JEREMIA 36:31 - AMÜSÜH HÜM CL Bible (BSI)

³¹ Tüsho inü arü mülimkhi dün api le atsührü tüsho ayamlarübo thsümüchibah; inü arü le Jirusalem ching larü tüsho Juda mihtsürü kheak inü arü azhihde athakhi thsümütsü alala handarübah, tümütüsho arünü mani.

JEREMIA 36:31 Iomraidhean Croise

MUNGSHIKHÜN 94:23

Apinü arü kheak arü nihbuh mülimkhi hankihdo, tüsho arü nihbuh mihbukmuyuk ching arü dükheakshihbah; Atungpuh isa Thrünpuhnü arü dükheakshihbah.

MÜCHITMUDU 29:1

Shepü alochode thsülangjihjih she mulong müküpchonü, müthsüngukhukpü thsüde zukleangnü athsümünimbah.

JEREMIA 11:8

Tütüshe arünü mihyu mani yungsho arü nükhün manguh, tüshe mihbüm abannü amütsü lümkhi ching nihnihde tsahdo. Jumonü inü arü ki arhimoshihpü thiyukhüm jihkhi ha tangzüng yubo alala arü kheak handarü, tüshe arünü mürhimo.

JEREMIA 17:18

I thsümüchirü achih ngüshang, tüshe I achih düngüshih; arü müyinsahshang tüshe I a dümüyinsahshih; arü kheak thsümütsü nimung handarang; alochode athsümüchinü arü dükheakshang!

JEREMIA 19:15

Wuto Atungpuh , Israel Thrünpuhnü ha thachoh: Kheakü inü ha kiuto tüsho kiutobo kheak inü azhihde athakhi thsümütsü alala handarüchoh, tümütüsho arünü I yubo anipü reanglode arü hung chungthülangdo.

JEREMIA 23:34

Tüsho wukihrü yungsho amükeamrü, yungsho mihtsürü sherünü athaba, “Atungpuh müchityu,” inü arü tüsho arü yamkhün thsümüchibah.

JEREMIA 29:32

jumonü Atungpuhnü ha thachoh: Inü Nehelamrü Shemaia tüsho api tsühsoniusobo thsümüchipü thsüchoh; inü I mihtsürü ki atsü rhimopü lakhi kheahpü thsüde ha mihtsürü bolung api a sheshe alapü yung, Atungpuhnü thachoh, tümüde apinü Atungpuh azhihde asukdo.

JEREMIA 35:17

Jumonü Atungpuh , Wuto Thrünpuh, Israel Thrünpuhnü ha thachoh: Inü Juda tüsho Jirusalem ching larü alala kheak azhihde athakhi thsümütsü lüpdükhi handarübah; tümütüsho inü arü ki asuk tüshe arünü mani, inü arü ki ji tüshe arünü malo.

JEREMIA 52:2

Apinü Jehoiakimnü arhimokhi nangde, Atungpuh miki amütsübe rhimo.

EZEKIEL 7:8

Inü nüsa kheak I mulong zhipzhip yükihshihpü tüsho I bukakhiukpü lah; inü nü rhimorhiyi ayannü mahkhapbah tüsho athraneanbe rhimokhi alala ayannü ajihlobah.

EZEKIEL 7:9

Inü nü kheak mihmuzhode mükheah yungsho nü maningshih; inü nü rhimorhiyi tüsho nüsa bolung athraneanbe rhimokhi ayannü ajihlobah; judüki adambuh ju I Atungpuh de nünü mükheahbah.

LEVI 26:14

Tüshe nüsanü I ki manisho, tüsho thiyukhümbo alala müleangkhisho,

MATHI 23:37

“O Jirusalem, Jirusalem, shepünü wukihrübo laksah tüsho anihbe kilim yüshihrü lungnü rusahkhea! Thunu dretonü ajipjipbo aghidükeang khüp bemukhungkhi nangde, küdükhüh ki lang inü nü tsührübo bemukhungpü künkhea, tüshe nünü mümulong!