JEREMIA 37:18 - AMÜSÜH HÜM CL Bible (BSI)

¹⁸ Jeremianü kheaküshe kiulongthsüpuh Zedekia ki tha, “ Inü nü yungsho nü yamlarübo yungsho ha mihtsürübo ki tümü amülim rhimokhi nünü I rihyam ching zokhea?

JEREMIA 37:18 Iomraidhean Croise

THRÜNTAN 31:36

Judüki Jakobnü bukakhiuk tüsho Laban müneah; Jakobnü Laban ki keo, “Inü athsümünimkhi tümü la? Nünü müthsakkihde müshamde arüpü thsüde I neak tümü la?

MÜCHITMUDU 17:13

Shepünü atsü dün amütsü jihlochonü, api yam chingnü amütsü müchamachih.

MÜCHITMUDU 17:26

Thiyuro-lungkirü thsümüchipü yungsho arü lungkikhi thsungkheak yakzanshuhrübo shikkhi ju alim yung.

JEREMIA 26:19

Juda kiulongthsüpuh Hezekia tüsho Juda alalanü atsütsü api sheshihkhea de? Apinü Atungpuh mütrekhea de tüsho Atungpuh amuzho thsungkheak mumushu de, tüsho apinü arü azhihde athakhi thsümütsü dünkheak Atungpuh lümkhi mümüthrikhea de? Tüshe isa a isa kheak thsümütsü ato handarüpü thsüchoh!”

DANIEL 6:22

I Thrünpuhnü api yunirü arüshihbah kekhüzübo mün khimdoshih, junangde arünü I muyuri, tümütüsho I api miki amülim mülade ngü; tüsho nü miki she, O kiulongthsüpuh, inü amülim tümü mürhimo.”

JOHAN 10:32

Jisunü arü ki tha, “I Buh kilimnü inü rhimo atsü ahihdo nüsa kilim huhdo. Jurü rhimobo küpü dünkheak nüsanü I kingcho?”

YUNIRÜBO RHIMO 23:1

Tüsho Paulnü kiuthsürü kheak kheahmürip tüsho tha, “Keoniorübo, khihni khiungde lümkhi atsü alala ching inü Thrünpuh miki lado.”

YUNIRÜBO RHIMO 24:16

Junangde inü Thrünpuh tüsho mihtsürü kilim lümkhi müsühde alapü kamruhroro mürangchoh.

YUNIRÜBO RHIMO 25:11

I amülim rhimorü thsübah ashepü thülünde lakmihkhülaa, inü ashe tsokhipü müyim tüshe mihtsürübonü I müdamkhi ching tümü mülasho, shenü she I arü kilim müjihkhuk. Inü Kaesar ki mushuchoh.”

YUNIRÜBO RHIMO 25:25

Tüshe api ashepü thülünde tümü mürhimokhi inü yimkhit; tüsho api küdahnü kiulongthsüpuh ki mushukhi nangde inü api kilim yüshihpü pungkhi.

YUNIRÜBO RHIMO 25:8

Tüshe Paulnü api chilode tha, “Inü Jihudarü yakzan, yungsho arüngyam, yungsho Kaesar azhihde amülim tümü mürhimo.”

YUNIRÜBO RHIMO 26:31

tüsho küyimki arübo tsokheanü arü khülangnü khülang ki thaachih, “Ha mihtsürünü ashepü yungsho aramyukpü thülünde tümü mürhimo.”

GALATIA 4:16

Dale tüsho nüsa ki thiyuro thakhinü I nüsa riri kamdü de?