JEREMIA 37:21 - AMÜSÜH HÜM CL Bible (BSI)

²¹ Jumonü kiulongthsüpuh Zedekianü thiyukhümbo jih, tüsho arünü Jeremia ju aheangrü mahkhappung ching jih; tüsho kiuto chingnü yikhap alala mükheamyi khiungde yikhapthsüpungbo chingnü nimung abande I kilim yikhap khülang jih. Junangde Jeremia ju aheangrü mahkhappung ching lakheah.

JEREMIA 37:21 Iomraidhean Croise

2 KIULONG THSÜRÜ 25:3

Khinu phüyi, nimung tuku nipü kiuto ching khümzung khide phünahde kam, junangde lomi mihtsürübo thsungkheak tsühyungbe mülade alakheah.

JOB HU H T ANYU 5:20

Ashepü khümzung chingnü tüsho thirithsü nukshang wu chingnü apinü nü rhokhitbah.

MUNGSHIKHÜN 37:19

Amütsü kim ching arü achih müngü, tüsho khümzung nimungbo ching arü suhdahde alabah.

MUNGSHIKHÜN 37:3

Atungpuh kheak kinang, tüsho atsü rhimoang; lomi ching khümkhita laang.

MÜCHITMUDU 16:7

Küyimki mihtsürü limrobonü Atungpuh asühshihbanü, apinü anihbuh riribo she api lung mungtsü lashichoh.

MÜCHITMUDU 21:1

Kiulongthsürü mulong ju Atungpuh khah ching lah; ke yungbo nangde apinü külimpeang lümlanü thsüphülapchoh.

ISAIA 33:16

arübo achangbo kheak labah; arü tsoyukpung ju lung-chipi labah; arü tsühyungpü ahiuhbah, arü ke yungpü ngübah.

JEREMIA 20:2

Judüki Pashhurnü wukihbuh Jeremia shik, tüsho Atungpuh yam Benjamin Chipiripit akube ching lakhi rihyam ching zo.

JEREMIA 32:2

Judüki Babilon kiulongthsüpuh bonungrünü Jirusalem yande alakheah, tüsho Juda kiulongthsüpuh yam ching aheangrü rihyam ching wukihbuh Jeremia rihdoa zo.

JEREMIA 32:8

Judüki Atungpuh yu yande I buhdo tsührü Hanamel I kilim aheangpung rihyam ching arü, tüsho I ki tha, “Benjamin lomi Anathoth ching lakhi I lu thuloang, tümüde alakukruk tüsho rhokhitpü alim nü yo ah; ju nü thsungkheak thuloang.” Judüki ha Atungpuh yu ah de inü mükheah.

JEREMIA 33:1

Atungpuh yu Jeremia kilim, api rihyam mahkhappung ching lachoki mahne kipü arü:

JEREMIA 38:13

Jushu arünü Jeremia shungliunü kekung chingnü thokhit. Tüsho Jeremia ju aheangrü mahkhappung ching lakheah.

JEREMIA 38:28

Tüsho Jeremia ju Jirusalem yankhi nimung khiungde aheangrü mahkhappung ching lakheah.

JEREMIA 38:6

Jumonü arünü Jeremia bea lu tüsho kiulongthsüpuh tsührü Malkia kekung, aheangrü mahkhappung lakhi ching Jeremia ju shungliunü chingbah yüzahshih. Kheakü kekung ching ke mülade akhimniuhniuh lang alakheah, tüsho akhimniuhniuh ching Jeremia yüzah.

JEREMIA 38:9

I tungpuh kiulongthsüpuh, harü mihtsürünü akhümnü asheshihpü thsüde kekung ching bahkhi, wukihbuh Jeremia kheak mütsüde rhimodo, tümüde kiuto ching yikhap aninga müla.

JEREMIA 52:6

Khinu phüyi nimung tuku nipü ju kiuto ching khümzung muthsukde arükhi hode lomi mihtsürü thsungkheak tsühyungpü mülade alakheah.

TÜZHOKHI 5:10

Khümzungnü isa küp mokin nangde taklah.

MATHI 6:33

Tüshe nünü akhuhde api kiulongthsü tüsho api thiyuro-lungki yimang, tüsho harü alala nü kilim jihbah.

YUNIRÜBO RHIMO 12:5

Junangde Peter ju rihyam ching zo; tüshe borünü api thsungkheak Thrünpuh ki tamkhüntamnüjih.

YUNIRÜBO RHIMO 24:27

Tüshe küyimki kam mahne hokhea, Felix ju Porcia Festanü müthri; tüsho Jihudarü asühshihpü Felixnü Paul ju rihyam ching zo.

YUNIRÜBO RHIMO 28:16

Küyimki isa Rom khiungkhea, Paul ju api aheangpü bonungrü bede alangzü lapü mülü.

YUNIRÜBO RHIMO 28:30

Judüki Paulnü kam mahne amuyung müshihyih-yam ching la, tüsho api ki arürü alala beyuk.

EFISIA 4:1

Jumonü I Atungpuh thsungkheaknü aramrünü nüsa küpü ching jia lanü ju thülünde rhangdung lapü nüsa ki tuthsukchoh,

EFISIA 6:20

ju thsungkheak I arhükkhi ching limburü ah; junangde inü athapü lakhi yande mulong tode ju khipkhitbah.

2 TIMOTHI 1:8

Isa Atungpuh, yungsho api yo aramrü I dünkheak thiyumütsan thsüpü dachih, tüshe Thrünpuh wu ching thiyusheak-atsü thsungkheak thsünüpü ching shihcham luang,

2 TIMOTHI 2:9

tümüde ha dünkheak I thsünüchoh tüsho khukshikrü nangde rhüka lah, tüshe Thrünpuh yu a mürhük.