JEREMIA 32:41 - AMÜSÜH HÜM CL Bible (BSI)

⁴¹ Inü arü kheak atsü rhimokhinü asühbah, tüsho thülünde, I mulong alala tüsho I me alalanü inü arü ha lomi ching lashihbah.

JEREMIA 32:41 Iomraidhean Croise

MUNGSHIKHÜN 80:8

Nünü Ijip chingnü kurungasoliu khülang lubah arü; nünü trükshihbo yankhit tüsho ju khim.

ISAIA 60:21

Nü mihtsürü alala thiyuro-lungki labah; arünü lünnü alomi lubah. Arübo inü akhimkhi dübit, I khah rhimo, junangde I müretahbah.

ISAIA 62:4

Kheaküa nü Amihkhi de müji tüsho nü lomi Azhikkhi de müji; tüshe I Asühkhi Anihbe kheak lah de nü ki jibah, tüsho nü lomi rhangdo de ajibah; tümüde Atungpuhnü nü kheak asühchoh tüsho nü lomi arhangbah.

ISAIA 62:5

Athrününgtsüng khülangnü anünürü kheak yamkhün kamkhi nangde nü thrünrünü nü ki rhangbah, tüsho yamkhün-kambuhnü yamkhün-kambe kheak asühachihkhi nangde, nü Thrünpuhnü nü kheak asühachihbah.

ISAIA 65:19

Inü Jirusalem ching asühachihbah, tüsho I mihtsürü kheak asühbah; ju ching atripkhi düsheak musolo, yungsho lümthsünü zhikhi müla.

JEREMIA 18:9

Tüsho püpü kim ching trükshih khülang yungsho kiulongthsü khülang dünkheak athsüpü tüsho akhimpü inü athapü lah,

JEREMIA 24:6

Atsü thsungkheaknü arü kheak I mük zobah, tüsho ha lomi ching inü arü belodarübah. Inü arü thsükihbah, tüsho arü müthokheam; inü arü khimbah, tüsho arü mürukkhit.

JEREMIA 31:28

Tüsho inü arü zükshakpü tüsho thokheampü, jipa bahpü, athsümünimpü, tüsho amütsü handarüpü kheahkhi nangde inü arü thsülopü tüsho ayangpü kheahbah, Atungpuhnü thachoh.

EZEKIEL 36:36

Judüki nü mühide alakhi trükshihbo alalanü I Atungpuhnü , athsümünim dangpungbo thsüloa lah tüsho abahkhi khimloa lah de mükheahbah; I Atungpuhnü asukdo, tüsho inü ju rhimobah.

HOSEA 14:5

I ju Israel ki ayinke nangde alabah; api thrilung sangbün nangde abungbah, Lebanon murungbo nangde api aying chinyukbah.

AMOS 9:15

Inü I mihtsürübo lomi kheak khimbah, tüsho inü arü kilim jihkhi lo chingnü küyimkishe arübo mürukkhitlo, Atungpuh nüsa Thrünpuhnü thachoh.

MIKA 7:18

Nü nangde she Thrünpuh la, shepünü api yamrüplurüp aningkhi neak tüsho alakmihkhi bahjihcho? Nünü lünnü bukakhiukde müla tüshe mihmüthsüm huhpü mulungchoh.

ZEPHANIA 3:17

Atungpuh , nü Thrünpuh, nüsa bolung lah, Wuto Khülangnü nü khümkhitbah; apinü nü kurungkheak asühbah, apinü api muzho ching nü aso kamshihbah; apinü nü kurungkheak asühde khün thsübah,

YUZÜNGTHALO 28:63

Tüsho Atungpuhnü nüsa lalimlako tsüshihde tüsho wüh bushihde asühkhi nangde, Atungpuhnü nüsa sheshihde tüsho athsümünim hande arüde asühbah; tüsho nüsanü müküh-a lupü lakhi lomi chingnü nüsa rukkhita bahbah.

YUZÜNGTHALO 30:9

Nü khahnü arhimokhi, nü pang chingnü tsührü, akamshiwüh bupü, tüsho nü lo chingnü atsü akhiukshihde Atungpuh nü Thrünpuhnü lalim tsüde akamshihbah. Tümüde Atungpuhnü nüsa jipürü kheak asühkhi nangde kheaküshe nü kheak atsü thsungkheaknü asühbah,