JEREMIA 36:2 - AMÜSÜH HÜM CL Bible (BSI)

² Küpqiu khülang luang tüsho inü Israel le Juda tüsho trükshih alala azhihde, Josia kiulongthsüchoki inü nü ki asukpü tankihkhinü kheakü khiungde nü ki asukkhi yubo ju kheak thrütang.

JEREMIA 36:2 Iomraidhean Croise

EZRA 6:2

Tüshe ju Ekbatana kiuto Midia lomi ching küpqiu kheak harü thrüta ngü:

JOB HU H T ANYU 31:35

O, khürünü I ki anikhülaa! Ha ching inü adokihkhi lah! Wutobuhnü I ki aloshang! O, I azhihrünü hüm khülang thrüta lakhülaa!

MUNGSHIKHÜN 40:7

Judüki inü tha, “ Kheahang, I arüchoh; küpqiu ching ju I dünkheak thrüta lakheah.

ABEKHIT 17:14

Atungpuhnü Mosa ki tha, “Ha mümihpü thsüde hüm ching thrütang tüsho Jihusuanü sode kheang, junangde Amalekrü lümkhitpü yinmi bukkhüpnü shahde nankhita bahbah.”

ISAIA 8:1

Judüki Atungpuhnü I ki tha, Lungbeak ato khülang luang tüsho ju kheak atotonü thrütang, “Maher-shalal-hash-baz,”

JEREMIA 1:10

Kheahang, khihni inü nü trükshih tüsho kiulongthsübo kurungkheak arukkhitpü tüsho athomülünpü, athsümünimpü tüsho lahyuka bahpü, athsüpü tüsho akhimpü zojihchoh.”

JEREMIA 1:5

“ Inü nü nuyam ching müthrünchokinü inü nü mükheahlah, tüsho nü müzübeyide inü nü müsühkhit; inü nü trükshihbo kilim wukihrü khülang thsüpü mokhit.”

JEREMIA 1:9

Judüki Atungpuhnü akhah chungkhit tüsho I mün qiu; tüsho Atungpuhnü I ki tha, “ Kheahang, inü I yubo nü mün ching yukjihdo.

JEREMIA 2:4

Atungpuh yu aniang, O Jakob yamkhün, tüsho Israel trük yamkhün alala.

JEREMIA 25:3

Amon tsührü Juda kiulongthsüpuh Josia kiulongthsükhi kam thürükheak mahsampü chingnü khihni khiungde, kam mukukheak mahsam, Atungpuh yu I kilim arü, tüsho inü nüsa ki alochode asukdo, tüshe nüsanü mani.

JEREMIA 30:2

Atungpuh , Israel Thrünpuhnü ha thachoh: Inü nü ki asukkhi yubo alala hüm khülang ching thrütang.

JEREMIA 36:14

Judüki atorü alalanü Baruk ki thashihpü, Kushi tsührü Shelemia tsührü Nethania tsührü Jehudi yüshih, “ Nünü mihtsürübonü sode akhekhi küpqiu lubah arang.” Jumonü Neria tsührü Baruknü küpqiu akhah ching lu tüsho arübo kilim arü.

JEREMIA 36:18

Baruknü arü ki alo, “Apinü harü yubo alala I ki thaa thrütshih, tüsho inü jurübo dokenü küpqiu kheak thrütkih.”

JEREMIA 36:23

Jehudinü aphu mahsam yungsho phüyi kheshu kiulongthsüpuhnü nukjipnü nipnak tüsho küpqiu abümnü mütakkhamyi khiungde mothsüpung ching yuka tak.

JEREMIA 36:29

Tüsho Juda kiulongthsüpuh Jehoiakim dünkheak nünü athabah: Atungpuhnü thachoh, Nünü ha küpqiu takpü tha, “Tsükjide Babilon kiulongthsüpuh arübah tüsho ha lomi, mihtsürü tüsho shiwühbo thsümünimpü tümüde nünü ha ching thrütkhea?”

JEREMIA 36:6

jumonü nü yüang, tüsho khümkeak thsü nimung inü thade nünü athrütkhi Atungpuh yu küpqiu chingnü mihtsürübonü sode kheang. Nünü jurübo Juda mihtsürü arü kiutobo chingnü arürünü she sode kheang.

JEREMIA 45:1

Jeremianü Baruk ki thiyubo thaa küpqiu kheak thrütshih dunglim, Josia tsührü Juda kiulongthsüpuh Jehoiakim kam phüyipü ching wukihbuh Jeremianü Neria tsührü Baruk ki tha:

JEREMIA 51:60

Babilon kheak arüpü lakhi thsümütsü alala, Babilon dünkheak thrütkhi yubo alala Jeremianü küpqiu kheak thrüt.

EZEKIEL 2:9

Judüki inü kheah, tüsho I ki khah chunghuhkhi inü ngü, tüsho ju ching küpqiu khülang lakheah.

HOSEA 8:12

Inü arü thsungkheak I yakzan ahihdo thrütjihdo, tüshe arünü jurübo tümükhüh jakso nangde khejihchoh.

YUZÜNGTHALO 31:24

Jumonü küyimki Mosanü ha yakzan hüm ching thrütkhamkhea,

IBRI 10:7

Judüki inü tha, ‘Kheahang, I dünkheak küpqiu ching thrüta lakhi nangde nü lümkhi rhimopü I arüdo, O Thrünpuh.’ ”