JEREMIA 34:11 - AMÜSÜH HÜM CL Bible (BSI)

¹¹ Tüshe ju dunglim arünü lümkhi müthri tüsho athrürü le aliberü beloa azhorü kamshih.

JEREMIA 34:11 Iomraidhean Croise

MUNGSHIKHÜN 125:5

Tüshe sherü akhürang limrobo lim rholode tsochonü Atungpuhnü amülim rhimorü lung yana bahbah. Israel kheak mungtsü lashang!

MUNGSHIKHÜN 36:3

Api yu asukkhibo mihbukmuyuk ah tüsho akeangyunü milah; apinü kheaküa lümlung lade arhimopü tüsho atsü rhimopü kheamabahdo.

ABEKHIT 8:15

Tüshe küyimki Pharaonü keamramkhi ngükhea, apinü amulong müküplo tüsho Atungpuhnü athakhi nangde, apinü ane ki mani.

ABEKHIT 8:8

Judüki Pharaonü Mosa le Aron jibah tha, “I tüsho I mihtsürübo kheaknü kheangbo lude atsopü Atungpuh ki tamkhüntamnüang; tüsho inü mihtsürübo Atungpuh ki laksah-a kingaünpü yüshihbah.”

ABEKHIT 9:28

Atungpuh ki tamkhüntamnüang, junangde kheaküa tsüngmuk ato tüsho arulung mülade alabah, tümüde ha suhdo. Inü nüsa atsoshihbah, tüsho nüsa kheaküa mülalo.”

MÜCHITMUDU 26:11

Khihnunü nihbuhnü amülümkhi lim rholokhi nangde makharünü nihbuh makhakhi rhimolochoh.

T H S AN GYU T H S AN GR ARÜ 8:11

Tümütüsho amütsü-rhimo azhihde nahde müthsümüchimonü, mihtsürü mulong ju amütsü rhimopünü milah.

JEREMIA 34:10

Tüsho atorü tangzüng ching yüzahrü alalanü arü azhorübo athrürü tüsho aliberü zuzu kamshihpü mihyu ani, junangde arübo azhorü mükamloshih; arünü ani tüsho zuzu kamshih.

JEREMIA 34:12

Atungpuh yu Jeremia kilim arü:

JEREMIA 34:16

tüshe kheakü nüsa mulong müthri tüsho I mung müneanjih; nüsa mihbüm abannü athrürü tüsho aliberü azhorübo zuzu thsüde dükhekhi chingnü beloa lu. Nüsanü arübo thsungkih-a nüsa azhorü kamshih.

JEREMIA 34:21

Tüsho Juda kiulongthsüpuh Zedekia tüsho api yo atorübo a arü riri tüsho arü rhangdung yimrübo, nüsa kheaknü atsolokhi, Babilon kiulongthsüpuh bonungrü kilim inü ajihbah.

JEREMIA 37:5

Ju dükeak ching, Pharao bonungrü Ijip chingnü akhiuk; tüsho küyimki Jirusalem yanrü Kaldearünü arü yusheak sokhea, arübo Jirusalem chingnü tsoabah.

HOSEA 6:4

Inü nü ki tümü thsüba, O Ephraim? Inü nü ki tümü thsüba, O Juda? Nü muzho a yapsu shumuliu nangde, yapsu ayinke nahde dükheakabahkhi nangde lah.

HOSEA 7:16

Arünü alü mülakhi lim rholochoh; arübo ju müdüküngkhi sanglüh nangde kamdo; arü torübo arü mulo mütsükhi hode nukshangnü akeambah. Tüsho Ijiprünü arü ki münejihbah.

ZEPHANIA 1:6

sherü Atungpuh yankhi chingnü rholode, shepünü Atungpuh müyim yungsho api ki mükeokhide la.

1 SAMUEL 24:19

Tümüde shepünü nihbuh riri ngübah khümkhita tsoshihdü le? Jumonü khihni nünü I ki atsü rhimokhi dünkheak Atungpuhnü nü kilim thsambah jihshang.

1 SAMUEL 26:21

Judüki Saulnü tha, “Inü amülim rhimodo; I tsührü David alode arang, tümüde kheaküa inü nü müthsümünim, tümütüsho khihni I rhangdung nü miki shoto lakheah; I bünkeangbünrudo, tüsho amülim ato khülang thsüdo.”