JEREMIA 34:2 - AMÜSÜH HÜM CL Bible (BSI)

² Atungpuh Israel Thrünpuhnü ha thachoh: Yüang tüsho Juda kiulongthsüpuh Zedekia ki asukachihang tüsho api ki thaang: Atungpuhnü ha thachoh: Inü ha kiuto Babilon kiulongthsüpuh khah ching jihbah, tüsho apinü ha monü atakbah.

JEREMIA 34:2 Iomraidhean Croise

2 KIULONG THSÜRÜ 25:1

Zedekia kiulongthsü kam tukupü ching, khinu thürü, nimung thürü nipü, Nebukednezar Babilon kiulongthsüpuh lung api bonungrü alala bebah Jirusalem azhihde arü. Apinü kiuto aleanglim bin tüsho ju mükamde ayanpung thsü.

2 KIULONG THSÜRÜ 25:9

Apinü Atungpuh yam, kiulongthsüpuh yam, tüsho Jirusalem yambo alala takabah; thüyam atotobo apinü takabah.

JEREMIA 21:10

Tümüde inü ha kiuto azhihde amütsü thsungkheak I miro anguhdo tüsho atsü thsungkheak yung, Atungpuhnü thachoh: Ha Babilon kiulongthsüpuh khah ching jihbah, tüsho apinü monü atakbah.

JEREMIA 21:4

Nüsanü Zedekia ki ha thabah: Atungpuh Israel Thrünpuhnü ha thachoh: Nüsa khah ching lakhi thirithsü thsühnukbo küpünü chipi aleanglim nüsa yanrü Babilon kiulongthsüpuh tüsho Kaldearü bede keochihchonü inü luloabahbah; tüsho inü arübo ha kiuto phulung ching rukhüh bemukhungbah.

JEREMIA 27:22

Jurübo Babilon ching hande ayübah tüsho arü thsungkheaknü inü rhuakheahpü nimung khiungde arü ju ching labah, Atungpuhnü thachoh. Judüki inü arü belodarübah tüsho ha dangpung ching zobah.

JEREMIA 32:3

Tümüde Juda kiulongthsüpuh Zedekianü api rihdoa zobah tha, “Tümü thsükhi nünü müchitcho tüsho thacho: Atungpuh nü ha thachoh: Inü ha kiuto Babilon kiulongthsüpuh khah ching jihbah, tüsho apinü ju lubah;

JEREMIA 34:22

Inü thiyukhüm jihbah, Atungpuhnü thachoh, tüsho arübo ha kiuto ching belodarübah; tüsho ha bede keochihde ayankhitbah, tüsho monü atakbah. Juda kiuto mihtsürübo mülade zhikabahbah.

JEREMIA 38:23

Nü niubebo alala tüsho nü tsührübo Kaldearü kilim bede wukhiukbah, tüsho nü she arü khah chingnü mutsokhi, tüshe Babilon kiulongthsüpuhnü arambah; tüsho ha kiuto monü atakbah.”

JEREMIA 39:8

Kaldearünü kiulongthsüpuh yam tüsho mihtsürübo yam tak tüsho Jirusalem chipi yihmülünjih.