JEREMIA 32:42 - AMÜSÜH HÜM CL Bible (BSI)

⁴² Tümüde Atungpuhnü ha thachoh: Inü ha mihtsürü kheak thsümütsü ato handarükhi nangde, inü kheakü arü ki alokhikhi, kuhi atsü alala arü kheak handarübah.

JEREMIA 32:42 Iomraidhean Croise

JEREMIA 31:28

Tüsho inü arü zükshakpü tüsho thokheampü, jipa bahpü, athsümünimpü, tüsho amütsü handarüpü kheahkhi nangde inü arü thsülopü tüsho ayangpü kheahbah, Atungpuhnü thachoh.

JEREMIA 33:14

Atungpuhnü thachoh, inü Israel yamkhün tüsho Juda yamkhün ki alokhikhi dünjipü nimungbo tsükjide arüchoh.

JEREMIA 33:9

Tüsho inü arü thsungkheak atsü rhimokhi alala sopü larü lomi trükshihbo alala miki ha kiuto I ki asühkhi mung, mungshi tüsho müretahkhi labah; inü ha thsungkheak atsü tüsho lalim atsü alala jihkhi dünkheak arünü atrebah tüsho ajanbah.

TÜZHOKHI 3:38

Ha Khide Achang mün chingnü atsü tüsho amütsü arüchoh yung de?

MATHI 24:35

Thüning tüsho alomi hode atsobah, tüshe I yubo a küyimkishe hode mutso.