JEREMIA 34:13 - AMÜSÜH HÜM CL Bible (BSI)

¹³ Atungpuh , Israel Thrünpuhnü ha thachoh: Inü nüsa jipürü azhorü yamkhün chingnü bekhitchoki inü arü ki tangzüng khülang thsüde tha,

JEREMIA 34:13 Iomraidhean Croise

ABEKHIT 13:14

Jumonü nü tsührünü arübe kim ching nü ki, ‘Ha tümü a?’ de keokhisho, nünü api ki thabah, ‘Atungpuh khah adüküngnü isa Ijip azhorü yamkhün chingnü bekhitkheah.

ABEKHIT 13:3

Mosanü mihtsürübo ki tha: “Nüsa Ijip azhorü yamkhün chingnü awukhiukkhi ha nimung lümkhitang; tümüde Atungpuh khah sühmühnü ha dangpung chingnü nüsa bekhit. Phaüm yukkhi yikhap mütsüh.

ABEKHIT 20:2

“I nüsa Ijip lomi, azhorü yamkhün chingnü abekhitbuh Atungpuh nüsa Thrünpuh ah.

ABEKHIT 24:3

Jumonü Mosanü akibah mihtsürübo ki Atungpuh yubo tüsho yakzanbo alala tha. Mihtsürü alalanü düsheak khülangnü alo tüsho tha, “Atungpuhnü athakhi yubo alala isanü arhimobah.”

JEREMIA 11:4

küpü nüsa jipürü Ijip lomi yinchi motru chingnü bekhitchoki inü arü ki thade, I yu aniang, tüsho inü nü ki thiyukhüm jihkhi alala rhimoang de thiyukhüm jih. Junangde nüsa I mihtsürü thsübah,

JEREMIA 11:7

Tümüde inü nüsa jipürü Ijip chingnü bede akhiukchoki düshihde arü ki thado, khihni khiungde arü ki kim aban, I yu aniang de thade lah.

JEREMIA 31:32

Ha inü arü jipürü Ijip lomi chingnü khah kheaknü thokhitchoki tangzüng nangde yung, tümüde I arü aputungrü thsüthsü she, arünü I tangzüng thsümünim, Atungpuhnü thachoh.

JEREMIA 34:12

Atungpuh yu Jeremia kilim arü:

JEREMIA 7:22

Tümüde inü nüsa jipürü Ijip lomi chingnü bekhit nimung taka kingaünkhi tüsho shuhmülanga kingaünkhi dünkheak inü arü ki masuk.

YUZÜNGTHALO 13:10

Tüsho nüsanü api lungnü arusahbah, tümütüsho apinü Atungpuh nü Thrünpuh shepü hode Ijip lo tüsho azhorü yamkhün chingnü abekhitkheanü, api kheaknü bephülapde atsopü rük yim.

YUZÜNGTHALO 15:15

Nüsa Ijip ching azhorü lakheah de nüsanü lümkhitang, tüsho Atungpuh nüsa Thrünpuhnü rhokhit; jumonü khihni ha inü nüsa ki thiyukhüm jihchoh.

YUZÜNGTHALO 16:12

Tüsho nüsa Ijip ching azhorü lakheah de nüsanü lümkhitang, tüsho nüsanü harü yuzüngbo anide arhimopü kümkangde alabeah.

YUZÜNGTHALO 24:18

Tüshe nü khülang ki Ijip ching azhorü lakheah tüsho Atungpuh nü Thrünpuhnü nüsa ju chingnü rhokhitdo de lümkhitang; jumonü inü ha rhimopü nüsa ki thiyukhüm jih.

YUZÜNGTHALO 29:1

Harübo ha apinü arü kheak Horeb ching tangzüngkhi lung ajakde Israel mihtsürübo ki Moab ching thiyukhüm jihshihpü Atungpuhnü Mosa ki tangzüngkhi jihkhibo ah.

YUZÜNGTHALO 5:27

Nünü thüninde yüang tüsho Atungpuh isa Thrünpuhnü athakhi alala aniang, tüsho Atungpuh isa Thrünpuhnü nü ki thakhi isa ki thaa huhang, tüsho isanü anide ju rhimobah.

YUZÜNGTHALO 5:6

I nüsa Ijip lomi, azhorü kuhi chingnü abekhitbuh Atungpuh nüsa Thrünpuh.

YUZÜNGTHALO 6:12

nüsa Ijip lo, azhorü kuhi chingnü abekhitbuh Atungpuh mümihpü kümkangang.

YUZÜNGTHALO 7:8

tüshe Atungpuhnü nüsa muzho, tüsho apinü nüsa bebuhrü ki thiyuchihchimkhi zomonü, Atungpuhnü nüsa api Wuto khah hode bekhit tüsho Ijip kiulongthsüpuh Pharao khah hode azhorü kuhi chingnü rhokhit.

YUZÜNGTHALO 8:14

nüsa mulong ching kükheangbah tüsho Ijip azhorü lo chingnü nüsa bekhitbuh Atungpuh nüsa Thrünpuh mihabahbah.

JIHUSUA 24:17

tümüde Atungpuh isa Thrünpuhnü isa jipürü tüsho isa Ijip azhorü kuhi chingnü bedarü, tüsho apinü amüyinsahbe rhimokhi isanü ngü. Isanü hode arükhi limro tüsho mihtsürü bolung chingnü apinü isa khümkhit;

MAHKHAPRÜ 6:8

Atungpuhnü Israel mihtsürü kilim wukihrü khülang thiyi; tüsho apinü arü ki tha, “Atungpuh Israel Thrünpuhnü ha thachoh: Inü nüsa Ijip lomi azhorü kuhi chingnü bekhit;