JEREMIA 32:5 - AMÜSÜH HÜM CL Bible (BSI)

⁵ tüsho apinü Zedekia Babilon lim bede ayübah, tüsho I anihbuh ki müyüyi khiungde api ju ching labah, Atungpuhnü thachoh; nünü Kaldearü bede keochihchih she mukuk?”

JEREMIA 32:5 Iomraidhean Croise

2 KIUTHSÜYUKHEAN 13:12

Kheahang, Thrünpuh isa lung isa ku ki lah, tüsho api yo amükeamrübonü nüsa bede keochihpü jide arü hulipungpungbo khungpü lah. O Israelrübo, nüsa jipürü Thrünpuh, Atungpuh bede dükeochih; tümüde nüsanü mukuk.”

2 KIUTHSÜYUKHEAN 24:20

Judüki amükeambuh Jehoiada tsührü Zekaria kheak Thrünpuh me arü; apinü mihtsürübo müngüh zhip tüsho arü ki tha, “Thrünpuhnü ha thachoh: Nüsa akuk müngüpü thsüde küde thsah nüsanü Atungpuh yukhümbo thsümünimcho le? Tümütüsho nüsanü Atungpuh bahyukdo, apinü she nüsa bahyukdo.”

MÜCHITMUDU 21:30

Atungpuh azhihde lümlung yungsho anikhitkhi yungsho lümthiyan tümü müla.

JEREMIA 2:37

Nü khahnü ku thürümlobah ju chingnü she nü arüabahbah; tümüde nünü mulonglamrü Atungpuhnü bahyukdo, tüsho arü hode nü alü müngü.

JEREMIA 27:22

Jurübo Babilon ching hande ayübah tüsho arü thsungkheaknü inü rhuakheahpü nimung khiungde arü ju ching labah, Atungpuhnü thachoh. Judüki inü arü belodarübah tüsho ha dangpung ching zobah.

JEREMIA 32:24

Kheahang, kiuto yanpü tankih-a lah, tüsho nukshang, khümzung tüsho arüm-tukthsü hode kiuto Kaldearü khah ching jihdo. Nünü tümü asukkheanü dünjido, nünü ngülah.

JEREMIA 32:6

Jeremianü tha, Atungpuh yu I kilim arü:

JEREMIA 33:5

Kaldearübo keochihpü arüchoh tüsho I bukakhiukde alaksahkhi ashemibonü arü mibah, tümüde arü mihbukmuyuk hode ha kiuto chingnü I miro jikabahdo.

JEREMIA 37:10

Nüsanü nüsa bede keochihrü Kaldearü bonungrü alala kukkuk she tüsho arü khimyambo ching yurirü lang aninga lalashe, arünü asürübah tüsho ha kiuto monü atakbah.

JEREMIA 39:4

Küyimki Juda kiulongthsüpuh tüsho bonungrü alalanü arü ngükhea, arünü azhing ching kiuto chingnü wukhiukbah kiulongthsüpuh shahwün limronü chipi mahne dükeak ripit chingnü shanyukbah tso; tüsho arübonü Araba limpeang yü.

JEREMIA 39:5

Tüshe Kaldearü bonungrübonü arü yande müsham, tüsho Jirikho dükhün ching Zedekia yanphuh; tüsho küyimki arünü api ramlokhea, arünü api Hamath lomi, Ribla ching Babilon kiulongthsüpuh Nebukednezar ki bedarü; tüsho apinü anihbuh sheshihpü thiyu jih.

JEREMIA 39:7

Apinü Zedekia mükji yihkhit, tüsho Babilon lim lude ayüpü yinchiliunü rhük.

TÜZHOKHI 1:14

Inü alakmihkhi sangkaplakbo api khahnü thsünru; jurübo I hung kheak nokih, I sühmüh keakeashih; inü azhihde müzhipkhukrü kilim Atungpuhnü I jih.

EZEKIEL 12:12

Arü bolung yakzanshuhrünü shuhyini ching nihbuh kukruk dubuh kheak yihkihbah tüsho atsobah, tüsho api hode atsopü chipi ching rhümashungbah. Apinü alomi müngükhukpü thsüde amiro lüpdobah.

EZEKIEL 12:13

Inü api thsungkheak keang zobah, tüsho I qimürip ching api phuhbah; inü api Kaldearü lomi Babilon ching handarübah, tüshe apinü ju müngükhuk, tüsho api ju ching shebah.

EZEKIEL 17:15

Tüshe Juda kiulongthsüpuhnü khorabo tüsho bonungrü boto bepü api yunithsürü Ijip ching yüshihde api azhih. Apinü akukba de? Hadürü rhimorü tsokhiba de? Apinü tangzüng thsümünimba de tüsho atsokhiba de?

WÜHKHE 14:41

Tüshe Mosanü tha, “Kheakü tümüde nüsanü Atungpuh yukhüm thsümünimcho? Ju akuk müngü.