JEREMIA 36:7 - AMÜSÜH HÜM CL Bible (BSI)

⁷ Khükia arünü mushukhi Atungpuh miki arübah, tüsho arü alala arü amütsü limrobo chingnü rholobah, tümüde ato ju Atungpuhnü ha mihtsürü azhihde athakhi bukakhiukkhi tüsho mulong zhipzhip lah.”

JEREMIA 36:7 Iomraidhean Croise

2 KIULONG THSÜRÜ 22:13

“Yüang, ha ngükhi hüm yubo dünkheak I, mihtsürübo, tüsho Juda alala thsungkheak Atungpuh ki keoang; tümüde isa azhihde Atungpuh bukakhiukkhi tolah, tümütüsho isa jipürünü isa dünkheak thrütkhi alala yande rhimode ha hüm yubo mania lah.”

2 KIULONG THSÜRÜ 22:17

Tümütüsho arünü I bahyuk tüsho püpü thrünpuhbo kilim kingaün jih, junangde arü khah rhimo alalanü I bukakhiukshih, jumonü ha dangpung azhihde I bukakhiukbah, tüsho ju müzünmüt.

2 KIUTHSÜYUKHEAN 34:21

“Yüang, hüm yubo ngükhi dünkheak, I tüsho Israel le Juda ching aninga larü thsungkheak Atungpuh ki keoang; tümüde Atungpuh bukakhiukkhi isa kheak dungkihkhi ju ato ah, tümütüsho isa jipürübonü ha hüm ching thrütkhi yande arhimopü, Atungpuh yu mania lah.”

JEREMIA 1:3

Kheaküshe Josia tsührü Juda kiulongthsüpuh Jehoiakim nimungbo ching, tüsho Josia tsührü Juda kiulongthsüpuh Zedekia kam thürükheak khülang akheam khiungde, khinu phüngü ching Jirusalemrü ramde ayükhi khiungde arü.

JEREMIA 16:10

Tüsho küyimki nünü harü yubo ha mihtsürü ki thabanü, tüsho arünü nü ki thasho, “Tümüde Atungpuhnü ha amütsü ato isa azhihde athakhea? Isa mülimkhi tümü a? Atungpuh isa Thrünpuh azhihde isanü ayihbeakkhi neak tümü a?”

JEREMIA 19:15

Wuto Atungpuh , Israel Thrünpuhnü ha thachoh: Kheakü inü ha kiuto tüsho kiutobo kheak inü azhihde athakhi thsümütsü alala handarüchoh, tümütüsho arünü I yubo anipü reanglode arü hung chungthülangdo.

JEREMIA 21:5

Inü she nüsa azhihde khah ato chungkhitbah, bukakhiukde, mulong zhipzhipde, tüsho bukmükede keochihbah.

JEREMIA 25:5

küyimki arünü tha, “ Nüsa mihbüm abannü nüsa amütsü limro tüsho amütsü rhimobo chingnü kheakü rholoang, tüsho Atungpuhnü nüsa le nüsa jipürü kilim jihkhi lomi ching lünnü nüsa aninga labah;

JEREMIA 26:3

Khükia arü alalanü anibah tüsho arü amütsü limro chingnü rholobah, junangde arünü amütsü rhimokhi hode thsümütsü handarüpü lakhi dünkheak I lümkhi müthribah.

JEREMIA 36:3

Khükia inü arü kheak rhimopü lümkhi thsümütsü alala Juda yamkhünnü sobah arü alala arü amütsü limrobo chingnü rholobah, junangde inü arü mülimkhi tüsho arü neak bahjihbah.

JEREMIA 37:20

Kheakü muzhobah I ki aniang, I tungpuh kiulongthsüpuh: Inü amushukhi tsüde anijang, tüsho ju ching shepü thsüde athrütbuh Jonathan yam ching I alode düyüshih.”

JEREMIA 4:4

Atungpuh kilim nüsa küdah thsüde tsütabahang, nüsa mulong küp muhiukhita bahang, O Juda mihtsürü tüsho Jirusalem ching larübo, yungsho I bukakhiukkhi mo nangde ayübah, tüsho shenü she nüsanü amütsü rhimokhi dünkheaknü müzünmütkhukde atakbah.

JEREMIA 42:2

wukihbuh Jeremia ki tha, “ Isanü mushukhi tsüde anijang, tüsho isa thsungkheak Atungpuh nü Thrünpuh ki tamkhüntamnüjang– harü aningkhi alala thsungkheak. Tümüde nü müknü ngülah, ahihdo chingnü isa anükhüh lang aningdo.

TÜZHOKHI 4:11

Atungpuhnü abukakhiukkhi dünjishih; apinü bukakhiukkhi thurukhit tüsho Zion ching mo takkih, junü akhimtanbo aniuabah.

EZEKIEL 12:3

Jumonü, mihtsürü tsührü, ramtso thsungkheak nü kukrukbo tsanglungang tüsho animuro kim ching arünü akheahchoki tsahmusuang tüsho püpü lim yüang. Arübo azhih mihtsürü thsüthsü she, khükijua arünü anikhitbah.

EZEKIEL 13:13

Jumonü Wuto Atungpuhnü ha thachoh: I mulong zhipzhip ching inü apung amüküp tüsho I bukakhiukkhi ching arulungbo dükhebah tüsho tsüng ju düchibo bede athsümünimpü thsüde arübah.

EZEKIEL 20:33

Tsükjide I lale, Wuto Atungpuhnü thachoh, Inü nüsa kurungkheak wuto khah tüsho achungkhitkhi bin tüsho mulong zhipzhip yakzan shuhbah.

EZEKIEL 22:20

Khürünü shotoyinchi, sunalung, yinchi, yinchithünak, tüsho yinchiliolio aniushihpung hanmukhunga, jurübo niushihpü mo kheak mütkhi nangde; inü I bukakhiukkhi tüsho mulong zhipzhip ching nüsa bemukhungbah, tüsho inü nüsa yuka niuthünakshihbah.

EZEKIEL 5:13

I reangmükeamyi khiungde nünü I bukakhiukkhi tüsho I mulong zhipzhipkhi amüküp alala mütsanbah. Küyimki ha alala dünjibanü, nü thiyuro mülakhinü I Atungpuhnü bukakhiukde nü ki asukdo de nünü mükheahbah.

EZEKIEL 8:18

Jumonü inü bukakhiukde arü ki rhimobah; inü arü ki muzhode mükheah yungsho arü maningshih. Arünü I nükhün ching zhizhi she, inü arü ki mani.”

DANIEL 9:13

Mosa yakzan ching thrüta lakhi nangde ha thsümütsü alala isa kheak arüdo, tütüshe isa neakbo chingnü rholode tüsho nü thiyuro anide isanü Atungpuh isa Thrünpuhnü amulongkhi müyim.

DANIEL 9:18

O I Thrünpuh, nü nükhün muphoang tüsho aniang; nü mükbo khimshuhang tüsho isa thsümünimkhi tüsho nü mung tamde ajikhi kiuto kheahang, tümüde isa thiyuro-lungki dünkheaknü isanü nü miki mushukhi yung, tüshe nü mihmüthsüm ato dünkheaknü ah.

HOSEA 5:15

Arünü arü mülimkhi muhuhyi khiungde, inü I mihtsürü bahyukbah. Tüsho arünü I miro yimbah; arü thsünükhi ching arünü mushude I yimbah.

JOEL 2:12

Kheaküshe, Atungpuhnü thachoh, khümkeak thsüde, tripde tüsho tüzhode, nüsa mulong alalanü I kilim rholoang.

JOEL 2:13

Nüsa khimmih yungde nüsa mulong yihthünakang. Atungpuh , nüsa Thrünpuh kilim rholoang, tümüde api ju mihmuzho tüsho mihmüthsüm, arünnü bukakhiukchoh, tüsho düküngde amuzhopü suhdahde lah tüsho thsümüchi chingnü lümalochoh.

JONA 3:8

Mihtsürübo tüsho shiwühbo shungliukhim phuyubah, tüsho arünü sühmüh lade Thrünpuh ki zhibah. Alalanü arü amütsü limrobo tüsho athsümünim chingnü arholobah.

ZEKARIA 1:4

Nüsa jipürü nangde düla, sherü ki akhuhlim wukihrübonü zhiyuk, “ Wuto Atungpuhnü ha thachoh, Nüsa amütsü limrobo tüsho nüsa amütsü rhimobo chingnü rholoang.” Tüshe arünü muso yungsho I ki mani, Atungpuhnü thachoh.

YUZÜNGTHALO 31:16

Tüsho Atungpuhnü Mosa ki tha, “Kheahang, nü nü buh pürü lung sühakhimbah; tüsho ha mihtsürübonü asürübah tüsho khiungkerü lo thrünpuhbo kheak müzammüram ahoribah, küching arü yübanü jurü bolung labah, tüsho arünü I bahyukbah tüsho inü arü kheak tangzüngkhi thsümünimbah.

YUZÜNGTHALO 31:17

Ju nimung ching arü azhihde I bukakhiukbah, inü arü bahyukbah tüsho I miro arü kinü arambah tüsho arübo dükheakbah. Tüsho amütsübo tüsho thsümütsü ahihdo arü kheak yükihbah, junangde arünü ju nimung thabah, ‘Isa Thrünpuh isa lung mülakhi hode harü amütsübo isa kheak arüchoh yung de?’