JEREMIA 36:4 - AMÜSÜH HÜM CL Bible (BSI)

⁴ Judüki Jeremianü Neria tsührü Baruk ji tüsho Atungpuhnü Jeremia ki asukkhi yubo alala apinü thade Baruknü küpqiu kheak thrütkih.

JEREMIA 36:4 Iomraidhean Croise

ISAIA 30:8

Kheakü yüang, ha arü miki lungbeak khülang kheak thrütang, tüsho hüm ching thrütyukang, junangde lünnü arübe thsungkheak thiyumütsan labah.

ISAIA 8:1

Judüki Atungpuhnü I ki tha, Lungbeak ato khülang luang tüsho ju kheak atotonü thrütang, “Maher-shalal-hash-baz,”

JEREMIA 25:13

Inü azhihde athakhi yubo alala ha hüm ching thrütkhi lüpdükhi, trükshih alala azhihde Jeremianü müchitkhi, ju lomi kheak handarübah.

JEREMIA 30:2

Atungpuh , Israel Thrünpuhnü ha thachoh: Inü nü ki asukkhi yubo alala hüm khülang ching thrütang.

JEREMIA 32:12

tüsho shothsühüm ju I kü Hanamel mikinü shothsühüm kheak dokihrü thiyumütsan thsürübo mikinü, tüsho aheangrü mahkhappung ching binrü Jihudarü mikinü, inü shothsühüm ju Maseia tsührü Neria tsührü Baruk kilim jih.

JEREMIA 36:14

Judüki atorü alalanü Baruk ki thashihpü, Kushi tsührü Shelemia tsührü Nethania tsührü Jehudi yüshih, “ Nünü mihtsürübonü sode akhekhi küpqiu lubah arang.” Jumonü Neria tsührü Baruknü küpqiu akhah ching lu tüsho arübo kilim arü.

JEREMIA 36:21

Judüki kiulongthsüpuhnü küpqiu lupü Jehudi yüshih, tüsho apinü athrütbuh Elishama khiungshak chingnü ju lu; tüsho Jehudinü kiulongthsüpuh tüsho api ki zhiprü atorü alala ki ju khea huh.

JEREMIA 36:23

Jehudinü aphu mahsam yungsho phüyi kheshu kiulongthsüpuhnü nukjipnü nipnak tüsho küpqiu abümnü mütakkhamyi khiungde mothsüpung ching yuka tak.

JEREMIA 36:26

Tüsho kiulongthsüpuhnü kiulongthsürü tsührü Jerameel, Azriel tsührü Seraia tüsho Abdeel tsührü Shelemia, athrütbuh Baruk tüsho wukihbuh Jeremia rampü thiyukhüm jih. Tüshe Atungpuhnü ane ramabah.

JEREMIA 36:27

Kheakü, Jeremianü Baruk ki thaa thrütshihkhi yubo bede kiulongthsüpuhnü küpqiu takshu, Atungpuh yu Jeremia kilim arü:

JEREMIA 36:28

Küpqiu püpü luang tüsho Juda kiulongthsüpuhnü takabahkhi akhuhbe küpqiu ching lakhi yubo ju kheak thrütang.

JEREMIA 36:32

Judüki Jeremianü küpqiu püpü lu tüsho Neria tsührü Baruk kilim jihbah, Juda kiulongthsüpuh Jehoiakimnü mo ching takabahkhi Jeremianü thaa thrütshihkhi küpqiu yubo alala thrütkih; tüsho akiphahkhi yubo ahihdo yukajak.

JEREMIA 36:6

jumonü nü yüang, tüsho khümkeak thsü nimung inü thade nünü athrütkhi Atungpuh yu küpqiu chingnü mihtsürübonü sode kheang. Nünü jurübo Juda mihtsürü arü kiutobo chingnü arürünü she sode kheang.

JEREMIA 43:3

tüshe Neria tsührü Baruknü isabo Kaldearü khah ching jihshihpü isa azhihde nü thurumusuchoh, junangde arünü isa laksahbah yungsho Babilon ching rama lubah ayübah.”

JEREMIA 51:59

Juda kiulongthsüpuh Zedekia kiulongthsükhi kam phüyipü ching, api lung Maseia tsührü Neria tsührü Seraia yüchoki wukihbuh Jeremianü thiyukhüm jihkhi yu. Seraia ju kukruk-putungrü lakheah.

JEREMIA 51:60

Babilon kheak arüpü lakhi thsümütsü alala, Babilon dünkheak thrütkhi yubo alala Jeremianü küpqiu kheak thrüt.

EZEKIEL 2:9

Judüki inü kheah, tüsho I ki khah chunghuhkhi inü ngü, tüsho ju ching küpqiu khülang lakheah.

DANIEL 7:1

Babilon kiulongthsüpuh Belshazzar kam akhuhbe ching, Danielnü yapkiu ching yapde alachoki milim tüsho michihbo ngü. Jushu apinü milim ju thrüt:

ZEKARIA 5:1

Kheaküshe inü abinkih-a kheah tüsho küpqiu khülang phinkhi ngü.

ROMRÜ KILIM PAULNÜ ATHRÜTKHI KIHÜM HUHTANYU 16:22

Ha kihüm thrütbuh, I Tertianü nüsa kilim Khristan salüm jihchoh.