JEREMIA 34:3 - AMÜSÜH HÜM CL Bible (BSI)

³ Tüsho nü she api khah chingnü mutsokhi, tüshe tsükjide tholobah tüsho api kilim jihbah; nünü Babilon kiulongthsüpuh müknü mük ngübah tüsho api ki mironü miro asukachihbah; tüsho nü Babilon lim yübah.

JEREMIA 34:3 Iomraidhean Croise

JEREMIA 21:7

Atungpuhnü thachoh, ju dunglim inü Juda kiulongthsüpuh Zedekia, api yamlarübo, tüsho ha kiuto ching larü mihtsürübo–arümtukthsü, nukshang tüsho khümzung chingnü rhangdung larü–Babilon kiulongthsüpuh Nebukednezar khah ching, arü rhangdung yimrü arü riri khah ching jihbah. Apinü arübo nukshang müzheannü alaksahbah; apinü arü amuzho müla, maningshih, yungsho mihmuzho müla.

JEREMIA 27:22

Jurübo Babilon ching hande ayübah tüsho arü thsungkheaknü inü rhuakheahpü nimung khiungde arü ju ching labah, Atungpuhnü thachoh. Judüki inü arü belodarübah tüsho ha dangpung ching zobah.

JEREMIA 32:28

Jumonü, Atungpuhnü ha thachoh: Inü ha kiuto Kaldearü khah ching tüsho Babilon kiulongthsüpuh Nebukednezar khah ching jihbah tüsho apinü ju lubah.

JEREMIA 32:3

Tümüde Juda kiulongthsüpuh Zedekianü api rihdoa zobah tha, “Tümü thsükhi nünü müchitcho tüsho thacho: Atungpuh nü ha thachoh: Inü ha kiuto Babilon kiulongthsüpuh khah ching jihbah, tüsho apinü ju lubah;

JEREMIA 32:4

Juda kiulongthsüpuh Zedekia Kaldearü khah chingnü mutsokhit, tüshe tsükjide api Babilon kiulongthsüpuh khah ching jihbah, tüsho apinü anihbuh ki mironü miro asukachihbah tüsho müknü mük kheahachihbah;

JEREMIA 34:21

Tüsho Juda kiulongthsüpuh Zedekia tüsho api yo atorübo a arü riri tüsho arü rhangdung yimrübo, nüsa kheaknü atsolokhi, Babilon kiulongthsüpuh bonungrü kilim inü ajihbah.

JEREMIA 34:4

Tütüshe Atungpuh yu aniang, O Juda kiulongthsüpuh Zedekia! Atungpuhnü nü dünkheak ha thachoh: Nü a nukshangnü müshe;

JEREMIA 37:17

Judüki kiulongthsüpuh Zedekianü I bepü arüshihbah api yam ching bede yü, tüsho ramde keokhi, “Thiyu khürü Atungpuh kilimnü la shi?” Jeremianü alo, “ Lah!” Judüki apinü tha, “ Nü Babilon kiulongthsüpuh khah ching jihbah.”

JEREMIA 38:18

Tüshe nünü Babilon kiulongthsüpuh torü ki shuhmülanga müjihsho, ha kiuto Kaldearü kilim jihbah, tüsho arünü monü atakbah, tüsho nü she arü khah chingnü mutsokhi.”

JEREMIA 38:23

Nü niubebo alala tüsho nü tsührübo Kaldearü kilim bede wukhiukbah, tüsho nü she arü khah chingnü mutsokhi, tüshe Babilon kiulongthsüpuhnü arambah; tüsho ha kiuto monü atakbah.”

EZEKIEL 12:13

Inü api thsungkheak keang zobah, tüsho I qimürip ching api phuhbah; inü api Kaldearü lomi Babilon ching handarübah, tüshe apinü ju müngükhuk, tüsho api ju ching shebah.

EZEKIEL 17:15

Tüshe Juda kiulongthsüpuhnü khorabo tüsho bonungrü boto bepü api yunithsürü Ijip ching yüshihde api azhih. Apinü akukba de? Hadürü rhimorü tsokhiba de? Apinü tangzüng thsümünimba de tüsho atsokhiba de?

EZEKIEL 17:16

Tsükjide I lale, Wuto Atungpuhnü thachoh, kiulongthsüpuh lomi küpü ching api kiulongthsü-binkiu kheak zojih, shepü thiyuchihchim apinü mükhemükimkhea tüsho api tangzüng thsümünimjihkhea, api Babilon ching shebah.

EZEKIEL 21:25

O amüneankhi tüsho mihbukmuyuk Israel yakzanshuhrü, shepü nimung arüa la, shepü thsümüchi kim akheam khiunga la,