JEREMIA 35:4 - AMÜSÜH HÜM CL Bible (BSI)

⁴ Inü arübo Atungpuh yam ching, Thrünpuh mihtsürü Igdalia tsührü Hanan tsührübo khiungshak ching bedarü. Ha ripit neakbuh Shallum tsührü Maaseia khiungshak kumung atorübo khiungshak phünide lakheah.

JEREMIA 35:4 Iomraidhean Croise

1 KIULONG THSÜRÜ 12:22

Tüshe Thrünpuh mihtsürü Shemaia kilim Thrünpuh yu arü:

1 KIULONG THSÜRÜ 13:1

Jeroboamnü rhümthüneabe jihpü kingaün sadam ki zhipchoki, Thrünpuh mihtsürü khülang Atungpuh yu hode Juda chingnü Bethel lim akhiuk

1 KIULONG THSÜRÜ 13:26

Küyimki api limro chingnü belode arübuh wukihrünü ju sokhea, apinü tha, “Ha Atungpuh yu manibuh Thrünpuh mihtsürü ah; jumonü Atungpuhnü api ki thakhi yu yande Atungpuhnü api kekhüzü kilim jihbah, api zamthünak tüsho nguhsahdo.”

1 KIULONG THSÜRÜ 17:18

Jumonü alibenü Elija ki tha, “O Thrünpuh mihtsürü, I azhihde nünü tümü thsükhea? Nünü I neak lümkhitloshihpü tüsho I tsührü sheshihpü nü I kilim arükhea de!”

1 KIULONG THSÜRÜ 17:24

Jumonü alibenü Elija ki tha, “ Kheakü nü Thrünpuh mihtsürü ah de inü mükheahlah, tüsho nü mün ching lakhi Atungpuh yu thiyuro ah.”

1 KIULONG THSÜRÜ 20:28

Thrünpuh mihtsürü arü tüsho Israel kiulongthsüpuh ki tha, “Atungpuhnü ha thachoh: Tümütüsho Siriarünü thado, ‘Atungpuh a awungbo thrünpuh ah tüshe api a adükhünbo thrünpuh yung,’ jumonü inü ha boto ato alala nü khah ching jihbah, tüsho I Atungpuh de nünü amükheahbah.”

2 KIULONG THSÜRÜ 1:9

Judüki kiulongthsüpuhnü api kilim thünim yo wühkenorü lung api mihtsürü 50 yüshih. Apinü awung mujuk kheak binde alakhi Elija kilim wutu tüsho api ki tha, “O Thrünpuh mihtsürü, kiulongthsüpuhnü thachoh, ‘ Akiang.’”

2 KIULONG THSÜRÜ 12:9

Judüki amükeambuh Jehoiadanü shotsüm khülang lubah, athrandobe ching akhün yeahshung, tüsho ju kingaün sadam tsülim peang Atungpuh yam ching yüzahpung zo; ayüzah limro aheangbuh amükeambuhnü Atungpuh yam ching lude arükhi sho alala ju ching yuk.

2 KIULONG THSÜRÜ 25:18

Aheangrü wühkenobuhnü Seraia achangbe amükeambuh, ju khinbuh Zephania amükeambuh tüsho ripit-limro aheangrü 3 bea lu;

2 KIULONG THSÜRÜ 5:14

Jumonü apinü yüki tüsho Thrünpuh mihtsürü yu yande Jordan ching thüne ki yüzah; azürü nunu shihtsü nangde api shihtsü thsüngu tüsho api müsühde kam.

2 KIULONG THSÜRÜ 5:20

Thrünpuh mihtsürü Elisha yamlabuh, Gehazinü lüm, “Siriarü Naamannü ajihkhi müleangkhide I putungpuhnü khide thülihde tsoshihdo. Atungpuh lale, inü api dunglim alihbah tüsho api kilimnü tümükhüh ngübah.”

2 KIULONG THSÜRÜ 6:10

Thrünpuh mihtsürünü asukkhi dangpung ching Israel kiulongthsüpuhnü thiyusheak yüshih. Apinü khülang ki yungsho mahne ki kheak hode ha dangpung ching müzünde tha, junangde kurhangde alakheah.

2 KIULONG THSÜRÜ 7:17

Kheakü kiulongthsüpuhnü api miki arüde alakhi wühkenobuh ju chipiripit aheangpü yüzahshih; kiulongthsüpuh ju Thrünpuh mihtsürü ki akichoki apinü anihbuh ki thakhi nangde mihtsürübonü wühkenobuh ju ripit ching thrüma sheshih.

2 KIULONG THSÜRÜ 7:2

Judüki kiulongthsüpuh miki arüde alakhi wühkenobuhnü Thrünpuh mihtsürü ki tha, “Atungpuhnü yinmi ching ayinripit thsüthsü she, hadürü dünjikhukba de?” Tüshe apinü tha, “Nünü ju nü müknü angübah, tüshe nünü jurü mütsüh.”

1 KIUTHSÜYUKHEAN 9:27

Tüsho arünü Thrünpuh yam phünide la; tümüde arü kheak akheahpü tüsho yapsu aban akhimshuhpü rhimo jih.

2 KIUTHSÜYUKHEAN 8:14

Abuh David yuzüng yande, apinü amükeamrübo chamnakkhi arü tankihpü thsungkheak, Levirü thsungkheak mungshi rhimo yambo tüsho nimung aban yihnüpü lakhi amükeamrü rungpü rhimobo, tüsho ripit aphuaphu thsungkheak ripit neakrü chamnakbo; tümütüsho junangde Thrünpuh mihtsürü Davidnü thiyukhüm jih.

MUNGSHIKHÜN 84:10

Nü arüngyam ching lakhi nimung khülang ju püpü lim chithürü kheaknü atsübe; mihbukmuyukrü khimyambo ching lapü dün a I a Thrünpuh yam ching ripit-neakrü thsübah.

JEREMIA 21:1

Ha Atungpuh yu kiulongthsüpuh Zedekianü Malkia tsührü Pashhur tüsho Maaseia tsührü amükeambuh Zephania api kilim yüshihchoki Jeremia kilim arü. Arünü tha:

JEREMIA 26:10

Küyimki Juda torübonü harü sokhea, arünü kiulongthsüpuh yam chingnü Atungpuh yam lim atu tüsho Atungpuh yam ching yüzahpung chipiripit aso kheak arübah bin.

JEREMIA 35:3

Jumonü inü Habazzinia tsührü Jeremia tsührü Jaazania tüsho api keoniorübo, api tsührübo, tüsho Rekabrü yamkhün alala bea lu.

JEREMIA 52:24

Aheangrü wühkenobuhnü akube amükeambuh Seraia bea lu, mahnepü amükeambuh Zephania tüsho ripit neakrü 3;

EZEKIEL 40:38

Chipiripit mükü ching khimdopü bede akhiungshak khülang, taka kingaünbe müsühpung lakheah.

EZEKIEL 43:8

Küyimki arünü arü düküyukpung ju I düküyukpung ki zokhea tüsho arü ripitbo I ripit dung ki I le arü dükeak rhü khülangnü lang arebahle azokhea, arünü ayihbeakkhi athraneanbenü arünü I mung amüsüh müneanjihde alakheah; jumonü I bukakhiukkhi ching inü arü muyukheah.

YUZÜNGTHALO 33:1

Ha müngühmühi ha Thrünpuh mihtsürü Mosanü api shepü müngüh Israel tsührübo müngühjihkhi ah.

1 TIMOTHI 6:11

Tüshe nü Thrünpuh mihtsürü, ha alala bahkhiang; thiyuro-lungki, akinrü thsüpü, akin, amuzho, arümkheam, azhihayih kheak kheahkihang.

2 TIMOTHI 3:17

junangde Thrünpuh mihtsürü ju rhimo atsü alala thsungkheak banthsangde, yeankhita labah.

JIHUSUA 14:6

Judüki mihtsürü khürü Juda trük chingnü Gilgal ching Jihusua kilim arü; tüsho Kenizrü Jephunne tsührü Kalebnü api ki tha, “ Kadesh-barnea ching Atungpuhnü I tüsho nü dünkheak Thrünpuh mihtsürü, Mosa ki tümü thakheanü nünü mükheahlah.

1 SAMUEL 2:27

Thrünpuh mihtsürü khülang Eli kilim arü tüsho api ki tha, “ Hanangde Atungpuhnü thachoh, ‘ Küyimki nü pü Ijip ching Pharao yamkhün bukkhüp azhorü lakheanü inü I amikheak akhiuka huhdo.