JEREMIA 34:10 - AMÜSÜH HÜM CL Bible (BSI)

¹⁰ Tüsho atorü tangzüng ching yüzahrü alalanü arü azhorübo athrürü tüsho aliberü zuzu kamshihpü mihyu ani, junangde arübo azhorü mükamloshih; arünü ani tüsho zuzu kamshih.

JEREMIA 34:10 Iomraidhean Croise

ABEKHIT 21:2

Nünü Ibrirü azhorü thulosho, apinü kam thuruk nü tankihbah; tüsho athünepü ching tümü müjihde zuzu thsüde api awukhiukbah.

ISAIA 29:13

Atungpuhnü tha: Tümütüsho harü mihtsürünü arü münnü phünide arüchoh tüsho arü münküpnü I wüntrechoh, tüshe arü mulong a I kheaknü limshulah, tüsho arü kingaünkhi ju mihtsürü yukhüm lümkangyunü anikhitkhi lah;

JEREMIA 26:10

Küyimki Juda torübonü harü sokhea, arünü kiulongthsüpuh yam chingnü Atungpuh yam lim atu tüsho Atungpuh yam ching yüzahpung chipiripit aso kheak arübah bin.

JEREMIA 26:16

Judüki atorü tüsho mihtsürü alalanü amükeamrü tüsho wukihrübo ki tha, “Ha mihtsürü asheshihpü müthülün, tümüde apinü Atungpuh isa Thrünpuh mung chingnü isa ki asukdo.”

JEREMIA 34:11

Tüshe ju dunglim arünü lümkhi müthri tüsho athrürü le aliberü beloa azhorü kamshih.

JEREMIA 34:19

Juda torübo, Jirusalem torübo, dukhabo, amükeamrübo, tüsho lomi mihtsürü alala sherünü moshi nunu khapshakkhi dükeak tsahdünü,

JEREMIA 36:12

apinü kiulongthsüpuh yam lim, athrütbuh khiungshak ching yüki, tüsho ju ching atorübo alala binde alakheah: athrütbuh Elishama, Shemaia tsührü Delaia, Akbor tsührü Elnathan, Shaphan tsührü Gemaria, Hanania tsührü Zedekia, tüsho atorü alala.

JEREMIA 38:4

Judüki atorübonü kiulongthsüpuh ki tha, “Ha mihtsürü asheshihpü lah, tümütüsho apinü ha kiuto ching aninga larü bonungrü tüsho mihtsürü alala arü ki hadürü yu thakhinü mulong ninishihchoh. Tümüde ha mihtsürünü mihtsürübo arung thsungkheak yungde arü thsümünimpü yimchoh.”

LEVI 25:10

Tüsho nüsanü kam thünimpü ju müsühkhitbah tüsho lomi ching larübo alala ki zuzu kamkhi zhiyukjihbah. Ha nüsa thsungkheaknü Jubilee labah; tüsho nüsa mihbüm abannü nihbuh lakhitkukrukbo, tüsho nüsa mihbüm abannü nihbuh yamkhün kilim alode arübah.

MARK 6:20

tümütüsho Herodnü api thiyuro tüsho amüsüh mihtsürü thsükhinü Johan tre, tüsho api kümdo. Kim aban api dünkheak sobah khide phümüsüpa lalashe apinü anihbuh ki anipü kün.