JEREMIA 36:3 - AMÜSÜH HÜM CL Bible (BSI)

³ Khükia inü arü kheak rhimopü lümkhi thsümütsü alala Juda yamkhünnü sobah arü alala arü amütsü limrobo chingnü rholobah, junangde inü arü mülimkhi tüsho arü neak bahjihbah.

JEREMIA 36:3 Iomraidhean Croise

NEHEMIA 1:9

Tüshe nüsanü I kilim alode arübah inü athakhi rhimosho nüsa lomi akheam khiungde müzützüt she kükheak I mung zoshihpü inü mokhitdünü ju kheak belode arübah.’

MUNGSHIKHÜN 139:24

tüsho I kheak mihbukmuyuk limro lanahnü kheahang, tüsho akheam mülakhi limro ching I beang.

ISAIA 6:10

Ha mihtsürü lümkhi zhazhade kamshang, tüsho arü nükhünbo peangshang, tüsho arü mükbo yihdojang, junangde arünü arü mükbonü mükheah, tüsho arü nükhünbonü mani tüsho arü lümkhibonü manikhit, tüsho rholode müthsüngu.”

JEREMIA 18:11

Kheakü, jumonü Juda mihtsürü tüsho Jirusalem ching larü ki thaang: Atungpuhnü ha thachoh: Kheahang, nüsa azhihde inü thsümütsü thsüchoh tüsho rük amütsü thsüchoh. Nüsa alala limro amütsü chingnü kheakü rholoang, tüsho nüsa limrobo le nüsa rhimobo müthriang.

JEREMIA 18:8

tüshe inü athakhi trükshihnü amütsü chingnü rholosho, inü thsümütsü handarüpü lakhi chingnü I lümkhi müthribah.

JEREMIA 23:14

Tüshe Jirusalem ching wukihrü bolung inü khide atrebe ngüdo: Arünü müzammüramchoh tüsho akeangyu ching tsahchoh; arünü amütsü rhimorü khah düküngloshihchoh, junangde sheshe mihbukmuyuk chingnü murholo; arü alala I ki Sodom nangde kamdo, tüsho ha ching larübo Gomorra nangde lah.

JEREMIA 24:7

Inü arü kilim I Atungpuh de mükheahpü mulong jihbah; tüsho arübo I mihtsürü thsübah tüsho I arü Thrünpuh thsübah, tümüde arü mulong athrünkhinü arübo I kilim rholobah.

JEREMIA 26:3

Khükia arü alalanü anibah tüsho arü amütsü limro chingnü rholobah, junangde arünü amütsü rhimokhi hode thsümütsü handarüpü lakhi dünkheak I lümkhi müthribah.

JEREMIA 35:15

Inü nüsa kilim I yamlarü wukihrübo alala alochode thaa arüshih, Kheakü nüsa mihbüm abannü nüsa amütsü limro chingnü rholoang, tüsho nüsa rhimobo thsüphuloang, tüsho püpürü thrünpuhbo dunglim arü tankihpü düyü, tüsho inü nüsa le nüsa jipürü kilim jihkhi lo ching nüsa labah. Tüshe nüsanü nüsa nükhün mümupho yungsho I yu mani.

JEREMIA 36:7

Khükia arünü mushukhi Atungpuh miki arübah, tüsho arü alala arü amütsü limrobo chingnü rholobah, tümüde ato ju Atungpuhnü ha mihtsürü azhihde athakhi bukakhiukkhi tüsho mulong zhipzhip lah.”

EZEKIEL 12:3

Jumonü, mihtsürü tsührü, ramtso thsungkheak nü kukrukbo tsanglungang tüsho animuro kim ching arünü akheahchoki tsahmusuang tüsho püpü lim yüang. Arübo azhih mihtsürü thsüthsü she, khükijua arünü anikhitbah.

EZEKIEL 18:23

Mihbukmuyuk shekhi ching inü tümükhüh asühpü lade? Wuto Atungpuhnü thachoh. Ju müthri, küyimki arünü arü limro chingnü rholobah rhangdung labanü inü masühcho de?

ZEPHANIA 2:3

Atungpuh yimang, nüsa lomi ching azhihayihrü alala, sherünü api yukhümbo rhimocho; thiyuro-lungki yimang, azhihayih yimang; khükijua Atungpuh bukakhiuk nimung nü tsokhitbah.

MATHI 13:15

tümüde ha mihtsürü mulong makhaa lah, asopü arü nükhünbo düngdünglah, tüsho mükjibo tuka lah, jude müthsükhülaa arü mükbonü angübah, tüsho arü nükhünbonü asobah, jude müthsükhülaa arü mulongnü anikhitbah arholobah tüsho inü arü thsüngujihbah.’

MARK 4:12

junangde ‘arünü kheahkheah she mükheahkhit, arünü anini she muso tüsho manikhit; jude yungkhülaa arünü arholobah tüsho neak bahjihbah!’ ”

LUKNÜ ATHRÜTKHI THIYUSHEAK-ATSÜ HUHTANYU 20:13

Judüki kurungasolu putungpuhnü tha, ‘Inü tümü rhimoba? Inü muzhodakkhi I tsührü yüshihbah. Arünü api ngüchoki api ki wüntre jihpü labah.’

YUNIRÜBO RHIMO 26:18

arü mükbo khimshuhbah amiting chingnü ayin lim tüsho Arimri wu chingnü Thrünpuh kilim rholoshihpü lah, junangde arünü neak bahkhi tüsho I kheak akin hode atsangkhitkhi nüsa bolung lapung leangkhibah.’

YUNIRÜBO RHIMO 26:20

tüshe akhuhde Damaska ching larü ki, jushu Jirusalem le Judea lomi alala ching, tüsho khiungkerü ki arünü mulong müthride Thrünpuh kilim rholobah ju thülünde rhimo rhimopü thsüde thsangyuthsangra.

YUNIRÜBO RHIMO 28:27

Tümüde ha mihtsürübo mulong zhazhaabahdo tüsho arü nükhün peanga lah, tüsho arü mük tuka lah, jude yungkhülaa arü müknü akheahkhitbah, arü nükhünnü asobah, arü mulongnü anikhitbah, tüsho rholobah inü arü thsüngubah.’

YUNIRÜBO RHIMO 3:19

Jumonü mulong müthriang, tüsho rholoang, junangde nüsa neakbo nankhita bahbah Atungpuh kilimnü me düküngpü kimbo arübah,

YUZÜNGTHALO 30:2

tüsho inü khihni nüsa ki thiyukhüm jihkhi nangde nü tüsho nü tsührübo, nü mulong tüsho nü me athrünkhi Atungpuh nü Thrünpuh ki rholode api ki mihyuanisho,

YUZÜNGTHALO 30:8

Tüsho nünü Atungpuh ki mihyuanilobah tüsho inü khihni nü ki thiyukhüm jihkhi ha arhimobah.

YUZÜNGTHALO 5:29

O, arünü I wüntrekhi hadürü arü mulong ching lade kamruhroro I yukhüm zokhülaa, junangde arü tsührübo kheak lünnü tsüde alabah!

2 PETER 3:9

Khürünü ruhlah dükhi nangde, Atungpuhnü apinü alokhikhi muruhchoh. Apinü she lang she müdükheakshihne, tüshe mihbüm aban mulong müthrishihpü nüsa kheak arümkheamde lah.

1 SAMUEL 7:3

Judüki Samuelnü Israel yamkhün alala ki tha, “Nüsa mulong athrünkhinü nüsa Atungpuh kilim rholochosho, dale khiungkerü thrünpuhbo tüsho Astar sangthsübo dükheabahang. Nüsa mulong A TUN GPU H kilim anguhang, tüsho api lang tankihang, tüsho nüsa Filistiarü khah chingnü abekhitbah.”