaphan tsührü Ahikam tsührü Gedalia lung lashihrü alala; kheaküshe wukihbuh Jeremia tüsho Neria tsührü Baruk.

JEREMIA 46:21

Anihbenü amulokhi bonungrübo she moshi nunubo nangde athsükhukpü müla; arübo she rholodo tüsho nungde tsodo, arübo müzhip; tümüde arü kheak arü thsümütsü nimung, arü thsümüchi kim akihdo.

JEREMIA 46:5

Tüshe tümüde arü trekhi inü ngücho? Arübo rholode arüdo; arü thirithsürübo kukabahdo tüsho niokheamde tsodo. Arünü rholoa mükheah– alala mühide atrebe lah! Atungpuhnü thachoh.

JEREMIA 6:12

Arü yambo, arü lubo tüsho niuberü rukhühnü püpürü kilim jihbah; tümüde lomi ching larü kheak azhihde I khah chungbah, Atungpuhnü thachoh.

JEREMIA 8:10

Jumonü inü arü niuberübo püpürü kilim jihbah tüsho arü lubo akukrü kilim jihbah, tümütüsho aninikhühnü atobe khiungde mihbüm abannü thiyuro mülakhi alü thsüpü bukmükhütlah; wukihrünü amükeamrü khiungde thiyuro mihbüm abannü mülimde rhimochoh.

TÜZHOKHI 1:13

Achang kheaknü apinü mo arüshih; ha I robo ching sükde yüzahdo; apinü I jing thsungkheak keang zünga zo; apinü I ashitloshih; apinü I zhikabahshih, nimung amuyung shekhia lashih.

TÜZHOKHI 1:2

Anihbenü azhing ching, anihbe ngobo kheak chikebo bukde düsüknimde tripchoh; anihbe muzhorü bolung anihbe shukheamrü she müla; anihbe müyamrü alalanü anihbe ki mülapyukde rhimodo, arübo anihbe riribo kamdo.

TÜZHOKHI 5:11

Zion ching aliberübo, Juda kiutobo ching atsangkhitkhibo kheak amütsü thsüdo.

MIKA 7:5

Müyamrü kheak akin düla, amuzhokhi kheak mulongram düla; niube-niubuh ki she nü mün kümkangang;