JEREMIA 34:16 - AMÜSÜH HÜM CL Bible (BSI)

¹⁶ tüshe kheakü nüsa mulong müthri tüsho I mung müneanjih; nüsa mihbüm abannü athrürü tüsho aliberü azhorübo zuzu thsüde dükhekhi chingnü beloa lu. Nüsanü arübo thsungkih-a nüsa azhorü kamshih.

JEREMIA 34:16 Iomraidhean Croise

ABEKHIT 20:7

“Nünü Atungpuh nü Thrünpuh mung akeangkeang ching dütam, tümüde Atungpuhnü api mung akeangkeang ching tamrü thsümüchibah.

JEREMIA 34:11

Tüshe ju dunglim arünü lümkhi müthri tüsho athrürü le aliberü beloa azhorü kamshih.

EZEKIEL 13:22

Nüsa akeangyubo hode inü müyuripü lümkhi mihtsürü atsü mulong ninishih. Nüsanü mihtsürübo amütsü tuklopü tüsho arü rhangdung khümkhitpü chingnü zhipdo.

EZEKIEL 18:24

Tüshe mürangkhüh thiyurolungki mihtsürü khülangnü nihbuh thiyuro-lungki chingnü rholo tüsho neak yihbeaksho tüsho mihbukmuyuk mihtsürünü arhimokhi rukhüh athraneanbe rhimosho, api alaba de? Api thiyuro-lungki rhimokhi tümü she mülümkhit. Tümütüsho api thiyuro mülakhinü mülimde lah tüsho apinü neak yihbeakkhinü, api ashebah.

EZEKIEL 20:39

Nü thsungkheaknü, O Israel yamkhün, Wuto Atungpuhnü ha thachoh: Nüsa mihbüm abannü yüang tüsho nüsa sangthsübo tankihang! Tüshe ju dunglim tsükjide nüsanü I ki anibah tüsho kheaküa nüsa thsambahbo le nüsa sangthsübonü I mung amüsüh mümüneanjih.

EZEKIEL 3:20

Kheaküshe, küyimki thiyuro mihtsürü nihbuh thiyuro-lungki chingnü rholoba tüsho amütsü rhimoba, tüsho inü api müngüh jing mükhe zojihbanü api ashebah. Tümütüsho nünü api ki düh de mütha, nihbuh neak dün api shebah. Api thiyuro-lungki rhimokhi rhimo mülümkhit tüsho api thiyih inü nü khah chingnü akheangbah.

EZEKIEL 39:7

Inü I mihtsürü Israel bolung I mung amüsüh mükheahshihbah; tüsho inü kheaküa I mung amüsüh mümüneanshih; tüsho trükshihbonü I Atungpuh Israel ching Amüsüh Khülang de mükheahbah.

LEVI 19:12

Tüsho nüsa Thrünpuh mükhemükimde I mung chingnü thiyuchihchim düthsü: I Atungpuh ah.

MALAKI 1:12

Tüshe nüsanü Atungpuh dükhüm müneana lah tüsho ha tsühyungbe mükhemükimkhi ah de thade nüsanü ju müneanjihchoh.

MALAKI 1:7

Nüsanü amüneankhi tsühyungpü I kingaün sadam kheak zojih. Tüshe nüsanü thachoh, “ Küde thsah isanü ju müneanshihkhea?” Atungpuh dükhüm mükhemürangpü kuklah de lüm.

1 SAMUEL 15:11

“Inü Saul kiulongthsürü kamshihkhi I mulong ashichoh, tümüde apinü I ru yankhi chingnü rholodo, tüsho I yukhümbo mürhimo.” Samuelnü bukakhiuk; tüsho tsüngreroro Atungpuh ki zhi.