JEREMIA 32:40 - AMÜSÜH HÜM CL Bible (BSI)

⁴⁰ Inü arü ki küyimkishe atsü rhimokhi mutuklopü akheam müla tangzüng khülang thsübah; tüsho arü mulong ching I trepü inü ayukjihbah, junangde arübo I kheaknü müchamachih.

JEREMIA 32:40 Iomraidhean Croise

2 SAMUEL 23:4

ju yapsu ayin nangde, amo mülakhi yapsu ani akhiukkhi tsüng arü dunglim alo ching lakhi rimkiu kheak ayin tahkihkhi nangde lah.

MUNGSHIKHÜN 80:19

Isa laloshang, O Wuto Atungpuh Thrünpuh; nü miro yinshang, tüsho isa khümkhita labah!

ISAIA 24:5

Mihtsürübonü alomi müneando; tümüde arünü yakzanbo lakmihdo, thiyuzüngbo thsümünimdo, akheam mülakhi tangzüng yihshakdo.

ISAIA 55:3

Nü nükhün muphoang, tüsho I kilim arang; aniang, junangde nü labah. Inü nü kheak akheam mülakhi tangzüng, inü muzhodakkhi, David thsungkheak tsükjide muzhokhi labah.

ISAIA 61:8

Tümüde I Atungpuhnü thiyuro muzholah, inü ahühara tüsho amülim rhimo thraneanlah; inü thiyuronü arü kilim thsambah jihbah, tüsho inü arü ki akheam mülakhi tangzüng khülang thsübah.

JEREMIA 24:7

Inü arü kilim I Atungpuh de mükheahpü mulong jihbah; tüsho arübo I mihtsürü thsübah tüsho I arü Thrünpuh thsübah, tümüde arü mulong athrünkhinü arübo I kilim rholobah.

JEREMIA 31:34

Arünü kheaküa khülangnü khülang müthsangyuachih, yungsho müthaachih, “A TU N GPU H mükheahang,” tümüde arü aninikhühnü atobe khiungde alalanü I mükheahbah, Atungpuhnü thachoh; tümüde inü arü mülimkhi neak bahjihbah, tüsho arü neak mülümkhitlo.

JEREMIA 50:5

Arünü Zion limro keokhibah, tüsho ju lim arü miro anguhbah tüsho arünü küyimkishe mümihbe akheam müla tangzüng hode A TU N GPU H kilim arübah tüsho arihbah.

EZEKIEL 36:26

Inü mulong aso khülang nü kilim jihbah, tüsho me aso khülang nü kheak yukjihbah; tüsho inü nü pang chingnü lungto mulong yihkhitbah tüsho nü kilim shihtsü mulong khülang jihbah.

EZEKIEL 36:27

Inü I me nü kheak yukjihbah, tüsho I yakzan thsükhibo ching tsahbah tüsho I yuzüngbo rhimopü kümkangshihbah.

EZEKIEL 37:26

Inü arü kheak mungtsü tangzüng khülang thsübah; ju arü kheak akheam mülakhi tangzüng khülang labah; tüsho inü arü müngühjihbah tüsho wüh bushihbah, tüsho arü bolung I arüngakopung lünnü alashihbah.

EZEKIEL 39:29

tüsho inü Israel yamkhün kheak I me dungkihchoki, inü arü kheaknü I miro müjiklo, Atungpuh Thrünpuhnü thachoh.

MIKA 4:5

Mihtsürü alalanü nihbuh thrünpuh mung ching tsahchoh, tüshe isanü Atungpuh isa Thrünpuh mung ching lünnü lün tsahbah.

YUZÜNGTHALO 31:6

Düküngang tüsho mulong ato thsang, dütre yungsho arü ki trede düla: tümüde Atungpuh nü Thrünpuh nüsa lung yüchoh; apinü nüsa müdükhe yungsho mübahyuk.”

YUZÜNGTHALO 31:8

Atungpuhnü nü bebah tüsho nü lung labah. Apinü nü müdükhe yungsho mübahyuk; dütre yungsho mulong dünini.”

IBRI 13:20

Lün tangzüng thiyih hode namfimihnu neakrü ato, Atungpuh Jisu Khrista ashe chingnü arhang kamloshihbuh Thrünpuh mungtsünü,

IBRI 4:1

Jumonü, api sühakhim ching yüzahpü alokhikhi lale, nüsa she lang she mülakphahpü thsüde isanü kümkanganü.

IBRI 7:24

tüshe api a lünnü alakhinü api amükeam rhimo lün thsungkheak lah.

JAKOB 1:17

Atsü tüsho khiukdahkhi thsambah aban akulimnü lah, mebo akhinkhi nangde mümüthrikhi yinmi ayinbo Abuh kilimnü akichoh.

1 PETER 1:5

sherü akheam kim ching amikheak akhiukpü lakhi akhümkhit thsungkheak akin hode Thrünpuh wunü aheangde la.