JEREMIA 36:25 - AMÜSÜH HÜM CL Bible (BSI)

²⁵ Elnathan, Delaia tüsho Gemaria arünü kiulongthsüpuh ki küpqiu mütakpü mushushu she, apinü arü ki mani.

JEREMIA 36:25 Iomraidhean Croise

THRÜNTAN 37:22

Tüsho Reubennü arü ki tha, “Thiyih dübuk, tüshe sunglo ching lakhi shingkung ching api jipyukang, tüsho api kheak khah düchung”–ha apinü arü kheaknü bekhitbah abuh kilim belode arüpü lümkhi thsükheah.

MÜCHITMUDU 21:29

Mihbukmuyuk mihtsürünü nihbuh miro müküpde kamchoh, tüshe alungkirünü a nihbuh limro lümakheahchoh.

JEREMIA 26:16

Judüki atorü tüsho mihtsürü alalanü amükeamrü tüsho wukihrübo ki tha, “Ha mihtsürü asheshihpü müthülün, tümüde apinü Atungpuh isa Thrünpuh mung chingnü isa ki asukdo.”

JEREMIA 26:22

Kiulongthsüpuh Jehoiakimnü Akbor tsührü Elnathan tüsho api lung mihtsürübo Ijip ching yüshih,

JEREMIA 36:10

Judüki Baruknü Atungpuh yam ching yüzahpung chipiripit aso kheak achangbe yamkhuh ching, Shaphan tsührü athrütbuh Gemaria khiungshak chingnü, Atungpuh yam ching mihtsürü alalanü sode küpqiu chingnü Jeremia yubo khe.

JEREMIA 36:12

apinü kiulongthsüpuh yam lim, athrütbuh khiungshak ching yüki, tüsho ju ching atorübo alala binde alakheah: athrütbuh Elishama, Shemaia tsührü Delaia, Akbor tsührü Elnathan, Shaphan tsührü Gemaria, Hanania tsührü Zedekia, tüsho atorü alala.

MATHI 27:4

Apinü tha, “Amülim mülarü yinatsühde thiyih bukshihkhi hode inü neak yihbeakdo.” Arünü alo, “Isanü ju tümü thsüjihpü? Ju nü küdah thsang!”