JEREMIA 32:37 - AMÜSÜH HÜM CL Bible (BSI)

³⁷ kheahang, I bukakhiukde amüzütshihpungnü inü arü bemukhungbah; inü arübo ha dangpung ching belodarübah tüsho inü arü sühakhim ching lashihbah.

JEREMIA 32:37 Iomraidhean Croise

MUNGSHIKHÜN 106:47

Nü mung amüsüh kilim makshe jihpü tüsho nü mungshikhi ching akuk ngüpü, isa khümkhitang, O Atungpuh isa Thrünpuh, tüsho isa khiungkerü bolungnü bemukhungang.

JEREMIA 12:14

Atungpuhnü ha thachoh: Inü I mihtsürü Israel kilim jihkhi yamrüplurüp jangkhirü I phünirü mihbukmuyuk alala inü arü lomi chingnü arukkhitbah tüsho arü bolungnü inü Judarü khümkhitbah.

JEREMIA 16:14

Jumonü, tsükjide nimungbo arado, Atungpuhnü thachoh, küyimki ha müthade akamba, “ Ijip lomi chingnü Israel bekhitbuh Atungpuh lale,”

JEREMIA 16:15

tüshe “Dukulim lomi tüsho apinü yanmüzütkhi lomi alala chingnü Israel bekhitbuh Atungpuh lale.” Tümüde arü jipürübo kilim inü ajihkhi arü nihbuh lomi chingnü inü arü belode arübah.

JEREMIA 21:5

Inü she nüsa azhihde khah ato chungkhitbah, bukakhiukde, mulong zhipzhipde, tüsho bukmükede keochihbah.

JEREMIA 23:3

Inü I mihtsürübo aningkhi lomibo ching yanmüzütkhi bemukhungbah, tüsho arübo nihbuh lapung lomi ching bedarübah, tüsho arübo tsührü labah tüsho wüh jabah.

JEREMIA 23:6

Api nimungbo ching Juda khümkhitbah tüsho Israel akhümkhitkhi ching labah. Tüsho apinü ajipü mung ha labah: “Atungpuh ju isa thiyuro-lungki.”

JEREMIA 23:8

tüshe “Atungpuh lale, shepünü Israel yamkhün tsührübo dukulim lomi tüsho apinü arü yanmüzütpung lomi alala chingnü bekhit tüsho bekhea.” Tüsho arübonü arü nihbuh lomi ching labah.

JEREMIA 24:6

Atsü thsungkheaknü arü kheak I mük zobah, tüsho ha lomi ching inü arü belodarübah. Inü arü thsükihbah, tüsho arü müthokheam; inü arü khimbah, tüsho arü mürukkhit.

JEREMIA 29:14

inü nüsa ki I ngüshihbah, Atungpuhnü thachoh, tüsho inü nüsa kuhi jihlobah tüsho inü nüsa müzütshihpung trükshihbo alala tüsho dangpungbo alala chingnü nüsa bemukhungbah, Atungpuhnü thachoh, tüsho inü nüsa ramtso ching yüshihpung ching nüsa belodarübah.

JEREMIA 30:18

Atungpuhnü ha thachoh: Inü Jakob khimyam kuhibo jihlopü thsüchoh, tüsho api lapung kheak mihmuzho labah; kiuto ju amujuk kheak thsülobah, tüsho alungki dangpung kheak kiulongthsürü-yam thsübah.

JEREMIA 31:10

Atungpuh yu aniang, O trükshihbo, tüsho limshu ching keyean lomibo ching zhiyukang; thaang, “Shepünü Israel müzütshihkheanü apinü arü bemukhungbah, tüsho mihnu neakrü nangde api mihnu boto neakbah.”

JEREMIA 32:15

Tümüde Wuto Atungpuh , Israel Thrünpuhnü ha thachoh: Thüyambo, thulubo tüsho kurungasolubo kheaküshe ha lomi ching thulobah.

JEREMIA 33:16

Ju nimungbo ching Juda khümkhitbah tüsho Jirusalem sühakhim ching labah. Tüsho arünü tamde ajipü mung ha: “Atungpuh ju isa thiyuro-lungki.”

JEREMIA 33:7

Inü Juda kuhi tüsho Israel kuhi jihlobah, tüsho arü atankih nangde thsülojihbah.

EZEKIEL 11:17

Jumonü thaang: Wuto Atungpuhnü ha thachoh: Trükshihbo chingnü inü nüsa bemukhungbah tüsho nüsa hiumüzütkhi lomibo chingnü belodarübah, tüsho nüsa kilim inü Israel lomi jihlobah.

EZEKIEL 20:34

Inü wuto khah, achungkhitkhi khah, tüsho bukakhiukde nüsa müzütshihpung mihtsürü chingnü bekhitbah tüsho lomibo chingnü bemukhungbah;

EZEKIEL 28:25

Atungpuh Thrünpuhnü ha thachoh: Küyimki inü arü hiumüzütpung mihtsürü bolungnü Israel yamkhün bemukhungba, tüsho trükshihbo miki I amüsüh arü kheak akhiukba, judüki inü I yamlarü Jakob kilim jihkhi arü nihbuh lo kheak arünü alabah.

EZEKIEL 28:26

Arünü ju ching tsüde alabah, tüsho thüyambo thsübah tüsho kurungasolubo thsübah. Arü bahyukde arhimorü arü yamhingrü alala kheak inü mahkhapchoki, arü tsüde alabah. Tüsho I Atungpuh arü Thrünpuh de arünü mükheahbah.

EZEKIEL 36:24

Inü nü trükshihbo chingnü alubah, tüsho lomibo alala chingnü bemukhungbah, tüsho nihbuh lo ching nü beyukbah.

HOSEA 1:11

Juda mihtsürü tüsho Israel mihtsürü rukhüh mukhungbah, tüsho arünü arü thsungkheak limberü khülang mokhitbah; tüsho arünü alo müküh-a lubah, tümüde Jezreel nimung ju ato labah.

HOSEA 3:5

Ju dunglim Israelrünü rholobah tüsho Atungpuh arü Thrünpuh, tüsho arü kiulongthsüpuh David yimbah; akheam nimungbo ching arünü Atungpuh trede api müngühmühi lim arübah.

JOEL 3:20

Tüshe Juda a lünnü alabah, tüsho Jirusalem a lün alala ching labah.

ZEPHANIA 3:20

Ju kim ching inü nüsa bemukhungchoki nü thüyam lim bedarübah, tümüde inü nü kuhibo jihlochoki, nü alomi mihtsürü alala bolung mungthu tüsho mungshi kamshihbah, Atungpuhnü thachoh.

ZEKARIA 14:11

Mihtsürü ju ching labah, tümüde kheaküa küyimkishe athsümünimpü makhu; Jirusalem ju kuram tsükhi ching labah.

ZEKARIA 3:10

Wuto Atungpuhnü thachoh, ju nimung nüsanü nüsa kurungaso tüsho khubasodung khüp khülangnü khülang jiyukachihbah.”