JEREMIA 34:20 - AMÜSÜH HÜM CL Bible (BSI)

²⁰ arü riri tüsho arü rhangdung yimrübo kilim jihbah. Arü ashemibo ju thüning wuhnubo tüsho alomi mütüm shiwüh jim kambah.

JEREMIA 34:20 Iomraidhean Croise

1 KIULONG THSÜRÜ 14:11

Jeroboam betsührü shepü kiuto ching shebanü, khihnunü atsühbah; tüsho khürü mükeak ching shesho, thüning wuhnubonü atsühbah; tümüde Atungpuhnü asukdo.’

1 KIULONG THSÜRÜ 16:4

Baasha mihtsürü sherü kiuto ching shebanü khihnubonü atsühbah; tüsho api mihtsürü khürü mükeak ching shesho thüning wuhnubonü atsühbah.”

MUNGSHIKHÜN 79:2

Arünü nü yamlarübo ashemibo thüning wuhnubo jim thsüpü jih, nü yo amüsührübo shih alomi shiwühbo kilim jih.

JEREMIA 11:21

Jumonü Anathoth mihtsürü dünkheak Atungpuhnü ha thachoh, sherünü nü rhangdung yimkhea, tüsho tha, “ Nünü Atungpuh mung chingnü mümüchit, yungsho nü isa khahnü ashebah,”

JEREMIA 12:9

I yamrüplurüp ju I ki shihtsüh wuhnubonü zündokhi wuhnubo ruk yung de? yüang, mütüm shiwüh alala kitmukhungang; tsühabahshihpü arü bedarang.

JEREMIA 16:4

Arübo ashebe tukthsübonü ashebah. Arübo mütüzho, yungsho kiuyuka mübah; arübo alo mi kheak müneanmuru nangde alabah. Arübo nukshang tüsho khümzungnü ashebah, tüsho arü ashemibo thüning wuhnubo tüsho alomi murung shiwühbo jim kambah.

JEREMIA 19:7

Tüsho ha dangpung ching inü Juda tüsho Jirusalem lümkhibo akeangkeang kamshihbah, tüsho arübo arü riri müngüh nukshang tüsho arü rhangdung yimrü khah hode akeamshihbah. Inü arü ashemibo thüning wuhnubo tüsho alomi shiwühbo kilim jim thsüpü jihbah.

JEREMIA 21:7

Atungpuhnü thachoh, ju dunglim inü Juda kiulongthsüpuh Zedekia, api yamlarübo, tüsho ha kiuto ching larü mihtsürübo–arümtukthsü, nukshang tüsho khümzung chingnü rhangdung larü–Babilon kiulongthsüpuh Nebukednezar khah ching, arü rhangdung yimrü arü riri khah ching jihbah. Apinü arübo nukshang müzheannü alaksahbah; apinü arü amuzho müla, maningshih, yungsho mihmuzho müla.

JEREMIA 22:25

tüsho nü rhangdung yimrü khah ching nünü atrerü khah ching, Babilon kiulongthsüpuh Nebukednezar tüsho Kaldearü khah ching jihbah.

JEREMIA 38:16

Jumonü kiulongthsüpuh Zedekianü ramde Jeremia ki thiyuchihchim thsü, “Atungpuh lale, Shepünü isa rhangdung jihkhea, inü nü müsheshih yungsho nü yimrü mihtsürübo khah ching müjih.”

JEREMIA 39:6

Babilon kiulongthsüpuhnü Ribla ching Zedekia tsührübo amük kinü laksah; Babilon kiulongthsüpuhnü Juda torübo she laksah.

JEREMIA 4:30

Tüsho nü, O zhikrangkhündo alakhi, nü neakrümde ayihkhi amütsan tümü a, ju ruk nünü suna lakbonü züt thsücho, nü mükbo mujua toshihcho? Akeangkeang ching nü züt thsüchoh, nü muzhorübonü nü mükhemürangchoh; arünü nü rhangdung yimchoh.

JEREMIA 44:30

Atungpuhnü ha thachoh, inü Juda kiulongthsüpuh Zedekia, api rhangdung yimrü Babilon kiulongthsüpuh Nebukednezar khah ching jihkhi nangde, inü Ijip kiulongthsüpuh Pharao Hophra, api rhangdung yimrü ariribo khah ching jihbah.”

JEREMIA 49:37

Inü arü riribo miki Elam treshihbah, tüsho arü rhangdung yimrü miki inü arü kheak thsümütsü I bukakhiuk handarübah, Atungpuhnü thachoh. Arü mümuyu khiungde inü arü dunglim nukshang yüshihbah;

JEREMIA 7:33

Ha mihtsürü mibo ju thüning wuhnubo tüsho alomi shiwüh jim thsübah; tüsho shenü arü müzüna mutsoshih.

EZEKIEL 23:28

Inü nü ju nünü mükheahnerü, müküntsande nü rholorü khah ching jihbah;

EZEKIEL 29:5

Inü nü tüsho ayung ching thüngühbo alala sunglo ching jipa bahbah, nü a mükeak ching keambah, tüsho mushuhmukhung tüsho kiuyuka mübah. Alomi shiwühbo tüsho thüning wuhnubo kilim inü nü tsühyungpü jihdo.

EZEKIEL 32:4

Inü nü alo kheak bahbah, mükeak ching inü nü jiba bahbah, tüsho thüning wuhnubo alala nü kheak keamshihbah, tüsho inü lomi alala shiwühbonü nü tsühshihbah.

YUZÜNGTHALO 28:26

Nüsa ashemibo ju thüning ching wuhnubo tüsho alo kheak shiwühbo jim thsübah, tüsho arübo shenü she müzüna mütsoshih.

1 SAMUEL 17:44

Goliathnü David ki tha, “I kilim arang, tüsho inü nü shihtsü thüning wuhnubo tüsho thulu ching lakhi mütüm shiwühbo kipanü.”

1 SAMUEL 17:46

Khihni ha nimung ching Atungpuhnü nü I khah ching yukjihbah, tüsho inü nü kinga yapshihbah tüsho nü ku lipshakbah; tüsho inü Filistia bonungrü ashemibo ha nimung ching thüning ching lakhi wuhnubo tüsho alo kheak lakhi mütüm shiwühbo kilim jihbah, junangde Israel ching Thrünpuh khülang lah de alomi alalanü amükheahbah,