JEREMIA 38:18 - AMÜSÜH HÜM CL Bible (BSI)

¹⁸ Tüshe nünü Babilon kiulongthsüpuh torü ki shuhmülanga müjihsho, ha kiuto Kaldearü kilim jihbah, tüsho arünü monü atakbah, tüsho nü she arü khah chingnü mutsokhi.”

JEREMIA 38:18 Iomraidhean Croise

2 KIULONG THSÜRÜ 24:12

Jehoiakin Juda kiulongthsüpuhnü anihbuh abe, api yamlarübo, atorübo, api yam ching atorübo Babilon kiulongthsüpuh kilim jihabah. Babilon kiulongthsüpuhnü anihbuh kiulongthsü kam tizheahpü ching Jehoiakin rama lubah tso.

JEREMIA 21:10

Tümüde inü ha kiuto azhihde amütsü thsungkheak I miro anguhdo tüsho atsü thsungkheak yung, Atungpuhnü thachoh: Ha Babilon kiulongthsüpuh khah ching jihbah, tüsho apinü monü atakbah.

JEREMIA 27:8

Tüshe trükshih khürü yungsho kiulongthsünü ha Babilon kiulongthsüpuh Nebukednezar mütankihsho, tüsho Babilon kiulongthsüpuh sangkaplak khüp ahung müyüzahsho, inü ju trükshih nukshang, khümzung tüsho arüm-tukthsünü, api khah hode inü ha thsümünimkhi mükheamyi khiungde athsümüchibah, Atungpuhnü thachoh.

JEREMIA 37:8

Tüsho Kaldearü alodarübah tüsho ha kiuto bede thirithsübah; arünü ju lubah tüsho monü atakbah.

JEREMIA 38:23

Nü niubebo alala tüsho nü tsührübo Kaldearü kilim bede wukhiukbah, tüsho nü she arü khah chingnü mutsokhi, tüshe Babilon kiulongthsüpuhnü arambah; tüsho ha kiuto monü atakbah.”

JEREMIA 38:3

Atungpuhnü ha thachoh, Tsükjide ha kiuto Babilon kiulongthsüpuh bonungrü khah ching jihbah tüsho alubah.

JEREMIA 39:3

Küyimki yanabahkhea, Babilon kiulongthsüpuh atorübo alala arü tüsho aphulungbe chipiripit ching bin: atobuh Nergalsharezer, atobuh Nebo- Sarsekim, püpürü torü Nergal-sharezer, ju lung Babilon kiulongthsüpuh torübo alala.

JEREMIA 39:8

Kaldearünü kiulongthsüpuh yam tüsho mihtsürübo yam tak tüsho Jirusalem chipi yihmülünjih.

EZEKIEL 12:13

Inü api thsungkheak keang zobah, tüsho I qimürip ching api phuhbah; inü api Kaldearü lomi Babilon ching handarübah, tüshe apinü ju müngükhuk, tüsho api ju ching shebah.

EZEKIEL 17:15

Tüshe Juda kiulongthsüpuhnü khorabo tüsho bonungrü boto bepü api yunithsürü Ijip ching yüshihde api azhih. Apinü akukba de? Hadürü rhimorü tsokhiba de? Apinü tangzüng thsümünimba de tüsho atsokhiba de?