JEREMIA 33:2 - AMÜSÜH HÜM CL Bible (BSI)

² Alomi thrünrü Atungpuhnü ha thachoh, Atungpuh shepünü ha kamkhitpü thsü–Atungpuh ju api mung:

JEREMIA 33:2 Iomraidhean Croise

MUNGSHIKHÜN 102:16

Tümüde Atungpuhnü Zion thsülobah; anihbuh müretahkhi ching api akhiukbah.

MUNGSHIKHÜN 87:5

Tüsho Zion dünkheak ha thabah, “Ha tüsho ju anihbe ching zübekheah; tüsho Khide Achangbuhnü anihbe düküngshihbah.”

ABEKHIT 15:3

Atungpuh a athrungrü mihtsürü ah; Atungpuh ju api mung ah. @SPACE=

ABEKHIT 6:3

Inü Abraham, Isak tüsho Jakob ki Wuto Thrünpuh ah de akhiuka huh, tüshe inü arü ki I mung Atungpuh de mümükheahshihde alakheah.

ISAIA 14:32

Trükshih yunithsürü ki shenü tümü aloba? Atungpuhnü Zion thsükhitdo, tüsho api mihtsürü bolung küpkhukrü ju ching tsoyukbah.

ISAIA 37:26

“ Inü adüsonü lümkihdo de nünü muso de? Kheakü inü tümü handarüchonü inü awün nimungbo chingnü lümkhi thsükheah, junangde nünü chipi ayünkhi kiutobo kingnaka müneanmuru mujung kamshihpü lakheah.

ISAIA 42:8

I Atungpuh ah, ju I mung; I müretahkhi püpürü kilim, yungsho I mungshi sangthsübo kilim müjih.

ISAIA 43:1

Tüshe kheakü Atungpuhnü ha thachoh, shepünü nü thrünkhea, O Jakob, shepünü nü kamshihkhea, O Israel: Dütre, tümüde inü nü rhokhit; inü nü mungnü ji, nü I yo.

ISAIA 43:21

mihtsürü sherü I thsungkheak kamshihkhea, junangde arünü I mung shikhi khipkhitbah.

ISAIA 62:7

tüsho Jirusalem mülaloyi khiungde tüsho alominü müshijihyi khiungde, api sühakhim müjihbeah.

JEREMIA 10:16

Jakob Thrünpuh a harü ruk yung, tümüde nü kukruk alala thrünkhi ju api lah, tüsho Israel ju api yamrüplurüp trük ah; Wuto Atungpuh ju api mung lah.

JEREMIA 16:21

“Jumonü tsükjide inü arü ki thsangyupü lah, ha kim ching inü arü ki I wu tüsho I sühmüh thsangyubah, tüsho I mung ju Atungpuh de arünü mükheahbah.”

JEREMIA 32:18

Nünü chithürü lün ki muzhodakde huh, tüshe berübuhrü neakbo arü tsührübo khüh kheak zojih, O ato tüsho Wuto Thrünpuh, shepü mung Wuto Atungpuh la,

JEREMIA 51:19

Jakob Thrünpuh a harü ruk yung, tümüde kukruk alala kamkhitshihkhi ju api ah, tüsho Israel ju api yamrüplurüp trük lah; Wuto Atungpuh ju api mung.

AMOS 5:8

Shepünü chirhangshuhrü tüsho yamungshuhrü thrünkhea, tüsho zhingdoa amitingkhi ju yapsu kamshihkhea, tüsho animung ju azhing kamshihkhea, Shepünü keto kebo jikhea tüsho alo kheak dungkhitkhea, Atungpuh ju api mung,

AMOS 9:6

shepünü yinmi ching nihbuh akube khiungshakbo thsücho, tüsho alomi kheak khimtanbo thsücho; shepünü keto kebo jicho tüsho alomi kheak dungkhitcho– Atungpuh ju api mung lah.

IBRI 11:10

Tümüde apinü Thrünpuhnü akhude thrüna lakhi khimtanbo lakhi kiuto mikhuh kheahde alakheah.

IBRI 11:16

Tüshe arünü atsübe, yinmi lomi müshamde la. Jumonü Thrünpuhnü arü Thrünpuh de ajipü machih, tümüde apinü arü kilim kiuto khülang thsakhamjih.

AMIKHEAKAKHIUKKHI 21:10

Tüsho apinü Me chingnü I bede awung ato tüsho achang ching yü, tüsho amüsüh kiuto Jirusalem Thrünpuh kilimnü yinmi chingnü akide I ki huh,

AMIKHEAKAKHIUKKHI 21:2

Tüsho amüsüh kiuto, Jirusalem aso, ayamkhünbuh thsungkheak züt thsükhi yamkhünbe nangde Thrünpuh kilimnü yinmi chingnü akide inü ngü;