JEREMIA 36:9 - AMÜSÜH HÜM CL Bible (BSI)

⁹ Josia tsührü Juda kiulongthsüpuh Jehoiakim kam phüngü, khinu tukupü ching Jirusalem ching mihtsürü alala tüsho Juda kiutobo ching Jirusalem ching arürü mihtsürü alalanü Atungpuh miki khümkeak thsüpü zhiyuk.

JEREMIA 36:9 Iomraidhean Croise

2 KIUTHSÜYUKHEAN 20:3

Jehoshaphatnü trede alakheah; apinü Atungpuh yimpü thsakham, tüsho Juda alala ching, khümkeak thsüpü zhiyuk.

NEHEMIA 9:1

Ju khinu nimung mukukheak phüyi ni Israelrübonü shungliukhim phuyu tüsho arü ku kheak asungthulung kamkihde khümkeak thsüde mukhung.

ESTER 4:16

“Yüang tüsho Susa ching Jihudarü alala bemukhungang; khümkeak thsüde I thsungkheak tamkhüntamnüang. Nimung mahsam tsüngre mahsam dütsühyung. I tüsho I yamlaberünü she ju ruk thsübah. Jushu yakzannü mümülülü she I kiulongthsüpuh miki yübah; ha dünkheak I ashepü kamkam she I ashebah.”

JEREMIA 36:1

Josia tsührü Juda kiulongthsüpuh Jehoiakim kam phüyipü ching Atungpuh yu ha Jeremia kilim arü:

JEREMIA 36:22

Kheakü khinu tukupü ching kiulongthsüpuh ju tsüngkam binpung-yam ching binde alakheah, tüsho api miki mothsüpung ching mo takde alakheah.

JEREMIA 36:6

jumonü nü yüang, tüsho khümkeak thsü nimung inü thade nünü athrütkhi Atungpuh yu küpqiu chingnü mihtsürübonü sode kheang. Nünü jurübo Juda mihtsürü arü kiutobo chingnü arürünü she sode kheang.

JOEL 1:13

Shungliukhim phuyuang tüsho tüzhoang, nüsa amükeamrübo; tüzhoang, nüsa kingaün sadam kheak tankihrübo. Arang, shungliukhim chingnü tsüngre hoshang, nüsa I Thrünpuh tankihrübo! Hi kingaün tüsho ayungbe kingaün nüsa Thrünpuh yam chingnü tukloa lah.

JOEL 1:14

Khümkeak khülang lapü zhiyukang, amüsüh amukhung khülang lapü jiang. Azothsürübo tüsho lomi mihtsürü alala Atungpuh nüsa Thrünpuh yam ching mukhungang tüsho Atungpuh ki zhiang.

LEVI 23:27

Ha khinu thüne nimung thürü nipü ju neak dünthsükhikhi nimung labah; nüsa thsungkheaknü ha nimung amüsüh amukhungkhi kim labah, tüsho nüsanü nüsa nihbe me thsünübah tüsho Atungpuh kilim taka kingaünkhi jihbah.

JONA 3:5

Tüsho Nineve mihtsürübonü Thrünpuh kin; arünü khümkeak thsüpü zhiyuk tüsho mihbüm aban ato tüsho anininü shungliukhim phuyu.

ZEKARIA 8:19

Wuto Atungpuhnü ha thachoh: Khinu phüyi ching khümkeakkhi, phüngü ching khümkeakkhi, thüne ching khümkeakkhi, tüsho thürüpü ching khümkeakkhi ju asühachih tüsho asühara akheahmünchibo, tüsho Juda yamkhün thsungkheak asühkhi thüniobo labah: jumonü thiyuro tüsho mungtsü muzhoang.

MAHKHAPRÜ 20:26

Judüki Israel mihtsürü bonungrü athrünkhi wutubah Bethel ching arü tüsho trip; arünü Atungpuh miki bin tüsho ju nimung arelim khiungde khümkeak thsü, tüsho Atungpuh miki taka kingaünkhi le mungtsü kingaünbo jih.

1 SAMUEL 7:6

Jumonü arünü Mizpa ching bemukhung, tüsho ke khipbah Atungpuh miki buka bah. Arünü ju nimung khümkeak thsü, tüsho tha, “Isanü Atungpuh azhihde neak yihbeakdo.” Tüsho Samuelnü Mizpa ching Israel mihtsürü mahkhap.