JEREMIA 34:5 - AMÜSÜH HÜM CL Bible (BSI)

⁵ nü mungtsü chingnü ashebah. Tüsho nüsa jipürü, nü müngüh kiulongthsürübo thsungkheak arhümthüneabe takkhi nangde, arünü nü thsungkheak rhümthüneabe takbah tüsho nü thsungkheak tüzhode athabah “Aha, Atungpuh !” Tümüde inü thiyu asukdo, Atungpuhnü thachoh.

JEREMIA 34:5 Iomraidhean Croise

2 KIULONG THSÜRÜ 22:20

Jumonü inü nü nüsa jipürü lung yüshihbah, tüsho nü nihbuh kiuyuk ching mungtsü chingnü yüzahbah; inü ha dangpung ching thsümütsü alala hande arüpü lakhi nü müknü müngü.” Arünü thiyusheak lulobah kiulongthsüpuh kilim yü.

2 KIUTHSÜYUKHEAN 16:14

Arünü api David kiuto ching anihbuh zangrü api thsungkheak kiukhi kiuyuk ching bah. Arünü api rhümthüneabe rhimosorünü athsakhamkhi rhümthüneabe aphuaphu zokhi dükhüm khülang kheak yapshih; tüsho arünü api ki akin jihde morimoto khülang thsü.

2 KIUTHSÜYUKHEAN 34:28

Inü nü nüsa jipürü lung bede ayübah tüsho nü nü kiuyuk ching mungtsü chingnü yüzahbah; inü ha dangpung tüsho ha ching larü kheak hande arükhi thsümütsü alala nü müknü müngü.” Arünü thiyusheak lubah kiulongthsüpuh kilim yülo.

JEREMIA 22:18

Jumonü Jehoiakim tsührü, Juda kiulongthsüpuh Josia dünkheak Atungpuhnü ha thachoh: Arünü api thsungkheak ha ruk thade mütüzho, “Aha, akhiung!” yungsho “Aha, achi!” Arünü api thsungkheak ha ruk thade mütüzho, “Aha, Atungpuh !” yungsho “Aha, api wüntre-müretah!”

JEREMIA 34:4

Tütüshe Atungpuh yu aniang, O Juda kiulongthsüpuh Zedekia! Atungpuhnü nü dünkheak ha thachoh: Nü a nukshangnü müshe;

TÜZHOKHI 4:20

Atungpuhnü mujude-mokhitkhi, isa rhangdung sheak arü alokhünbo ching hande yü– shepü dünkheak isanü tha, “Api alamme khüpnü trükshih bolung isa labah.”

EZEKIEL 17:16

Tsükjide I lale, Wuto Atungpuhnü thachoh, kiulongthsüpuh lomi küpü ching api kiulongthsü-binkiu kheak zojih, shepü thiyuchihchim apinü mükhemükimkhea tüsho api tangzüng thsümünimjihkhea, api Babilon ching shebah.

DANIEL 2:46

Judüki kiulongthsüpuh Nebukednezarnü Daniel miki khukning tüsho api ki wüntre jih tüsho arünü anihbuh kilim kingaünbo tüsho rhümthüneabe jihshihpü thiyukhüm jih.

1 SAMUEL 31:12

athrungrü alala tsahmusubah tsüngreroro tsah, tüsho Saul pang le atsührübo pang Beth-shan rhü kheaknü lu. Arünü Jabesh ching arübah ju ching takabah.