JEREMIA 32:44 - AMÜSÜH HÜM CL Bible (BSI)

⁴⁴ Benjamin lomi ching, Jirusalem mühi dangpungbo ching, tüsho Juda kiutobo ching, awungbo le lokeamlo kiutobo ching tüsho düjinglim kiutobo ching shonü thulubo thulobah, tüsho shothsühümbo mütsan dokihbah tüsho thiyumütsanbo labah; tümüde inü arü kuhi jihlobah, Atungpuhnü thachoh.

JEREMIA 32:44 Iomraidhean Croise

ISAIA 44:26

shepünü api yamlarü yu mütsanmükhishih, tüsho api yunithsürünü müchitkhi dünjishih; shepünü Jirusalem dünkheak tha, “Ha ching mihtsürü labah,” tüsho Juda kiutobo dünkheak, “Arübo athsülobah, tüsho inü arü athsümünimkhi yihmusubah;”

JEREMIA 13:19

Negeb kiutobo shenü mükhimshuhpü thsüde rihdoa lah; Juda alala ramtso ching lude tsodo, abümnü ramtso ching lude tsodo.

JEREMIA 17:26

Tüsho mihtsürübo Juda kiutobo tüsho Jirusalem mühi dangpungbo, Benjamin lomi, Shephela, awung lomi, tüsho Negeb chingnü taka kingaünkhi tüsho laksah-a kingaünkhi, hi kingaün tüsho rhümthüneabe, tüsho Atungpuh yam ching makshe jihkhi kingaünbo lubah arübah.

JEREMIA 30:18

Atungpuhnü ha thachoh: Inü Jakob khimyam kuhibo jihlopü thsüchoh, tüsho api lapung kheak mihmuzho labah; kiuto ju amujuk kheak thsülobah, tüsho alungki dangpung kheak kiulongthsürü-yam thsübah.

JEREMIA 30:3

Tümüde I mihtsürü Israel tüsho Juda kuhi ngülopü nimungbo tsükjide arüchoh, Atungpuhnü thachoh, tüsho inü arü jipürü kilim jihkhi lomi ching arübo belodarübah tüsho arünü ju yamalo lubah.

JEREMIA 31:23

Wuto Atungpuh , Israel Thrünpuhnü ha thachoh: Khülang ki arünü inü arü kilim kuhi jihlokhi, Juda lomi tüsho kiutobo ching harü yubo ahoribah: “Atungpuhnü nü müngühjang, O thiyuro lapung, O amüsüh wung!”

JEREMIA 32:10

Inü münrünhüm mütsan dokihbah yihdo, thiyumütsan lu, tüsho wuhzhin kheak sho adün.

JEREMIA 32:37

kheahang, I bukakhiukde amüzütshihpungnü inü arü bemukhungbah; inü arübo ha dangpung ching belodarübah tüsho inü arü sühakhim ching lashihbah.

JEREMIA 33:11

asühkhi düsheak tüsho asühara düsheak, yamkhün-kambuh düsheak tüsho yamkhün-kambe düsheak, khün thsürü düsheak, arünü makshe kingaün Atungpuh yam ching handarübah: “ Wuto Atungpuh kilim makshe jihang, tümüde Atungpuh tsülah, tümüde api muzhodakkhi lünnü lah!” Tümüde lomi kuhibo atankih nangde ajihlobah, Atungpuhnü thachoh.

JEREMIA 33:13

Awung lomi kiutobo ching, Shephela, Negeb, Benjamin lomi, Jirusalem mühi dangpung tüsho Juda kiutobo ching, kheaküshe mihnubo arü kherü khah khüp tsahbah, Atungpuhnü thachoh.

JEREMIA 33:26

inü Jakob tsührü tüsho I yamlarü David bahyukbah tüsho api tsührü sheshe Abraham, Isak tüsho Jakob tsührü kurungkheak yakzanshuhrü mumokhit. Tümüde inü arü kuhibo jihlobah, tüsho arü kheak mihmüthsüm labah.

JEREMIA 33:7

Inü Juda kuhi tüsho Israel kuhi jihlobah, tüsho arü atankih nangde thsülojihbah.

OBADIA 1:19

Negebnü Esau wungbo lubah tüsho Shephelanü Filistiarü lo lubah; arünü Ephraim tüsho Samaria lo lubah, tüsho Benjaminnü Gilead lubah.

OBADIA 1:20

Hala ching lakhi Israel ramtsorünü Zarephat khiungde Phoenikia lubah; tüsho Sepharad ching lakhi Jirusalem ramtsorünü Negeb kiuto lubah.

ZEPHANIA 2:7

Kemungyean ju Juda yamkhün aningkhi yamalo thsüde, ju kheak arünü mihnu boto yimkipbah, tüsho Ashkelon yambo ching arünü azhing ching yapbah. Tümüde Atungpuh arü Thrünpuhnü arü kümbah tüsho arü kuhibo jihlobah.

ZEKARIA 7:7

Jirusalem mühide kiutobo bede lalim tsüde alachoki, tüsho Negeb le Shephela ching laabahshu harü Atungpuh yubo ha adüso wukihrübonü azhiyukkhi yung de?