JEREMIA 37:7 - AMÜSÜH HÜM CL Bible (BSI)

⁷ Atungpuh , Israel Thrünpuhnü ha thachoh: I ki keokhishihpü nü kilim thiyibuh Juda kiulongthsüpuh ki thaang, Nü rungpü Pharao bonungrü tsahmusukhi ju arü lomi Ijip lim alode ayübah.

JEREMIA 37:7 Iomraidhean Croise

2 KIULONG THSÜRÜ 22:18

Tüshe Juda kiulongthsüpuh kilim Atungpuh ki keokhishihpü shepünü nüsa thiyikhea, nüsanü api ki thaang, A TUN GPU H Israel Thrünpuhnü ha thachoh: Nünü asokhi yubo dünkheak:

2 KIULONG THSÜRÜ 24:7

Ijip kiulongthsüpuhnü api lomi chingnü makhiuklo, tümüde Babilon kiulongthsüpuhnü Ijip kiulongthsüpuh yo alala Ijip ayung chingnü Euphra ayung khiungde luabah.

MÜCHITMUDU 21:30

Atungpuh azhihde lümlung yungsho anikhitkhi yungsho lümthiyan tümü müla.

ISAIA 30:7

Tümüde Ijip arung ju amüthülünkhi tüsho akeangkeang, jumonü inü anihbe ki jikheah, “Zhikde abinkhi Rahab.”

ISAIA 36:6

Kheahang, nü Ijip kheak angükihlah, azhakkhi kiupung tso, küpünü ju kheak angükihrü khah chinkhitpü la. Ha ruk alalanü angükihbuh ju Ijip kiulongthsüpuh Pharao lah.

JEREMIA 2:18

Dale Ijip ching Nile ke yungpü yükhinü nü tümü alü ngücho? Yungsho Asiria ching Euphra ke yungpü yükhinü nü tümü alü ngücho?

JEREMIA 2:36

Küdüküdü she shande, nü limro müthrichoh! Asirianü achih ngüshihkhi nangde Ijipnü nü achih ngüshihbah.

JEREMIA 2:37

Nü khahnü ku thürümlobah ju chingnü she nü arüabahbah; tümüde nünü mulonglamrü Atungpuhnü bahyukdo, tüsho arü hode nü alü müngü.

JEREMIA 21:1

Ha Atungpuh yu kiulongthsüpuh Zedekianü Malkia tsührü Pashhur tüsho Maaseia tsührü amükeambuh Zephania api kilim yüshihchoki Jeremia kilim arü. Arünü tha:

JEREMIA 21:2

“Muzhobah isa thsung thsüde Atungpuh ki keojang, tümüde Babilon kiulongthsüpuh Nebukednezarnü isa azhihde thirithsüchoh; khükia apinü rhimode alakhi nangde Atungpuhnü amüyinsahbe isa thsungkheak rhimobah, tüsho isa kheaknü api tsoloshihbah.”

JEREMIA 37:3

Kiulongthsüpuh Zedekianü Shelemia tsührü Jehukal tüsho Maaseia tsührü amükeambuh Zephania wukihbuh Jeremia kilim yüshihde tha, “Muzhobah Atungpuh isa Thrünpuh ki isa thsungkheak tamkhüntamnüjang.”

JEREMIA 37:5

Ju dükeak ching, Pharao bonungrü Ijip chingnü akhiuk; tüsho küyimki Jirusalem yanrü Kaldearünü arü yusheak sokhea, arübo Jirusalem chingnü tsoabah.

JEREMIA 37:6

Judüki wukihbuh Jeremia kilim Atungpuh yu arü:

TÜZHOKHI 1:7

Anihbe thsünüde rümde atsahchoki adüso nimungbo ching anihbe shoto kukruk alala Jirusalemnü lümkhitchoh. Küyimki anihbe mihtsürü thiriri khah ching yüzahkhea, tüsho anihbe rungpü she mülakhea, thiririnü anihbe keamkhi kheahbah münejih.

TÜZHOKHI 4:17

Arung thsungkheak akeangkeang ching kheahkhinü isa mük keahdo; isanü isa aheangsadambo kheaknü isa mükhümkhitkhukpü lakhi trükshih kheahde alakheah.

EZEKIEL 17:17

Babilonrünü mihtsürü ahihdo laksahpü aheangsadambo tüsho müthrimbo thsüa lachoki, wulakhi Ijip kiulongthsüpuh bonungrünü she api keochihpü murungkhuk.

EZEKIEL 29:16

Ijiprü ju küyimkishe Israel yamkhün angükihpung müthsülo; küyimki arünü arung thsungkheak arü kilim rholobanü, ju amülim ah de alümkhitlobah. Judüki Israelnü I Atungpuh T H RÜ NPU H de mükheahbah.

EZEKIEL 30:22

Jumonü Atungpuh Thrünpuhnü ha thachoh: Inü Ijip kiulongthsüpuh Pharao azhihde lah, tüsho api bin adüküngbe tüsho azhakkhi chido yihshakbah; tüsho inü akhah chingnü nukshang keamkhishihbah.