JEREMIA 36:1 - AMÜSÜH HÜM CL Bible (BSI)

¹ Josia tsührü Juda kiulongthsüpuh Jehoiakim kam phüyipü ching Atungpuh yu ha Jeremia kilim arü:

JEREMIA 36:1 Iomraidhean Croise

2 KIUTHSÜYUKHEAN 36:5

Jehoiakim kiulongthsüpü tankihchoki kam 25 azorü lakheah; apinü Jirusalem ching kam thürükheak khülang kiulongthsü. Apinü A TUN GPU H anihbuh Thrünpuh miki amütsü rhimo.

JEREMIA 25:1

Juda mihtsürü alala dünkheak, Josia tsührü Juda kiulongthsüpuh Jehoiakim kiulongthsükhi kam phüyipü ching Jeremia kilim thiyu arükhi (ju Babilon kiulongthsüpuh Nebukednezar kam khülangpü lakheah,)

JEREMIA 25:3

Amon tsührü Juda kiulongthsüpuh Josia kiulongthsükhi kam thürükheak mahsampü chingnü khihni khiungde, kam mukukheak mahsam, Atungpuh yu I kilim arü, tüsho inü nüsa ki alochode asukdo, tüshe nüsanü mani.

JEREMIA 35:1

Josia tsührü Juda kiulongthsüpuh Jehoiakim nimungbo ching Atungpuh yu Jeremia kilim arü:

JEREMIA 36:9

Josia tsührü Juda kiulongthsüpuh Jehoiakim kam phüngü, khinu tukupü ching Jirusalem ching mihtsürü alala tüsho Juda kiutobo ching Jirusalem ching arürü mihtsürü alalanü Atungpuh miki khümkeak thsüpü zhiyuk.

JEREMIA 45:1

Jeremianü Baruk ki thiyubo thaa küpqiu kheak thrütshih dunglim, Josia tsührü Juda kiulongthsüpuh Jehoiakim kam phüyipü ching wukihbuh Jeremianü Neria tsührü Baruk ki tha:

JEREMIA 46:2

Ijip kiulongthsüpuh Pharao Neko bonungrü azhihde, Ijip dünkheak, küpü Euphra ayung ki Karkemish ching lakhea tüsho küpü Josia tsührü Juda kiulongthsüpuh Jehoiakim kam phüyipü ching Babilon kiulongthsüpuh Nebukednezarnü akukkhea:

DANIEL 1:1

Juda kiulongthsüpuh Jehoiakim kiulongthsü kam asampü ching Babilon kiulongthsüpuh Nebukednezarnü Jirusalem ching arü tüsho ju yanabah.