JEREMIA 36:24 - AMÜSÜH HÜM CL Bible (BSI)

²⁴ Tütüshe kiulongthsüpuh yungsho api yamlarü harü yu sorü shenü she mütre, yungsho arü khimmih muthonak.

JEREMIA 36:24 Iomraidhean Croise

THRÜNTAN 37:29

Judüki Reubennü shingkung lim alode yü, tüshe Josep ju shingkung ching mülade alakheah; tüsho apinü akhimmihbo thorüp.

THRÜNTAN 37:34

Judüki Jakobnü api khimmihbo thorüpbah achim kheak shungliukhim yihkih, tüsho api tsührü thsungkheak nimung ahihdo tüzho.

2 SAMUEL 1:11

Judüki Davidnü akhim kheak tholobah rukrüp; tüsho api lung larü mihtsürü alalanü ju ruk thsü.

1 KIULONG THSÜRÜ 21:27

Küyimki Ahabnü thiyu jurü sokhea, apinü akhim thorüp tüsho apang keangkeang kheak shungliukhim yuk; apinü khümkeak thsüde shungliukhim ching yap, tüsho mulong rozhakde mükamde tsah.

JOB HU H T ANYU 15:4

Tüshe nü Thrünpuh trekhi chingnü tsochoh, tüsho Thrünpuh miki tamkhüntamnüpü zhipdochoh.

MUNGSHIKHÜN 36:1

Neak yihbeakkhinü mihbukmuyuk ki api mulong ching sükde asukchoh; api mük ki Thrünpuh trekhi müla.

MUNGSHIKHÜN 36:2

Tümüde apinü anihbuh neak müyimkhit yungsho müthranean de nihbuh küdah thsüde changde lümchoh.

MUNGSHIKHÜN 64:5

Arünü amütsü lümkhi kheak düngde tholochoh; arünü ramde qimürip zopü thade lümchoh, “Shenü isa ngüpü kukla?

ABEKHIT 7:23

Pharaonü rholobah ayam ching yü, tüsho ha she api mulong ching mühan.

ISAIA 26:11

O Atungpuh , nü khah shuhkihlah tüshe arünü ju müngü. Nünü nü mihtsürü thsungkheak mulong jihkhi arünü ngüshang tüsho achihshang. Nü azhihrü monü arü aniuabahshang.

ISAIA 36:22

Judüki Hilkia tsührü Eliakim, shepü kiulongthsüpuh yam abebuh lakhea, tüsho athrütyukbuh Shebna, tüsho Asaph tsührü athrütbuh Joa, arü khim thorüpbahle Hezekia kilim arü, tüsho Rabshake yubo api ki thaa huh.

ISAIA 37:1

Küyimki kiulongthsüpuh Hezekianü ha sokhea, apinü akhim thorüpbah anihbuh shungliukhimnü hingdo, tüsho Atungpuh yam ching yüzah.

JEREMIA 36:16

Küyimki arünü thiyubo alala sokhea, arünü alanachihde khülangnü khülang kilim anguh, tüsho Baruk ki tha, “ Isanü tsükjide harü yubo alala kiulongthsüpuh kilim jihbah.”

JEREMIA 5:3

O Atungpuh , nü müknü thiyuro mükheahcho de? Nünü arü shik, tüshe arünü thsünükhi mümütsan; nünü arü muyuabah, tüshe arünü thsülangkhi lupü reanglo. Arünü arü miro lung kheaknü amürangbe kamshih; arünü arholopü thsunglo.

JONA 3:6

Küyimki thiyusheakbo ju Nineve kiulongthsüpuh khiungkhea, apinü anihbuh kiulongthsü-binkiu chingnü asürü, api shulünkhim yihkhit, shungliukhimnü anihbuh lüpdo, tüsho awah ching bin.

MATHI 12:41

Mahkhap nimung Nineve mihtsürübonü ha lün lung zhibah tüsho amülim jihbah, tümütüsho Jonanü thsangyuthsangrakhi hode arü mulong müthri, tüsho kheakü Jona kheaknü atobe khülang ha kheak lah.

ROMRÜ KILIM PAULNÜ ATHRÜTKHI KIHÜM HUHTANYU 3:18

Thrünpuh trekhi arü mük ki müla.”