JEREMIA 37:15 - AMÜSÜH HÜM CL Bible (BSI)

¹⁵ Atorübonü Jeremia kheak bukakhiuk tüsho api lakbah athrütbuh Jonathan yam ching ramyuka zo, tümüde ju rihyam thsüa lakheah.

JEREMIA 37:15 Iomraidhean Croise

THRÜNTAN 39:20

Judüki Josep putungrünü api bea lubah kiulongthsürü yo aramrü zopung rihyam ching api yuk. Tüsho api rihyam ching lakheah.

2 KIUTHSÜYUKHEAN 16:10

Judüki Asanü wukihbuh kheak bukakhiuk, tüsho api rihyam ching yuka zo, tümüde ha dünkheaknü api kheak abukakhiuk. Tüsho judüchoki Asanü mihtsürü khürü kheak bukakhiukde rhimo.

2 KIUTHSÜYUKHEAN 18:26

tüsho thaang, ‘ Kiulongthsüpuhnü ha thachoh: Ha buh ha rihyam ching yukang, tüsho I mungtsü ching malodarüchoki yikhap tüsho ke anüknük kipduhang.’”

JEREMIA 18:23

Tütüshe O Atungpuh , arünü I laksahpü lümkhi nünü mükheahlah. Arü mülimkhi neak dübahjih, nü mikinü arü neak nankhita dübah. Arübo nü miki jipkhia bahang; nü bukakhiukchoki arü ki keoang.

JEREMIA 26:16

Judüki atorü tüsho mihtsürü alalanü amükeamrü tüsho wukihrübo ki tha, “Ha mihtsürü asheshihpü müthülün, tümüde apinü Atungpuh isa Thrünpuh mung chingnü isa ki asukdo.”

JEREMIA 32:2

Judüki Babilon kiulongthsüpuh bonungrünü Jirusalem yande alakheah, tüsho Juda kiulongthsüpuh yam ching aheangrü rihyam ching wukihbuh Jeremia rihdoa zo.

JEREMIA 37:20

Kheakü muzhobah I ki aniang, I tungpuh kiulongthsüpuh: Inü amushukhi tsüde anijang, tüsho ju ching shepü thsüde athrütbuh Jonathan yam ching I alode düyüshih.”

JEREMIA 37:4

Kheakü Jeremianü mihtsürü bolung judü lang yüla arüla de alakheah, tümüde api rihyam ching muyukyide alakheah.

JEREMIA 38:26

Jüdüki nünü arü ki thabah, ‘ I ashepü thsüde Jonathan yam lim müyüloshihpü kiulongthsüpuh ki mushude alakheah.’”

JEREMIA 38:6

Jumonü arünü Jeremia bea lu tüsho kiulongthsüpuh tsührü Malkia kekung, aheangrü mahkhappung lakhi ching Jeremia ju shungliunü chingbah yüzahshih. Kheakü kekung ching ke mülade akhimniuhniuh lang alakheah, tüsho akhimniuhniuh ching Jeremia yüzah.

JEREMIA 39:15

Jeremia aheangrü mahkhappung ching lachoki Atungpuh yu arü:

MATHI 21:35

Thulu-mücherünü api yamlarübo ram; arünü khülang lak, püpü laksah, tüsho asampü ju lungnü king.

MATHI 23:34

Jumonü inü nüsa kilim wukihrübo, lümlung larü mihtsürübo, tüsho yakzan thsangyurübo thiyibah: nüsanü khürü laksahbah tüsho ayümkihbah, tüsho khürü nüsa yo sinagogbo ching rhapbah tüsho kiuto chingnü kiuto khiungde athsümüchibah,

LUKNÜ ATHRÜTKHI THIYUSHEAK-ATSÜ HUHTANYU 22:64

Tüsho amük rümdojihbah, arünü amiro kheak lakde keokhi, “Müchitang! Nü lakcho ha shepü a?”

JOHAN 18:22

Küyimki apinü harü thakhea, ju ki zhiprü atorü bolung khülangnü amüyinü Jisu dambah tha, “Nünü achangbe amükeambuh ki ju ruk alobea de?”

YUNIRÜBO RHIMO 5:18

arünü amüsüh-thsangyurübo rambah boto rihyam ching zo.

YUNIRÜBO RHIMO 5:28

“Ha buh mung chingnü müthsangyupü isanü nüsa ki müküpde thiyukhüm jihkhi yung de? Kheahang, nüsa kingaün-yakzannü Jirusalem mide kamshihdo, tüsho ha mihtsürü shekhi isa mudopü lümchoh!”

YUNIRÜBO RHIMO 5:40

Jumonü arünü ha athsunganahkhi lu, tüsho amüsüh-thsangyurübo jiyukbah lak tüsho Jisu mung chingnü müthapü thürühbah tsoshih.

AMIKHEAKAKHIUKKHI 2:10

Nü thsünüpü lakhi dünkheak dütre. Inü nü ki thachoh, arimrinü nüsa khürü rükakipü rihyam ching yukbah, tüsho nüsa thsümüchikhi nimung thürü rünkhitbah. Ashepü she khiungde thiyuro laang, tüsho inü nü kilim rhangdung kuthran jihbah.