JEREMIA 33:9 - AMÜSÜH HÜM CL Bible (BSI)

⁹ Tüsho inü arü thsungkheak atsü rhimokhi alala sopü larü lomi trükshihbo alala miki ha kiuto I ki asühkhi mung, mungshi tüsho müretahkhi labah; inü ha thsungkheak atsü tüsho lalim atsü alala jihkhi dünkheak arünü atrebah tüsho ajanbah.

JEREMIA 33:9 Iomraidhean Croise

2 KIUTHSÜYUKHEAN 20:29

Küyimki arünü Israel riri kheak Atungpuhnü keochihkhi sokhea, Thrünpuh trekhi lomibo kiulongthsü alala kheak lakheah.

NEHEMIA 6:16

Küyimki isa riri mühirü lomibonü ha sokhea, arübo tre tüsho achihde lüm tümüde Thrünpuh arung hode rhimo akhik thsüdo de mihbüm abannü mükheah.

ESTER 8:17

Kiuto tüsho lomi aban ching kiulongthsüpuh yusheak küyimki khekhea, Jihudarübonü mude asühkhi thünio niode mung. Tüsho lomi ching püpürü mihtsürübo she ahihkhüh Jihudarü kam, tümüde kheaküa arübonü Jihudarübo treabah.

MUNGSHIKHÜN 130:4

Tüshe nü lung neak bahjihkhi lah, junangde nü trede alabah.

MUNGSHIKHÜN 40:3

Apinü isa Thrünpuh shipü I mün ching khün aso khülang yukjih; ahihdonü ju ngübah atrebah tüsho Atungpuh kheak kinbah.

ISAIA 43:21

mihtsürü sherü I thsungkheak kamshihkhea, junangde arünü I mung shikhi khipkhitbah.

ISAIA 55:13

Ayang müthri saipress sang asürübah; khingphu müthri martel sang asürübah; tüsho ha Atungpuh kilim mümihkhi khülang labah, tümüde akheam mülakhi amütsan khülang müdükheakshih.

ISAIA 60:5

Judüki nünü akheahbah, tüsho zhingzhingde alabah; nü mulong ajanbah tüsho asühachihbah, tümütüsho müthangmüsünkhi keto nü kheak handarübah, trükshihbo lakhit nü kilim arübah.

ISAIA 62:1

Anihbe akuk ngükhi yapsu nangde mütahyi khiungde, tüsho anihbe akhümkhit tsün nangde mütahyi khiungde, Zion thsungkheaknü inü zhikde müla, tüsho Jirusalem thsungkheaknü inü sühakhim mulu.

ISAIA 62:12

Arübo ki “Amüsüh Mihtsürü, Atungpuhnü Rhokhitkhi” de ajibah; tüsho nü ki “Ayimkhitkhi, Mübahyukkhi Kiuto” de ajibah.

ISAIA 62:4

Kheaküa nü Amihkhi de müji tüsho nü lomi Azhikkhi de müji; tüshe I Asühkhi Anihbe kheak lah de nü ki jibah, tüsho nü lomi rhangdo de ajibah; tümüde Atungpuhnü nü kheak asühchoh tüsho nü lomi arhangbah.

ISAIA 62:7

tüsho Jirusalem mülaloyi khiungde tüsho alominü müshijihyi khiungde, api sühakhim müjihbeah.

ISAIA 64:2

monü sangkhah aniuchoki nangde tüsho monü ke amapshihchoki nangde–nü azhihrü ki nü mung mükheahshihpü, junangde trükshihbonü nü miki ajanbah!

JEREMIA 13:11

Tümütüsho chimrüm khimnü khürü chim kheak kapkihkhi nangde, inü Israel yamkhün abümnü tüsho Juda yamkhün abümnü I kheak kapkihshihbah, Atungpuhnü thachoh, jude athsükhinü arübo I thsungkheaknü mihtsürü khülang, mung khülang, mungshi khülang, tüsho müretahkhi khülang labah. Tüshe arünü mani.

JEREMIA 16:19

O Atungpuh , I sühmüh tüsho I tsunglopung, küpkhuk nimung ching I tsoyukpung, trükshihbo alomi akheam chingnü nü kilim arüchoh tüsho thachoh: Isa jipürübonü tümü yamrüplurüp mulu tüshe akeangyubo, alü mülakhi müthülünkhi kukrukbo lang lu.

JEREMIA 24:6

Atsü thsungkheaknü arü kheak I mük zobah, tüsho ha lomi ching inü arü belodarübah. Inü arü thsükihbah, tüsho arü müthokheam; inü arü khimbah, tüsho arü mürukkhit.

JEREMIA 26:6

inü ha yam Shilo nangde akamshihbah, tüsho alomi trükshih alala bolung ha kiuto muthrumünean kamshihbah.

JEREMIA 29:1

Ha Nebukednezarnü Jirusalem chingnü ramtso ching hande ayürü, ramtsorü bolung aningkhi azothsürübo, amükeamrübo, wukihrübo, tüsho mihtsürü alala kilim wukihbuh Jeremianü Jirusalem chingnü thrüta yüshihkhi yubo ah.

JEREMIA 3:17

Ju kim ching Jirusalem ju Atungpuh kiulongthsü-binkiu de ajibah, tüsho trükshih alala Jirusalem ching Atungpuh miki mukhungbah, tüsho kheaküa arünü mulong müküpde nihbuh amütsü lümkhi ching müyan.

JEREMIA 3:19

I tsührü bolung küde thsah nü zojihpü; tüsho alo atsü, trükshih alala yo akheahakham yamrüplurüp küde ajihpü de inü tha. Tüsho nünü I ki, abuh de ajibah tüsho I kilimnü rholode mutso de inü tha.

JEREMIA 31:14

Tsühyungpü akebenü inü amükeamrübo bukthsüshihbah, tüsho I mihtsürübonü I muzhomopungkhi ching reangkeambah, Atungpuhnü thachoh.

JEREMIA 31:4

Kheaküshe inü nü bemusubah, tüsho nü thsülobah, O atsangkhit Israel! Kheaküshe nünü züpzüppü lubah tüsho asühde tsünde ayübah.

JEREMIA 32:42

Tümüde Atungpuhnü ha thachoh: Inü ha mihtsürü kheak thsümütsü ato handarükhi nangde, inü kheakü arü ki alokhikhi, kuhi atsü alala arü kheak handarübah.

JEREMIA 33:14

Atungpuhnü thachoh, inü Israel yamkhün tüsho Juda yamkhün ki alokhikhi dünjipü nimungbo tsükjide arüchoh.

JEREMIA 4:2

tüsho nüsanü, “Atungpuh lale!” de thiyuro ching, jakmükheahkhi ching, alungki chingnü thiyuchihchimsho, apinü trükshihbo müngühjihbah, tüsho api lung arü müretahbah.

JEREMIA 44:8

Tümüde nüsa lapü arükhi Ijip ching nüsa khahnü arhimokhi püpürü thrünpuhbo ki kingaünkhinü I bukakhiukshihcho? Nüsa thsümünimba de tüsho lomi trükshih alala bolung muthrumünean tüsho münedung kamba de?

JEREMIA 49:25

Küdükhüh mungthu kiuto asühachihkhi kiuto bahyuka la!

EZEKIEL 26:20

judüki adüso mihtsürü lung alokhün ching inü nü nimyukbah, tüsho inü nü jipü lün ching thsümünimkhi bolung alokhün ching yüzahrü lung alomi bukkhüp ching lashihbah, junangde nü mülalo yungsho rhangdung lakhi lomi ching dangpung müla.

EZEKIEL 36:35

Tüsho arünü athabah, “Ha lo zhikrangkhündo alakhi thsü Eden shahwün nangde kamdo; tüsho abahkhi, azhikkhi tüsho athsümünim kiutobo ching kheaküa lalolah tüsho chipi ayünlah.”

EZEKIEL 39:13

Lomi mihtsürü alalanü arü kiuyuka bahbah; tüsho inü I müretah huhkhi nimung hanü arü ki wüntre handarübah, Atungpuh Thrünpuhnü thachoh.

HOSEA 3:5

Ju dunglim Israelrünü rholobah tüsho Atungpuh arü Thrünpuh, tüsho arü kiulongthsüpuh David yimbah; akheam nimungbo ching arünü Atungpuh trede api müngühmühi lim arübah.

ZEKARIA 1:17

Zhiloang: Wuto Atungpuhnü ha thachoh: I kiutobo kheaküshe lakhitnü azhikhiukbah; Atungpuhnü kheaküshe Zion shukheambah tüsho Jirusalem mokhitlobah.

ZEKARIA 12:2

Kheahang, inü Jirusalem ju mühi mihtsürü alala thsungkheaknü amüshangbe pung khülang kamshihpü lah; Jirusalem yanchoki Juda she ayanbah.

YUZÜNGTHALO 30:5

Judüki Atungpuh nüsa Thrünpuhnü nüsa jipürü lapung lo ching bede arübah, tüsho nüsa ju ching labah. Apinü nüsa jipürü kheaknü alü nüsa lalim atsü tüsho hihde akamshihbah.