JEREMIA 36:29 - AMÜSÜH HÜM CL Bible (BSI)

²⁹ Tüsho Juda kiulongthsüpuh Jehoiakim dünkheak nünü athabah: Atungpuhnü thachoh, Nünü ha küpqiu takpü tha, “Tsükjide Babilon kiulongthsüpuh arübah tüsho ha lomi, mihtsürü tüsho shiwühbo thsümünimpü tümüde nünü ha ching thrütkhea?”

JEREMIA 36:29 Iomraidhean Croise

JOB HU H T ANYU 15:24

Küpkhuk tüsho thsünükhinü api müzünchoh; Kiulongthsürü khülangnü thirithsüpü thsakhamkhi nangde arünü api azhihde kukchoh.

JOB HU H T ANYU 15:25

Tümütüsho apinü Thrünpuh azhihde khah chungkihchoh, tüsho Wutobuh ki mütre,

JOB HU H T ANYU 40:8

Nünü I she amülim kamshihba de? Nü thiyuro thsüpü thsungkheak I bahyukba de?

ISAIA 29:21

sherünü mihtsürübo amülim kamshihcho, shepünü chipiripit ching mahkhaprü thsungkheak azheang zocho, tüsho mütsanmükhi mülade alungki ching larü thiyuro rahlocho.

ISAIA 30:10

shenü angürü ki thacho, “Düngü”; tüsho wukihrü ki, “Alungki lakhi isa ki dümüchit; isa ki atsübo asukang, arükchihbo müchitang,

ISAIA 45:9

Nüsa sherünü nü Thrünrü kheak shochihchonü are! Api ki anihbuh ju alo kheak phühkheambo lung phühkheam khülang ah. Alonü athsübuh ki thaba de, “ Nü tümü thsücho?” Yungsho “Api khahbo müla?”

JEREMIA 21:10

Tümüde inü ha kiuto azhihde amütsü thsungkheak I miro anguhdo tüsho atsü thsungkheak yung, Atungpuhnü thachoh: Ha Babilon kiulongthsüpuh khah ching jihbah, tüsho apinü monü atakbah.

JEREMIA 25:13

Inü azhihde athakhi yubo alala ha hüm ching thrütkhi lüpdükhi, trükshih alala azhihde Jeremianü müchitkhi, ju lomi kheak handarübah.

JEREMIA 25:9

Atungpuhnü thachoh, Inü dukulim trükbo tüsho I yamlarü Babilon kiulongthsüpuh Nebukednezar, ha lomi le mihtsürübo tüsho mühi trükshih alala azhihde handarübah; inü arü shahde thsümünimbah tüsho arübo atrebe tüsho ish thsübe, tüsho akheam müla mihmüthsüm mülakhi kamshihbah.

JEREMIA 26:9

Tümüde nünü Atungpuh mung chingnü, ‘ Ha yam Shilo ruk kambah, tüsho ha kiuto mihtsürü mülade zhikrangkhündo alabah’ de müchitcho?” Tüsho mihtsürü alalanü Atungpuh yam ching Jeremia mükamde mukhung.

JEREMIA 28:8

Jipü kim chingnü wukihrübonü I tüsho nü müngüh, lomi ahihdo tüsho kiulongthsü atobo azhihde thirithsü, khümzung tüsho arüm-tukthsü müchit.

JEREMIA 32:3

Tümüde Juda kiulongthsüpuh Zedekianü api rihdoa zobah tha, “Tümü thsükhi nünü müchitcho tüsho thacho: Atungpuh nü ha thachoh: Inü ha kiuto Babilon kiulongthsüpuh khah ching jihbah, tüsho apinü ju lubah;

JEREMIA 33:12

Wuto Atungpuhnü ha thachoh: Mihtsürü tüsho shiwüh mülakhi ha dangpung ching, tüsho kiuto alala ching kheaküshe mihnu neakrübonü arü mihnubo yimkippung rimlopung labah.

JEREMIA 36:23

Jehudinü aphu mahsam yungsho phüyi kheshu kiulongthsüpuhnü nukjipnü nipnak tüsho küpqiu abümnü mütakkhamyi khiungde mothsüpung ching yuka tak.

YUNIRÜBO RHIMO 5:28

“Ha buh mung chingnü müthsangyupü isanü nüsa ki müküpde thiyukhüm jihkhi yung de? Kheahang, nüsa kingaün-yakzannü Jirusalem mide kamshihdo, tüsho ha mihtsürü shekhi isa mudopü lümchoh!”

YUNIRÜBO RHIMO 5:39

tüshe ha Thrünpuh kilimnü a sho nüsanü arü mukuk. Nüsanü Thrünpuh azhihde keochihkhi kambah!”

1 KORINT 10:22

Isanü Atungpuh mükthsüshihba shi? Isa api kheaknü amürangbe a de?

YUZÜNGTHALO 29:19

tüsho küyimki hadürü mihtsürünü ha muthrumüneankhi sobanü, apinü nihbuh mulong ching müngühmühide athabah, ‘Inü I mulongnü alümkhi ching tsah-a lalashe I mungtsü labah.’ Hanü nüsa atsü tüsho amütsü chido thsümünimbah.