JEREMIA 35:16 - AMÜSÜH HÜM CL Bible (BSI)

¹⁶ Rekab tsührü Jonadab tsühsoniusobonü arü jipürünü thiyukhüm jihkhi arünü anido tüshe ha mihtsürübonü I yu mani.

JEREMIA 35:16 Iomraidhean Croise

2 SAMUEL 4:2

Kheakü Saul tsührü a thirithsü ching wühkenorü mahne lakheah; khülang mung Baana, tüsho püpü mung Rekab. Ane Beeroth chingnü Benjaminrü Rimmon tsührü ah–tümüde Beeroth ju Benjamin trük chingnü alakheah.

ISAIA 1:3

Moshipungnü atungrü mükheahlah, tüsho donkinü aputungrünü yimkippung mükheahlah; tüshe Israelnü mümükheah, I mihtsürünü manikhit.

JEREMIA 35:14

Rekab tsührü Jonadabnü api tsühsoniuso kilim yukhu muyungpü thiyukhüm jihkhi anido; tüsho arünü khihni khiungde muyung, tümüde arünü arü jipürü yukhüm anido. Tüshe inü nüsa ki alochode asuk, tüshe nüsanü I yu mani.

JEREMIA 7:3

Wuto Atungpuh Israel Thrünpuhnü ha thachoh: Nüsa limrobo tüsho nüsa rhimobo thsülangang, tüsho ha dangpung ching I nüsa lung laanü.

MALAKI 1:6

Tsührü khülangnü abuh, tüsho yamlarübonü arü putungrü wüntrechoh. Dale I abuh a sho, I ki wüntre jihkhi küching la? I aputungrü a sho, I akin jihkhi küching la? Wuto Atungpuhnü nüsa ki thachoh, O I mung mükhemürangkhi amükeamrübo. Nüsanü thachoh, “ Küde thsah isanü nü mung mükhemürangkhea?”