JEREMIA 36:14 - AMÜSÜH HÜM CL Bible (BSI)

¹⁴ Judüki atorü alalanü Baruk ki thashihpü, Kushi tsührü Shelemia tsührü Nethania tsührü Jehudi yüshih, “ Nünü mihtsürübonü sode akhekhi küpqiu lubah arang.” Jumonü Neria tsührü Baruknü küpqiu akhah ching lu tüsho arübo kilim arü.

JEREMIA 36:14 Iomraidhean Croise

2 KIULONG THSÜRÜ 25:23

Küyimki Babilon kiulongthsüpuhnü Gedalia ju kovünor mokhitkhi thirithsürü wühkenorü alala tüsho arü mihtsürübonü asokhea, arünü arü lung mihtsürübo bebah Gedalia kilim Mizpa ching Nethania tsührü Ishmael, Karea tsührü Johanan, Netopharü Tanhumeth tsührü Seraia, tüsho Maakathrü tsührü Jaazania arü.

JEREMIA 36:2

Küpqiu khülang luang tüsho inü Israel le Juda tüsho trükshih alala azhihde, Josia kiulongthsüchoki inü nü ki asukpü tankihkhinü kheakü khiungde nü ki asukkhi yubo ju kheak thrütang.

JEREMIA 36:21

Judüki kiulongthsüpuhnü küpqiu lupü Jehudi yüshih, tüsho apinü athrütbuh Elishama khiungshak chingnü ju lu; tüsho Jehudinü kiulongthsüpuh tüsho api ki zhiprü atorü alala ki ju khea huh.

JEREMIA 36:4

Judüki Jeremianü Neria tsührü Baruk ji tüsho Atungpuhnü Jeremia ki asukkhi yubo alala apinü thade Baruknü küpqiu kheak thrütkih.

JEREMIA 40:8

arünü Mizpa ching Gedalia kilim yü– Nethania tsührü Ishmael, Karea tsührü Johanan tüsho Jonathan, Tanhumeth tsührü Seraia, Netopharü Ephai tsührübo, Maakathrü tsührü Jezania, arü tüsho bonungrübo.

JEREMIA 41:16

Judüki Karea tsührü Johanan tüsho api lung thirithsürü limberübo alalanü Nethania tsührü Ishmaelnü Ahikam tsührü Gedalia laksah dunglim Mizpa chingnü rama lubah atsokhi mihtsürü aningkhibo alala bea lu–bonungrübo, azoberü, azürübo, dukhabo, Johanannü Gibeon ching belode arü.

JEREMIA 41:18

ju Kaldearü dünkheaknü ah; tümüde arübonü arü trede alakheah, tümütüsho Babilon kiulongthsüpuhnü lomi kurungkheak kovünor mokhitkhi Ahikam tsührü Gedalia ju Nethania tsührü Ishmaelnü laksah.

ZEPHANIA 1:1

Judarü Amon tsührü kiulongthsüpuh Josia nimungbo ching, Hezekia tsührü Amaria tsührü Gedalia tsührü Kushi tsührü Zephania kilim arükhi Atungpuh yu.

MATHI 10:16

“Kheahang, inü nüsa rimre bolung namfimihnubo nangde yüshihchoh. Jumonü phuruto nangde lümlung laang tüsho müthrithrümpü nangde lümlang thsang.

MATHI 10:28

Tüsho shepünü pang laksahcho tüshe me mülaksahkhuknü dütre. Tüshe shepünü me tüsho pang chido thsümüchi ching dükheakshihpü kuklanü api treang.