JEREMIA 32:38 - AMÜSÜH HÜM CL Bible (BSI)

³⁸ Arübo I mihtsürü thsübah, tüsho I arü Thrünpuh thsübah.

JEREMIA 32:38 Iomraidhean Croise

THRÜNTAN 17:7

Tüsho nü le nü dunglim nü tsühsoniusobo Thrünpuh thsüpü, inü I le nü tüsho nü dunglim nü tsühsoniuso lünbo dükeak akheam müla tangzüng zobah.

2 SAMUEL 7:24

Tüsho nünü Israelrü lünnü nü mihtsürü thsüpü thsakham; tüsho O Atungpuh , nü arü Thrünpuh kamabah.

MUNGSHIKHÜN 144:15

Mihtsürü sherü hadürü lalim ching lanü asühpü; mihtsürü sherü Thrünpuh ju Atungpuh lanü asühpü!

ISAIA 65:23

Arünü akeangkeang ching mürhimo, yungsho thsümütsü thsungkheak tsührü müzübe; tümüde arübo Atungpuhnü müngühjihkhi münü labah, tüsho arü tsühsoniusobo she ju ruk labah.

JEREMIA 24:7

Inü arü kilim I Atungpuh de mükheahpü mulong jihbah; tüsho arübo I mihtsürü thsübah tüsho I arü Thrünpuh thsübah, tümüde arü mulong athrünkhinü arübo I kilim rholobah.

JEREMIA 30:22

Tüsho nüsa I mihtsürü thsübah tüsho I nüsa Thrünpuh thsübah.

JEREMIA 31:1

Atungpuhnü thachoh, ju kim ching I Israel yamkhün alala Thrünpuh thsübah, tüsho arübo I mihtsürü thsübah.

JEREMIA 31:33

Tüshe ju nimungbo dunglim inü Israel yamkhün ki tangzüngpü ju ha, Atungpuhnü thachoh: Inü arü kheak I yakzan yukbah, tüsho inü ju arü mulong kheak thrütbah; tüsho I arü Thrünpuh thsübah, tüsho arübo I mihtsürü thsübah.

EZEKIEL 16:60

Tütüshe inü nü athunu nimungbo ching nü ki tangzüngkhi lümkhitbah, tüsho inü akheam müla tangzüng nü kheak zobah.

EZEKIEL 36:28

Judüki inü nüsa jipürü ki jihkhi lo ching nü labah; tüsho nü I mihtsürü thsübah, tüsho I nü Thrünpuh thsübah.

EZEKIEL 37:27

I lapung arü lung labah; tüsho I arü Thrünpuh thsübah, tüsho arü ju I mihtsürü thsübah.

EZEKIEL 39:22

Ju nimungnü ründe I Atungpuh arü Thrünpuh de Israel yamkhünnü mükheahbah.

EZEKIEL 39:28

Judüki arünü I Atungpuh arü Thrünpuh de mükheahbah, tümütüsho inü arübo trükshih bolung aramkhi ching yüshih, tüsho arü nihbuh lomi ching bemukhung. Inü arü sheshe dunglim mübahjih;

ZEKARIA 13:9

Tüsho ha shihchamkhüh ju inü mo ching yukbah, khürünü shotoyinchi changkhitkhi nangde arü changkhitbah, tüsho suna taka kheahkhi nangde arü taka kheahbah. Arünü I mung jibah, tüsho inü arü ki alobah. Inü athabah, “Arü I mihtsürü ah;” tüsho arünü athabah, “Atungpuh ju isa Thrünpuh.”

YUZÜNGTHALO 14:23

Tüsho nünü kingaünkhi hi, yukhu aso tüsho oliv müdangke, tüsho moshi le mihnu boto chingnü akhuh adrekhi api mung lashihpü mokhitkhi dangpung ching Atungpuh nü Thrünpuh mikinü tsühang, junangde nünü kamruhroro Atungpuh nü Thrünpuh wüntrepü mükheahbah.

IBRI 11:16

Tüshe arünü atsübe, yinmi lomi müshamde la. Jumonü Thrünpuhnü arü Thrünpuh de ajipü machih, tümüde apinü arü kilim kiuto khülang thsakhamjih.

IBRI 8:10

Ju nimung dunglim inü Israel yamkhün kheak tangzüngpü ha lah, Atungpuhnü thachoh: Inü arü lümkhi ching yakzan yukjihbah, tüsho arü mulongbo kheak thrütbah, I arü Thrünpuh thsübah tüsho arü I mihtsürü thsübah.

AMIKHEAKAKHIUKKHI 21:7

Shepünü akuk ngüchonü ha yamrüplurüp lubah, tüsho I api Thrünpuh thsübah, tüsho api I tsührü thsübah.