JEREMIA 34:1 - AMÜSÜH HÜM CL Bible (BSI)

¹ Babilon kiulongthsüpuh Nebukednezar tüsho api bonungrü alala tüsho lomi kiulongthsü alala tüsho api yukhüm bukkhüp larü mihtsürü alalanü Jirusalem tüsho kiuto alala bede keochihchoki, Atungpuh yu Jeremia kilim arü:

JEREMIA 34:1 Iomraidhean Croise

JEREMIA 1:15

Tümüde kheakü inü dukulim kiulongthsü trükbo alala ki jichoh, Atungpuhnü tha; tüsho arü arübah tüsho arü alalanü Jirusalem chipiripitbo ki mükamde alakhi rhü alala kheak tüsho Juda kiutobo alala kheak kiulongthsü-binkiu zobah.

JEREMIA 21:2

“Muzhobah isa thsung thsüde Atungpuh ki keojang, tümüde Babilon kiulongthsüpuh Nebukednezarnü isa azhihde thirithsüchoh; khükia apinü rhimode alakhi nangde Atungpuhnü amüyinsahbe isa thsungkheak rhimobah, tüsho isa kheaknü api tsoloshihbah.”

JEREMIA 32:1

Juda kiulongthsüpuh Zedekia kam thürüpü, Babilon kiulongthsüpuh Nebukednezar kam thürükheak tizheahpü ching A TU N GPU H yu Jeremia kilim arü.

JEREMIA 32:2

Judüki Babilon kiulongthsüpuh bonungrünü Jirusalem yande alakheah, tüsho Juda kiulongthsüpuh yam ching aheangrü rihyam ching wukihbuh Jeremia rihdoa zo.

JEREMIA 34:7

Babilon kiulongthsüpuh bonungrünü Jirusalem tüsho aningkhi Juda kiuto alala, Lakish tüsho Azeka azhihde keochihkhi lakheah; tümüde harü lang Juda kiutobo chipi ayünkhi aninga lakheah.

DANIEL 4:1

Kiulongthsüpuh Nebukednezarnü mihtsürü alala, trükshihbo, tüsho alomi ching lakhi thiyutha kilim: Nüsa mungtsü laang!

DANIEL 4:22

ju nü ah, O kiulongthsüpuh! Nü tode zokih tüsho düküngde kam. Nü tokhi alü kam tüsho thüning khiung tüsho nü wunü alomi akheambo khiung.

DANIEL 5:19

Tüsho apinü anihbuh kilim ato jihkhi hode, mihtsürü alala, trükshihbo, tüsho thiyuthabonü api miki ajan tüsho tre. Apinü sherü laksahnelanü laksah, sherü arhang lashihnelanü lashih, sherü shuhkihpü lümlanü shuhkih, tüsho sherü mükhemükimnelanü mükhemükim thsü.