JEREMIA 33:22 - AMÜSÜH HÜM CL Bible (BSI)

²² Thüning ching chiningbo mükhekhamkhi nangde tüsho keto loyi madünkhukkhi nangde, inü I yamlarü David tsührü, tüsho I tankihrü Levirü bushihbah.

JEREMIA 33:22 Iomraidhean Croise

THRÜNTAN 13:16

Tüsho inü nü tsühsoniusobo asungthulung nangde akamshihbah; junangde khürünü asungthulung khekhuksho nü tsühsoniusobo she akhekhukbah.

THRÜNTAN 15:5

Apinü anihbuh wungdo ching bekhit tüsho tha, “Thüning lim kheahang, tüsho chiningbo nünü khekhamkhuksho kheang.” Tüsho apinü anihbuh ki tha, “Junangde nü tsühsoniusobo labah.”

THRÜNTAN 22:17

müngühmühi ching inü nü müngühjihbah, tüsho wühjabuja ching thüning ching chiningbo tüsho keyean loyibo nangde nü tsühsoniusobo bushihbah; tüsho nü tsühsoniusobonü arü riri kiutobo müküh-a lubah.

THRÜNTAN 28:14

Nü tsühsoniusobo alo asungthulung nangde alabah; nü aniyüzahlim tüsho aniakhiuklim, dukulim tüsho düjinglim bude ayübah; tüsho nü le nü müjih ching alomi yamkhün alala müngühmühibah.

MUNGSHIKHÜN 22:30

Arübe lünbonü api tankihbah; mihtsürübonü arübe lün ki Atungpuh dünkheak thabah.

MUNGSHIKHÜN 89:29

Inü api müjih she lünnü rünkhiungshihbah, tüsho api kiulongthsü-binkiu yinmi nimungbo nangde alashihbah.

ISAIA 48:19

Nü tsührü loyi nangde alabah, tüsho nü tsühsoniuso hibümbo nangde alabah; arü mung küyimkishe yihdoa mübah yungsho I mikinü müdükheakshih.

ISAIA 66:21

Tüsho inü arübo khürü amükeamrü tüsho Levirü nangde alubah, Atungpuhnü thachoh.

JEREMIA 30:19

Jurü chingnü makshe jihkhi arübah tüsho asühachihrü düsheak sobah. Inü arübo hihde akamshihbah tüsho arü nükde müla; inü arü müretahde kamshihbah tüsho arü khenoa müla.

JEREMIA 31:37

Atungpuhnü ha thachoh: Akulim yinmibo akekhuksho tüsho abolim alomi khimtanbo yimkhuksho lang arünü arhimokhi alala dünkheaknü inü Israel tsührübo alala bahyukbah, Atungpuhnü thachoh.

JEREMIA 33:18

tüsho I miki taka kingaünpü, hi kingaünpü, tüsho kim alala ching shuhmülanga jihpü thsüde Levirü amükeamrübo thsungkheak mihtsürü khülang müladüa müla.

JEREMIA 33:23

Atungpuh yu Jeremia kilim arü:

EZEKIEL 37:10

Apinü I ki thiyukhüm jihkhi nangde inü müchit, tüsho arü kheak sheak arü, tüsho arü rhangdung la, tüsho boto ato arü jingnü zhip.

EZEKIEL 44:15

Tüshe Levirü amükeamrübo Zadok tsühsoniusobo, Israel mihtsürübo tsophülapchoki, sherünü I yo arüngakopung neakchonü, I tankihpü I thüninde arübah; tüsho arünü amüdang tüsho athiyih jihpü I ki zhipbah, Atungpuh Thrünpuhnü thachoh.

HOSEA 1:10

Tütüshe Israel mihtsürü khekhi ju madünkhuk yungsho mükhekhukkhi keto loyi nangde alabah; tüsho arü ki, “ Nüsa I mihtsürü yung,” de athakhi müthri arü ki thabah, “Arhang Thrünpuh tsührü.”

ZEKARIA 10:8

Inü arü jibah tüsho arübo mukhungbah, tümüde inü arü rhokhitdo tüsho akhuhlim nangde arü hihde akambah.

ZEKARIA 12:8

Ju nimung ching Atungpuhnü Jirusalem ching larü tsungdobah, junangde arü bolung sühmüh mülarü ju nimung David nangde alabah, tüsho David yamkhün ju arü müngüh Atungpuh yunirü nangde Thrünpuh ruk labah.

ZEKARIA 2:4

tüsho api ki tha, “Alihang, ju athrününgtsüng mihtsürü ki thaang: Jirusalem ju mihtsürü tüsho shiwüh hihkhinü chipi mayündoride alabah.

IBRI 11:12

Tüsho api sheabah-a lalashe, mihtsürü khülang kheaknü thüning chiningbo hihdakkhi nangde tüsho kemungyean mükhebinkhi loyi nangde tsühsoniusobo trükkhit.