JEREMIA 33:26 - AMÜSÜH HÜM CL Bible (BSI)

²⁶ inü Jakob tsührü tüsho I yamlarü David bahyukbah tüsho api tsührü sheshe Abraham, Isak tüsho Jakob tsührü kurungkheak yakzanshuhrü mumokhit. Tümüde inü arü kuhibo jihlobah, tüsho arü kheak mihmüthsüm labah.

JEREMIA 33:26 Iomraidhean Croise

THRÜNTAN 49:10

Judanü kiulongthsü tso zhimbah, tüsho api tsühsoniusobonü kamruhroro yakzan shuhbah. Trükshihbonü api kilim ruk hande arübah tüsho api miki wüntre jihde khukningbah.

EZRA 2:1

Kheakü harübo ha lomibo ching sherü Nebukednezar nü rama lubah Babilon ching tsokhea, arü Jirusalem tüsho Juda lim buh kiulonglong ching arülo.

EZRA 2:70

Amükeamrübo, Levirü, tüsho mihtsürü khürü Jirusalem tüsho ju hing la; khün thsürü, arüngyam neakrü, arüngyam tankihrübo kiuto phünide la; tüsho aningkhi Israelrünü arü jipürü lapung kiutobo ching la.

MUNGSHIKHÜN 126:1

Küyimki Atungpuhnü Zion aramrübo belode arükheanü, isabo milim mirü nangde alakheah.

ISAIA 14:1

Tüshe Atungpuhnü Jakob kheak mihmüthsüm labah tüsho kheaküshe Israel mokhitbah, tüsho arü lomi ching lashihbah; khiungkerünü arü lung arihbah tüsho arünü Jakob yamkhün lung labah.

ISAIA 54:8

Kim khülang thsungkheak bukakhiukkhinü I miro nü kheaknü jik tüshe akheam mülakhi amuzhonü inü nü kheak amuzho labah, Atungpuh , nü Rhokhitbuhnü thachoh.

JEREMIA 3:12

Yüang, tüsho ha yubo dukulim peang zhiyukjang, tüsho thaang: Rholoang, akin mülakhi Israel, Atungpuhnü thachoh; inü nü kheak bukakhiukde mükheah, tümüde I mihmüthsüm lah, Atungpuhnü thachoh; inü lünnü bukakhiukdü lang müla.

JEREMIA 31:20

Ephraim a inü amuzhokhi tsührü a de? Api ju inü asühkhi tsührü a de? Alochode inü api azhihde asuksuk she, judü lang inü api lümkhitchoh. Jumonü api thsungkheak I mulong niuthünaka lah; tsükjide inü api kheak mihmüthsüm labah, Atungpuhnü thachoh.

JEREMIA 31:35

Atungpuhnü ha thachoh, Shepünü animung yinshihpü ani jihcho tüsho azhing ching yinshihpü khinu tüsho chining zojihla, shepünü keto rhucho, junangde arungde abükcho– Wuto Atungpuh ju api mung lah:

JEREMIA 31:37

Atungpuhnü ha thachoh: Akulim yinmibo akekhuksho tüsho abolim alomi khimtanbo yimkhuksho lang arünü arhimokhi alala dünkheaknü inü Israel tsührübo alala bahyukbah, Atungpuhnü thachoh.

JEREMIA 33:24

Nünü mihtsürübonü harü thakhi manikhit de, “Atungpuhnü mokhitkhi yamkhün mahne apinü bahyukdo,” tüsho trükshih khülang mükhejihde künangde arünü I mihtsürü bahyukcho?

EZEKIEL 39:25

Jumonü Atungpuh Thrünpuhnü ha thachoh: Kheakü inü Jakob kuhi jihlobah, tüsho Israel yamkhün athrünkhi kheak mihmüthsüm labah; tüsho inü I mung amüsüh kümdobah.

HOSEA 1:7

Tüshe inü Juda yamkhün kheak muzhobah; inü arübo sanglüh, yungsho nukshang, yungsho thirithsü, yungsho khorabo, yungsho khoraberü hode mükhümkhit; tüshe I Atungpuh arü Thrünpuh hode arü khümkhitbah.”

HOSEA 2:23

tüsho inü anihbe I lo ching yangbah. Tüsho inü Lo-ruhama kheak amuzho labah tüsho inü Lo-ammi ki thabah, “ Nü I mihtsürü ah”; tüsho apinü athabah, “ Nü I Thrünpuh.”

ZEKARIA 10:6

Inü Juda yamkhün düküngde akamshihbah, tüsho Josep yamkhün inü khümkhitbah. Inü arü belode arübah, tümütüsho arü kheak I muzhokhi lah, tüsho arü ju inü mübahyukkhi nangde alabah; tümüde I ju Atungpuh arü Thrünpuh tüsho inü arü ki alojihbah.

ROMRÜ KILIM PAULNÜ ATHRÜTKHI KIHÜM HUHTANYU 11:32

Tümüde Thrünpuhnü mihyumanipü mihtsürü alala ram, junangde api mihmüthsüm alala kheak labah.