JEREMIA 38:10 - AMÜSÜH HÜM CL Bible (BSI)

¹⁰ Judüki kiulongthsüpuhnü Ethiopiarü Ebedmelek ki thiyukhüm jih, “Ha chingnü mihtsürü mahsam nü lung beang, tüsho kekung chingnü api müsheyide thokhitang.”

JEREMIA 38:10 Iomraidhean Croise

ESTER 5:2

Küyimki apinü Ester wungdo zhipde angükhea, amulong ching muzhode lüm tüsho shoto tso amiki shuhkih. Alibenü arübah tso mulo kheak qiu.

ESTER 8:7

Kiulongthsüpuh Zerzesnü Ester le Jihudabuh Mordekai ane ki tha, “ Kheahang, Jihudarü sheshihpü rük amütsü thsükhi hode Haman süksahdung kheak zhindo, tüsho inü api yam Ester kilim jihdo.

MUNGSHIKHÜN 75:10

Mihbukmuyuk juhbo alala inü alipshakbah, tüshe thiyuro-lungkirü juhbo shuhkihbah.

MÜCHITMUDU 21:1

Kiulongthsürü mulong ju Atungpuh khah ching lah; ke yungbo nangde apinü külimpeang lümlanü thsüphülapchoh.

JEREMIA 38:11

Jumonü Ebedmeleknü api lung mihtsürübo bea lu tüsho kiulongthsüpuh yam kukruk zopung ching yü, tüsho ju chingnü khimmürhütbo lubah shungliu kheaknü Jeremia kilim kekung ching yüzahshih.

JEREMIA 38:7

Ethiopiarü Ebedmelek, kiulongthsüpuh yam ching lakhi dukhanü Jeremia kekung ching yuka zokhi so. Kiulongthsüpuh ju Benjamin Chipiripit kheak binde alakheah,

JEREMIA 38:9

I tungpuh kiulongthsüpuh, harü mihtsürünü akhümnü asheshihpü thsüde kekung ching bahkhi, wukihbuh Jeremia kheak mütsüde rhimodo, tümüde kiuto ching yikhap aninga müla.