JEREMIA 33:11 - AMÜSÜH HÜM CL Bible (BSI)

¹¹ asühkhi düsheak tüsho asühara düsheak, yamkhün-kambuh düsheak tüsho yamkhün-kambe düsheak, khün thsürü düsheak, arünü makshe kingaün Atungpuh yam ching handarübah: “ Wuto Atungpuh kilim makshe jihang, tümüde Atungpuh tsülah, tümüde api muzhodakkhi lünnü lah!” Tümüde lomi kuhibo atankih nangde ajihlobah, Atungpuhnü thachoh.

JEREMIA 33:11 Iomraidhean Croise

1 KIUTHSÜYUKHEAN 16:34

O Atungpuh kilim makshe jihang, tümüde api tsülah; tümüde api amuzho lünnü lah.

1 KIUTHSÜYUKHEAN 16:8

O Atungpuh kilim makshe jihang, api mung jiang, mihtsürü bolung api rhimobo mükheahshang.

2 KIUTHSÜYUKHEAN 20:21

Küyimki apinü mihtsürübo kheak lümkhi jihkhea, Atungpuh ki khün thsüpü tüsho amüsühdakkhi ching api shipü mokhit, arübonü bonungrü müngüh tha, “Atungpuh kilim makshe jihang, tümüde api muzhodakkhi lünnü lah.”

2 KIUTHSÜYUKHEAN 29:31

Judüki Hezekianü tha, “ Kheakü nüsa Atungpuh kilim müsühkhitdo; phünide arang, kingaünbebo lude arang tüsho Atungpuh yam ki makshe kingaün jihang.” Amukhungrünü kingaünbebo lude arü tüsho makshe kingaünbo jih; tüsho mulongsahde alarü alalanü taka kingaünkhibo lude arü.

2 KIUTHSÜYUKHEAN 5:13

Atungpuh kilim rüpde mungshipü tüsho makshe jihpü ju hulipungpung mütrü tüsho khün thsürü rhimo lakheah, tüsho küyimki hulipungpung, larüp tüsho püpü kingzükingdobe shuhbah Atungpuh shide khün thsükhea, “Tümüde api tsülah, tümüde apinü düküngde muzhokhi lünnü lah,” Atungpuh yam ju amonü miabah,

2 KIUTHSÜYUKHEAN 7:3

Küyimki mo tüsho Atungpuh müretah akikhi Israel mihtsürü alalanü angükhea, arünü jing tsahpung kheak arü miro alo lim mükhümde kingaün tüsho Atungpuh ki makshe jihde tha, “Tümütüsho api tsülah, tümütüsho api muzho lünnü lah.”

EZRA 6:22

Arünü phaüm muyukkhi yikhap thünio thüne ni asühde mung, tümüde Atungpuh hode Asiria kiulongthsüpuhnü arü ki muzhode kamshih, junangde apinü Israel Thrünpuh arüngyam thsülochoki arü rung.

NEHEMIA 12:43

Ju nimung kingaün ahihkhüh jihde, tüsho mihtsürübo asühkhinü mi tümüde Thrünpuhnü arübo khide asühpü jih. Aliberü tüsho azürübo müsükhitkhi münchi ching be, tüsho arü alalanü alankhi ju limshu chingnü she so.

NEHEMIA 8:12

Tüsho mihtsürü alala thüyam lim yübah tsühyungde asühachih tüsho püpürü ki she arü lakhi chamachih, tümüde arü ki khea huhkhi yubo arünü anikhit.

MUNGSHIKHÜN 106:1

Atungpuh shiang! O, Atungpuh kilim makshe jihang, tümüde api tsülah; tümütüsho api amüthsüm lünnü rünkhiungde lah.

MUNGSHIKHÜN 107:1

O, Atungpuh kilim makshe jiang, tümüde api tsülah! tümütüsho api amüthsüm lünnü rünkhiungde lah.

MUNGSHIKHÜN 107:22

Arünü makshe jihde laksah-a kingaünkhi shuhmülanga jihshang, tüsho api rhimobo asühachihde khipkhitshang.

MUNGSHIKHÜN 116:17

Inü nü kilim makshe jihde laksah-a kingaünkhi jihbah, tüsho inü Atungpuh mung jibah.

MUNGSHIKHÜN 147:13

Tümüde apinü nüsa chipiripit khrihbebo düküngshihdo; apinü nüsa bolung nüsa tsührübo müngühjihdo.

MUNGSHIKHÜN 85:7

Isa ki nü amüthsüm huhang, O Atungpuh , tüsho isa ki nü akhümkhit mülüjang.

ISAIA 35:10

Tüsho Atungpuh zuzu alodarübah tüsho khün thsüde Zion lim arübah; akheam mülakhi asühachihkhi arü ku kheak labah; arünü asühpü tüsho asühara ngübah, tüsho mulong rozhak tüsho sheak-dükip tsoabahbah.

ISAIA 51:11

Jumonü Atungpuhnü rhokhitrü rholobah tüsho khün thsüde Zion lim arübah; akheam müla asühachihkhi arü ku kheak labah; arünü asühachih tüsho asühakokhi labah, tüsho mulong rozhak le masühkhi tsoabahbah.

ISAIA 51:3

Tümüde Atungpuhnü Zion mulong shukheambah; apinü anihbe yo thsümünimkhi dangpungbo alala shukheambah, tüsho anihbe sunglo ju Eden nangde kamshihbah, anihbe loshelo ju Atungpuh shahwün nangde kamshihbah; asühachih tüsho asühkhi anihbe kheak labah, makshe jihkhi tüsho khün düsheak labah.

ISAIA 52:8

Aniang! Nü chipi aheangrübonü arü düsheak shuhkihchoh, arü rukhühnü khün thsüde asühachihchoh; tümüde arü müknü Atungpuh Zion ching alodarükhi ngülah.

ISAIA 52:9

Rukhühnü khün thsüde zhiang, nü athsümünimkhi Jirusalem; tümüde Atungpuhnü api mihtsürü shukheamdo, apinü Jirusalem rhokhitdo.

JEREMIA 16:9

Tümüde Wuto Atungpuh Israel Thrünpuhnü ha thachoh: Nüsa nimungbo ching tüsho nüsa mük kinü, asühako düsheak akheam thsüshihbah.

JEREMIA 17:26

Tüsho mihtsürübo Juda kiutobo tüsho Jirusalem mühi dangpungbo, Benjamin lomi, Shephela, awung lomi, tüsho Negeb chingnü taka kingaünkhi tüsho laksah-a kingaünkhi, hi kingaün tüsho rhümthüneabe, tüsho Atungpuh yam ching makshe jihkhi kingaünbo lubah arübah.

JEREMIA 25:10

Tüsho inü arü kheaknü asühachih tüsho asühkhi düsheak, yamkhünkambuh tüsho yamkhün-kambe düsheak, hi-chukhi düsheak tüsho tsünpung ching ayin keamabahshihbah.

JEREMIA 29:14

inü nüsa ki I ngüshihbah, Atungpuhnü thachoh, tüsho inü nüsa kuhi jihlobah tüsho inü nüsa müzütshihpung trükshihbo alala tüsho dangpungbo alala chingnü nüsa bemukhungbah, Atungpuhnü thachoh, tüsho inü nüsa ramtso ching yüshihpung ching nüsa belodarübah.

JEREMIA 30:19

Jurü chingnü makshe jihkhi arübah tüsho asühachihrü düsheak sobah. Inü arübo hihde akamshihbah tüsho arü nükde müla; inü arü müretahde kamshihbah tüsho arü khenoa müla.

JEREMIA 30:3

Tümüde I mihtsürü Israel tüsho Juda kuhi ngülopü nimungbo tsükjide arüchoh, Atungpuhnü thachoh, tüsho inü arü jipürü kilim jihkhi lomi ching arübo belodarübah tüsho arünü ju yamalo lubah.

JEREMIA 32:44

Benjamin lomi ching, Jirusalem mühi dangpungbo ching, tüsho Juda kiutobo ching, awungbo le lokeamlo kiutobo ching tüsho düjinglim kiutobo ching shonü thulubo thulobah, tüsho shothsühümbo mütsan dokihbah tüsho thiyumütsanbo labah; tümüde inü arü kuhi jihlobah, Atungpuhnü thachoh.

JEREMIA 33:26

inü Jakob tsührü tüsho I yamlarü David bahyukbah tüsho api tsührü sheshe Abraham, Isak tüsho Jakob tsührü kurungkheak yakzanshuhrü mumokhit. Tümüde inü arü kuhibo jihlobah, tüsho arü kheak mihmüthsüm labah.

JEREMIA 33:7

Inü Juda kuhi tüsho Israel kuhi jihlobah, tüsho arü atankih nangde thsülojihbah.

JEREMIA 7:34

Tüsho inü asühachih tüsho asühara düsheak, yamkhün kamkhi thünio düsheak, Juda kiutobo tüsho Jirusalem kiudunglimrobo ching akheam thsüshihbah; tümüde alo thsümünimbah.

AMOS 9:14

Inü I mihtsürü Israel kuhi jihlobah, tüsho arünü athsümünim kiutobo thsülobah tüsho jurü ching labah; arünü kurungasobo yangbah tüsho jurü yukhu yungbah, tüsho arünü awündobo thsübah tüsho sangaso tsühbah.

JONA 2:9

Tüshe inü makshe-jihkhi düsheaknü nü ki laksah-a kingaünbah; tümü inü thiyuchihchimkheanü inü ajihbah. Akhümkhitpü ju Atungpuh yo ah!”

NAHUM 1:7

Atungpuh tsülah, küpkhuk nimung ching chipi khülang lah; api kheak tsoyukrü apinü kümchoh.

ZEPHANIA 3:14

Achangnü khün thsang, O Zion mihtsürü, ahoang, O Israel! Asühachihang tüsho nü mulong alalanü asühang, O Jirusalem!

ZEKARIA 10:7

Judüki Ephraim mihtsürübo ju thirithsürü nangde akambah, tüsho arü mulongbo ju yukhu yungkhi nangde asühbah. Arü tsührübonü ju ngübah tüsho asühachihbah, arü mulongbo Atungpuh kheak khide asühbah.

ZEKARIA 8:19

Wuto Atungpuhnü ha thachoh: Khinu phüyi ching khümkeakkhi, phüngü ching khümkeakkhi, thüne ching khümkeakkhi, tüsho thürüpü ching khümkeakkhi ju asühachih tüsho asühara akheahmünchibo, tüsho Juda yamkhün thsungkheak asühkhi thüniobo labah: jumonü thiyuro tüsho mungtsü muzhoang.

ZEKARIA 9:17

Tümüde api tsakamkhi tüsho akhamkhi küdükhüh la! Hinü athrününgtsüng tüsho yukhunü anünürü shih kihde akambah.

JOHAN 3:29

Yamkhün-kambe ju yamkhünkambuh yo ah; tüshe yamkhünkambuh müyamrü, shepünü zhipbah api ki anichonü yamkhün-kambuh düsheak hode tode asühachihchoh. Jumonü ha I asühkhi dünjido.

IBRI 13:15

Jumonü isanü Jisu hode api mung alokhikhi münnü Thrünpuh kilim mutukzhakde mungshi kingaün jihanü.

AMIKHEAKAKHIUKKHI 18:23

nü kheak tsünpung ayinatrüm mütahlo; tüsho nü kheak yamkhün-kambuh le yamkhün-kambe düsheak musolo; tümüde nü shothsümolorübo alomi mungkhung mihtsürübo lakheah, tüsho nü wurük hode trükshih alala mülapyuk.