JEREMIA 35:15 - AMÜSÜH HÜM CL Bible (BSI)

¹⁵ Inü nüsa kilim I yamlarü wukihrübo alala alochode thaa arüshih, Kheakü nüsa mihbüm abannü nüsa amütsü limro chingnü rholoang, tüsho nüsa rhimobo thsüphuloang, tüsho püpürü thrünpuhbo dunglim arü tankihpü düyü, tüsho inü nüsa le nüsa jipürü kilim jihkhi lo ching nüsa labah. Tüshe nüsanü nüsa nükhün mümupho yungsho I yu mani.

JEREMIA 35:15 Iomraidhean Croise

ABEKHIT 20:3

“Nünü I miki püpü thrünpuhbo dülashih.

JEREMIA 11:8

Tütüshe arünü mihyu mani yungsho arü nükhün manguh, tüshe mihbüm abannü amütsü lümkhi ching nihnihde tsahdo. Jumonü inü arü ki arhimoshihpü thiyukhüm jihkhi ha tangzüng yubo alala arü kheak handarü, tüshe arünü mürhimo.

JEREMIA 13:10

Ha amütsü mihtsürü, sherünü I yu anipü thsunglocho, sherünü nihnihde arü lümkhi ching yancho tüsho püpürü thrünpuhbo dunglim arü tankihpü tüsho kingaünpü yüdünü, atsü thsungkheak tümü mülakhi ha chimrüm khim nangde alabah.

JEREMIA 18:11

Kheakü, jumonü Juda mihtsürü tüsho Jirusalem ching larü ki thaang: Atungpuhnü ha thachoh: Kheahang, nüsa azhihde inü thsümütsü thsüchoh tüsho rük amütsü thsüchoh. Nüsa alala limro amütsü chingnü kheakü rholoang, tüsho nüsa limrobo le nüsa rhimobo müthriang.

JEREMIA 22:4

Tümüde nüsanü ha yu anisho, ha yam ripitbo hode David kiulongthsü-binkiu kheak binrü kiulongthsürübo, arübo, tüsho arü yamlarübo, tüsho arü mihtsürübo, khora-lolungbe tüsho khorabo kheak binbah azahbah.

JEREMIA 23:22

Tüshe arünü I athsunganah ching zhipkhülaa, arünü I mihtsürübo ki I yu zhiyuka labah, tüsho arü amütsü limro tüsho arü rhimo amütsü chingnü rholoa labah.

JEREMIA 25:4

Tüsho Atungpuhnü api yamlarü wukihrübo alala alochode nüsa kilim arüshihshih she, nüsanü mani yungsho nüsa nükhün mumupho,

JEREMIA 26:13

Kheakü jumonü nüsa limrobo tüsho nüsa rhimobo thsüphuloang, tüsho Atungpuh nüsa Thrünpuh yu aniang, tüsho Atungpuhnü nüsa azhihde athakhi thsümütsü alala dünkheak api lümkhi müthribah.

JEREMIA 26:5

tüsho nüsanü mania lalashe inü I yamlarü wukihrübo niokheamde nüsa kilim arüshihkhi yubo manisho,

JEREMIA 29:19

tümütüsho arünü I yu mani, Atungpuhnü thachoh, küyimki inü nüsa kilim I yamlarü wukihrübo alochode arüshihkhea, tüshe nüsanü mani, Atungpuhnü thachoh.

JEREMIA 3:14

Rholoang, O akin mülakhi tsührü, Atungpuhnü thachoh, tümüde I nü putungrü lah; inü nüsa, khülang kiuto chingnü tüsho mahne yamkhün chingnü bea lubah, tüsho inü nüsa Zion lim bedarübah.

JEREMIA 32:33

Arünü arü düthsün I ki anguhdo, arü mirobo yung; inü arü ki alochode thsangyuyu she, arünü mani tüsho thsülangkhi mulu.

JEREMIA 34:14

“ Ibrirü nüsa ki yinbah kam thuruk nüsa tankihkhi nüsa mihbüm abannü kam thünepü ching zuzu kamshihbeah.” Tüshe nüsa jipürübonü I ki mani yungsho arü nükhün I ki manguh.

JEREMIA 36:3

Khükia inü arü kheak rhimopü lümkhi thsümütsü alala Juda yamkhünnü sobah arü alala arü amütsü limrobo chingnü rholobah, junangde inü arü mülimkhi tüsho arü neak bahjihbah.

JEREMIA 4:1

Nüsanü rholosho, O Israel Atungpuhnü thachoh, nüsanü I kilim rholosho, nüsanü athraneanbe I mikinü yihkhita bahsho, tüsho tsahphülapde müyüsho,

JEREMIA 4:14

O Jirusalem, mihbukmuyuk chingnü mulong müsühang, junangde nü khümkhitbah. Nü lümkhi amütsü külokhüh nü kheak laba?

LUKNÜ ATHRÜTKHI THIYUSHEAK-ATSÜ HUHTANYU 10:16

“Shepünü nüsa ki anibanü I ki anichoh, shepünü nüsa bahyukbanü I bahyukchoh, tüsho shepünü I bahyukbanü I thiyibuh bahyukchoh.”

YUNIRÜBO RHIMO 26:20

tüshe akhuhde Damaska ching larü ki, jushu Jirusalem le Judea lomi alala ching, tüsho khiungkerü ki arünü mulong müthride Thrünpuh kilim rholobah ju thülünde rhimo rhimopü thsüde thsangyuthsangra.

YUZÜNGTHALO 30:20

junangde nünü Atungpuh nü Thrünpuh muzhode api yu anibah, tüsho nünü api kheak müripbah, tümüde api ju nü rhangdung tüsho nü kutsüp; tüsho Atungpuhnü nüsa jipürü, Abraham, Isak tüsho Jakob arü kilim jihpü thiyuchihchimkhi lo ching nü labah.”

YUZÜNGTHALO 6:14

Nüsanü nüsa mükamde alakhi püpürü thrünpuhbo dunglim düyan,

1 TESALONIKA 4:8

Jumonü sherünü ha bahyukchonü mihtsürü yungde nüsa kilim Amüsüh Me jihbuh Thrünpuh bahyukchoh.