JEREMIA 34:7 - AMÜSÜH HÜM CL Bible (BSI)

⁷ Babilon kiulongthsüpuh bonungrünü Jirusalem tüsho aningkhi Juda kiuto alala, Lakish tüsho Azeka azhihde keochihkhi lakheah; tümüde harü lang Juda kiutobo chipi ayünkhi aninga lakheah.

JEREMIA 34:7 Iomraidhean Croise

2 KIULONG THSÜRÜ 14:19

Arünü Jirusalem ching api azhihde rük thsü, tüsho api Lakish lim yüabah. Tüshe arünü api dunglim Lakish ching yüshih tüsho ju ching api laksah.

2 KIULONG THSÜRÜ 19:8

Limthobuh alode arü tüsho Asiria kiulongthsüpuhnü Libna bede thirithsükhi ngü; tümüde kiulongthsüpuh Lakish chingnü tsodo de apinü so.

2 KIUTHSÜYUKHEAN 27:4

Kheaküshe apinü Juda awung lomi ching kiutobo thsü, tüsho murung ching chipibo tüsho aheangsadambo thsü.

ISAIA 36:2

Asiria kiulongthsüpuhnü Lakish chingnü Rabshake lung bonungrü hihde bebah Jirusalem ching kiulongthsüpuh Hezekia kilim yüshih. Apinü achangbe kekhip keru Müsühmürarü Lu limto kheak zhip.

JEREMIA 11:12

Judüki Juda kiutobo tüsho Jirusalem ching larünü angübah tüsho arünü rhümthüneabe kingaünkhi thrünpuhbo ki zhibah, tüshe arünü küyimkishe arü küpkhukkhi kim ching arübo mükhümkhit.

JEREMIA 34:1

Babilon kiulongthsüpuh Nebukednezar tüsho api bonungrü alala tüsho lomi kiulongthsü alala tüsho api yukhüm bukkhüp larü mihtsürü alalanü Jirusalem tüsho kiuto alala bede keochihchoki, Atungpuh yu Jeremia kilim arü:

JEREMIA 4:5

Juda ching thakhiang, tüsho Jirusalem ching zhiyukang tüsho thaang. Lomi alala ching hulipungpung mütang; achangnü ahoang tüsho thaang, “ Rukhüh mukhungang, tüsho isanü chipi ayünkhi kiutobo ching yüzahanü!”

JEREMIA 8:14

Tümüde isa kheakü khiungde binla? Rukhüh mukhungang, isanü chipi ayünkhi kiuto ching yüzahanü, tüsho ju ching dükheakanü; tümüde Atungpuh isa Thrünpuhnü isa dükheakshihpü akhuabahdo, tüsho müzüm ke ayungpü jihdo, tümütüsho isanü Atungpuh azhihde neak yihbeakdo.

MIKA 1:13

Nüsa Lakish ching larübo, khorabo ju khora-lolungbe kheak chingkihang; ha Zion kilim neak atankih lakheah, tümüde nüsa kheak Israelnü alakmihkhibo ngükhit.

YUZÜNGTHALO 28:52

Nüsa lomi alala ching nüsa mulonglamkhi chipi achangnü ayünkhibo mükeamyi khiungde arünü nüsa kiutobo alala ching yanbah; tüsho Atungpuh nüsa Thrünpuhnü nüsa kilim jihkhi lo alala ching arünü nüsa yanbah.

JIHUSUA 10:3

Jumonü Jirusalem kiulongthsüpuh Adonizedeknü ha yusheak Hebron kiulongthsüpuh Hoham, Jarmuth kiulongthsüpuh Piram, Lakish kiulongthsüpuh Japhia, tüsho Eglon kiulongthsüpuh Debir kilim yüshihde tha:

JIHUSUA 10:5

Judüki Amorrü kiulongthsürü phüngü, Jirusalem, Hebron, Jarmuth, Lakish, tüsho Eglon kiulongthsürü bolung thirithsürübo bebah Gibeon zündo tüsho bede keochih.

JIHUSUA 12:11

Jarmuth, Lakish,

JIHUSUA 15:35

Jarmuth, Adullam, Soko, Azeka,

JIHUSUA 15:39

Lakish, Bozkath, Eglon,