JEREMIA 34:17 - AMÜSÜH HÜM CL Bible (BSI)

¹⁷ Jumonü Atungpuhnü ha thachoh: Nüsanü nüsa yamhingrü tüsho müyamrübo müdükhekhi hode I yu manide kamdo; inü nüsa kilim dükhepü lah, Atungpuhnü thachoh–nukshang, arüm-tukthsü tüsho khümzung dükhebah. Inü nüsa lomi kiulongthsü alala ki atrebe kamshihbah.

JEREMIA 34:17 Iomraidhean Croise

ESTER 7:10

Junangde Haman ju anihbuhnü Mordekai sheshihpü süksahdung thsükhi kheak zhinde sheshih. Jushu kiulongthsüpuh bukakhiukkhi keamlo.

JEREMIA 15:2

Tüsho küyimki arünü nü ki thaba, “ Isa külim peang yüba?” nünü arü ki thabah: Atungpuhnü ha thachoh: Sherü arüm-tukthsü akhulanü, arüm-tukthsü lim, tüsho sherü nukshang akhulanü, nukshang lim; sherü khümzung lim akhulanü, khümzung lim, tüsho sherü arampü akhulanü arampü lim.

JEREMIA 15:4

Hezekia tsührü Juda kiulongthsüpuh Manasenü Jirusalem ching rhimokhi hode lomi kiulongthsü alala ki inü arübo mihtrebe kamshihbah.

JEREMIA 21:7

Atungpuhnü thachoh, ju dunglim inü Juda kiulongthsüpuh Zedekia, api yamlarübo, tüsho ha kiuto ching larü mihtsürübo–arümtukthsü, nukshang tüsho khümzung chingnü rhangdung larü–Babilon kiulongthsüpuh Nebukednezar khah ching, arü rhangdung yimrü arü riri khah ching jihbah. Apinü arübo nukshang müzheannü alaksahbah; apinü arü amuzho müla, maningshih, yungsho mihmuzho müla.

JEREMIA 29:17

Wuto Atungpuhnü ha thachoh, inü arü kheak nukshang, khümzung, arüm-tukthsü arüshihbah, tüsho inü arübo mütsühkhukbe ashuhkhi khubaso nangde akamshihbah.

JEREMIA 29:18

Inü arübo nukshang, khümzung, tüsho arüm-tukthsünü yande müshambah, tüsho arübo alomi kiulongthsü alala ki athraneanbe, muthrumünean tüsho atrebe ish thsübe tüsho inü arü yana yüshihkhi trükshih alala bolung keangrümünekhi kamshihbah,

JEREMIA 32:24

Kheahang, kiuto yanpü tankih-a lah, tüsho nukshang, khümzung tüsho arüm-tukthsü hode kiuto Kaldearü khah ching jihdo. Nünü tümü asukkheanü dünjido, nünü ngülah.

JEREMIA 32:25

Tütüshe, O Atungpuh T H RÜ NPU H , nünü I ki thado, “Shonü thulu thuloang tüsho thiyumütsanbo luang”–tütüshe kiuto ju Kaldearü khah ching jih.

JEREMIA 32:36

Kheakü jumonü Atungpuh , Israel Thrünpuhnü nünü athakhi kiuto dünkheak ha thachoh, “Ha nukshang, khümzung tüsho arümtukthsü hode, Babilon kiulongthsüpuh khah ching jihbah”;

JEREMIA 34:8

Kiulongthsüpuh Zedekianü Jirusalem ching mihtsürü alala zuzu zhiyukpü mihtsürü alala ki tangzüng khülang thsüshu, Atungpuh yu Jeremia kilim arü,

JEREMIA 38:2

Atungpuhnü ha thachoh, Sherü ha kiuto ching labanü nukshang, khümzung tüsho arüm-tukthsünü ashebah; tüshe sherü Kaldearü kilim wukhiukbanü alabah; arü rhangdungbo thirithsü thsambah nangde rhangdung labah.

TÜZHOKHI 1:8

Jirusalemnü tode neak yihbeakdo, jumonü anihbe amümüsüh kamdo; anihbe wüntre jihrü alalanü anihbe mükhemürangchoh, tümüde arünü anihbe bünkeang ngüdo. Anihbe ashechoh tüsho miro anguhde tsochoh.

DANIEL 6:24

Kiulongthsüpuhnü thiyukhüm jih, tüsho sherünü Daniel amülim jihkheanü bedarübah kekhüzübo yam ching jipyuk–arü, arü tsührü, tüsho arü niuberübo kekhüzübo yam abolim mukhiungyide kekhüzübonü arü kheak jukkih tüsho arü robo alala adütre kamde yihthünak.

MATHI 7:2

Tümütüsho nüsanü mührü yukhapkhi yande nüsa yukhapbah, tüsho nüsanü akeara ahorikhi yande nüsa akearabah.

GALATIA 6:7

Nüsa küdah thsüde dümülapyuk; Thrünpuh keangrüpü mukuk, tümüde mihtsürünü tümüpürü hiuchonü apinü ju lang yimlubah.

YUZÜNGTHALO 19:19

apinü akeoniorü kheak rhimopü lümkhi ju nüsanü api kheak rhimoang; junangde nüsanü amütsü mihtsürü nüsa bolungnü yihkhita bahang.

YUZÜNGTHALO 28:25

“Atungpuhnü nüsa riri kilim nüsa kurungkheak akuk ngüshihbah; nüsanü arü azhihde limbeakkhühnü awukhiukbah tüsho arü müngüh limbeak thüne chingnü alihde atsobah; tüsho nüsa ju kiulongthsü alala ki mihtrebe kambah.

YUZÜNGTHALO 28:64

“Judüki Atungpuhnü nüsa mihtsürü alala lung, alomi akheam thripkhühnü khülim khiungde müzütshihbah, tüsho nüsanü ju ching nüsa yungsho nüsa jipürünü mümükheahkhi sang tüsho lungnü athsükhi püpü thrünpuhbo tankihbah.

JAKOB 2:13

Tümüde mihmüthsüm muhuhrü ki mahkhapkhinü mihmüthsüm mülachoh; tütüshe mihmüthsümnü mahkhap kurungkheak kukchoh.

AMIKHEAKAKHIUKKHI 16:6

tümüde mihtsürübonü amüsührü tüsho wukihrübo thiyih bukshihdo, tüsho nünü arü ki thiyih yungshih. Ha arünü athülünkhi ah!