JEREMIA 33:24 - AMÜSÜH HÜM CL Bible (BSI)

²⁴ Nünü mihtsürübonü harü thakhi manikhit de, “Atungpuhnü mokhitkhi yamkhün mahne apinü bahyukdo,” tüsho trükshih khülang mükhejihde künangde arünü I mihtsürü bahyukcho?

JEREMIA 33:24 Iomraidhean Croise

MUNGSHIKHÜN 71:11

tüsho thachoh, “Thrünpuhnü api bahyukdo; müshamang tüsho api luang, tümüde api bekhitrü she müla.”

MUNGSHIKHÜN 83:4

Arünü tha, “Arang, tüsho nüsanü arü trükshih chingnü dükheakshihanü, junangde Israel mung kheaküa mülümkhit.”

MUNGSHIKHÜN 83:5

Arü lümkhi ching arü arihdo tüsho rukhüh thsüde nü azhihchoh:

MUNGSHIKHÜN 94:14

Tümüde Atungpuhnü api mihtsürü yana mübah, yungsho api yamrüplurüp mübahyuk.

ISAIA 11:13

Ephraim mükthsükhi chamachihbah, Juda mükzahlungzah arün thsübah; Ephraimnü Juda kheak mükmüthsü, tüsho Judanü Ephraim kheak mülungkhang.

ISAIA 7:17

Asiria kiulongthsüpuh Ephraim, Juda chingnü chamachihkhi nimungnü ründe marükhi hadürü nimungbo nü tüsho nü mihtsürü tüsho nüsa jipürü yamkhün kheak Atungpuhnü handarübah.”

JEREMIA 3:7

Tüsho inü lüm, “Ha alala rhimoshu alibenü I kilim alodarübah”; tüshe alibenü malodarü, tüsho dükde mülakhi anihbe achi Judanü ju ngü.

JEREMIA 3:8

Akin mülakhi, Israel, müzammüramkhi hode abahkhi yukhüm jihbah alibe inü atsoshihkhi anihbenü ngü; tütüshe dükde mülakhi anihbe achi Judanü mütre, tüshe anihbe she yü tüsho müzammüram rhimo.

JEREMIA 30:17

Tümüde inü nü shihphü tsüloshihbah, tüsho nü mübo inü athsüngubah, Atungpuhnü thachoh, tümütüsho arünü nüsa ki ayankhitkhi de jido: “Ha Zion; shenü anihbe thsungkheak mükümchoh!”

JEREMIA 31:36

Ha akhinashubo I mikinü chamkhisho, Atungpuhnü thachoh, Israel tsührü lünnü I miki trükshih khülang thsüpü kheambah.

JEREMIA 31:37

Atungpuhnü ha thachoh: Akulim yinmibo akekhuksho tüsho abolim alomi khimtanbo yimkhuksho lang arünü arhimokhi alala dünkheaknü inü Israel tsührübo alala bahyukbah, Atungpuhnü thachoh.

JEREMIA 33:23

Atungpuh yu Jeremia kilim arü:

JEREMIA 33:26

inü Jakob tsührü tüsho I yamlarü David bahyukbah tüsho api tsührü sheshe Abraham, Isak tüsho Jakob tsührü kurungkheak yakzanshuhrü mumokhit. Tümüde inü arü kuhibo jihlobah, tüsho arü kheak mihmüthsüm labah.

JEREMIA 51:5

Israel Amüsühbuh miki arü lomi amülimnü mide lalashe, Israel tüsho Juda arü Thrünpuh Wuto Atungpuhnü mübahyuk.

TÜZHOKHI 4:15

Mihtsürübonü arü ki zhi, “Tsoabahang! Nüsa mümüsüh!” “Tsoabahang! Tsoabahang! Isa düqiu!” Küyimki arübo tsode tüsho rümde alakhea, trükshih bolung mihtsürübonü tha, “Arübo kheaküa ha ching mülakhuk.”

EZEKIEL 25:3

Amonrü ki thaang, Atungpuh T H RÜ NPU H yu aniang: Atungpuh Thrünpuhnü ha thachoh, Tümütüsho I arüngyam müneana lachoki, tüsho Israel lomi thsümünima lachoki, tüsho Juda yamkhün ramtso ching yüchoki nüsanü “Aha!” de tha;

EZEKIEL 26:2

Mihtsürü tsührü, tümütüsho Tairnü Jirusalem dünkheak mutukzhakde tha, “Aha, mihtsürübo chipiripitlimro thsümünima lah; ha I ki khimshuhmülih-a lah; kheakü thsümünima lakhi inü athsülobah.”

EZEKIEL 36:2

Atungpuh Thrünpuhnü ha thachoh: Tümütüsho thiririnü nüsa ki tha, “Aha!” tüsho, “Jipü wung achangbo isa yamalo kamdo,”

EZEKIEL 36:20

Küyimki arünü trükshihbo kilim arükheanü, arü yüpungbo ching, arünü I mung amüsüh müneanjih, ju ching arü dünkheak tha, “Harü ha Atungpuh mihtsürübo, tütüshe arünü api lomi chingnü awukhiukpü kam.”

EZEKIEL 37:11

Judüki apinü I ki tha, “Mihtsürü tsührü, harü robo ha Israel yamkhün athrünkhi ah. Arünü thachoh, ‘ Isa robo kunga lah, tüsho isa mulonglam dükheaka lah; isa shahde lipshaka bahdo.’

EZEKIEL 37:22

Inü Israel müzüngbo kheak, lomi ching arübo trükshih khülang kamshihbah; tüsho arü alala kurungkheak yakzan shuhpü kiulongthsürü khülang labah. Küyimkishe arü trükshih mahne müla, tüsho küyimkishe arü kiulongthsü mahne mücham.