JEREMIA 32:35 - AMÜSÜH HÜM CL Bible (BSI)

³⁵ Inü arü ki thiyukhüm müjihjih she, yungsho Juda neak yihbeakshihpü arünü ha athraneanbe rhimopü I lüm ching mülalashe arü tsührübo tüsho tsührübebo Molek kilim jihpü arünü Hinnom Tsührü Jindükhün ching Baal achang dangpungbo thsü.

JEREMIA 32:35 Iomraidhean Croise

1 KIULONG THSÜRÜ 11:33

Ha tümütüsho apinü I bahyukbah Sidonrü thrünbebo, Moab thrünpuh Kemosh tüsho Amonrü thrünpuh Molek kingaün tüsho abuh Davidnü arhimokhi nangde I miki alungki, I yakzanbo tüsho I yuzüngbo rhimode I limrobo ching mütsah.

1 KIULONG THSÜRÜ 11:7

Judüki Solomonnü Jirusalem aniakhiuklim awung kheak, Moab athraneanbe thrünpuh Kemosh, tüsho Amonrü athraneanbe thrünpuh Molek thsungkheak kingaünpung thsü.

1 KIULONG THSÜRÜ 14:16

Jeroboam neak dünkheaknü apinü Israel bahyukbah, küpü apinü neak yihbeak tüsho apinü Israel neak yihbeakshih.”

1 KIULONG THSÜRÜ 15:26

Api jipürü limro ching tsahde Atungpuh miki tümü amütsüanü apinü ju rhimo tüsho api neak ching Israel neak yihbeakshih.

1 KIULONG THSÜRÜ 15:30

tümütüsho Jeroboamnü neak yihbeak tüsho apinü Israel neak yihbeakshih tüsho Israel Thrünpuh bukakhiukshih.

1 KIULONG THSÜRÜ 16:19

tümütüsho apinü Atungpuh miki amütsü rhimode neak yihbeakkhi, Jeroboam limro ching tsahkhi, tüsho Israel neak yihbeakshihde, apinü neak yihbeakkhi dünkheak lakheah.

1 KIULONG THSÜRÜ 21:22

tüsho inü nü yam ju Nebat tsührü Jeroboam yam le Ahija tsührü Baasha yam nangde akamshihbah, tümütüsho nünü I bukakhiukshih tüsho Israel neak yihbeakshihdo.

2 KIULONG THSÜRÜ 21:11

“Tümütüsho Juda kiulongthsüpuh Manasenü harü athraneanbebo yihbeak, api müngüh larü Amorrü kheaknü alü amütsü rhimodo, tüsho Juda she api sangthsübo lung neak yihbeakshih;

2 KIULONG THSÜRÜ 21:4

Apinü Atungpuh yam ching kingaün sadambo thsü, küpü Atungpuhnü tha, “Jirusalem ching inü I mung zobah.”

2 KIULONG THSÜRÜ 23:10

Apinü Ben-hinnom ching lakhi Topheth thsümünim, junangde shenü she tsührü athrürü yungsho aliberü Molek kilim monü taka mükingaün.

2 KIULONG THSÜRÜ 23:15

Kheaküshe, Nebat tsührü Jeroboamnü Israel neak yihbeakshihde athsükhi Bethel ching kingaün sadambo tüsho achang dangpungbo lukabah. Apinü achang dangpung takbah asungthulung kamde züthünak; apinü Ashera sangthsü she tak.

2 KIULONG THSÜRÜ 3:3

Judüalalashe apinü Israel neak yihbeakshihkhi, Nebat tsührü Jeroboam neak kheak mürip; apinü ju kheaknü müchamachih.

2 KIUTHSÜYUKHEAN 33:6

Apinü müchitde, dünjiyu thade, wurük thsüde tüsho mesherü le kuhi-kheahrü keokhide Hinnom jindükhün ching api tsührü taka kingaünkhi jih. Apinü khide amütsü Atungpuh miki rhimode api bukakhiukshih.

2 KIUTHSÜYUKHEAN 33:9

Manasenü Juda tüsho Jirusalem ching larü bemüchih, jumonü Atungpuhnü Israel mihtsürü müngüh, yankhitkhi trükshihbo kheaknü alü arünü amütsü rhimo.

2 KIUTHSÜYUKHEAN 36:14

Limberü amükeamrübo alala tüsho mihtsürübonü she trükshihbo yo athraneanbe yande khitode müthülünde alakheah; tüsho apinü Jirusalem ching müsühkhitkhi Atungpuh yam arünü müneanabah.

ABEKHIT 32:21

Mosanü Aron ki tha, “Ha mihtsürübonü nü ki tümü thsükhi nünü arü kheak neak ato hande arükhea?”

ISAIA 57:5

nüsa thülamsang khüp, sangdung phüyak aban khüp müzammüramrübo; nüsa tsührübo jindükhün ching, lunghü khün ching laksahrübo?

JEREMIA 19:2

tüsho phühdamkhi Ripit ching Hinnom Tsührü Jindükhün lim wukhiukang, tüsho ju ching inü nü ki thakhi yu zhiyukang.

JEREMIA 30:14

Nü muzhorü alalanü nü mihabahdo; arünü nü müküm; tümüde thiririnü nangde inü nü shikdo, bukmükerü khülangnü nangde thsümüchido, tümütüsho nü mülimkhi tolah, tümütüsho nü neakbo hihdaklah.

JEREMIA 44:4

Judüalalashe, inü I yamlarübo wukihrübo alochode thiyia arüshihde tha, “ Inü athraneankhi ha athraneanbe dürhimo!”

JEREMIA 7:30

Tümüde Juda mihtsürübonü I miki amütsü rhimodo, Atungpuhnü thachoh; I mung tamkhi yam müneanjihde, arünü athraneanbe zodo.

JEREMIA 7:31

Tüsho arünü Hinnom Tsührü Jindükhün ching Topheth de alakhi achang dangpungbo arü tsührübo mo ching takpü thsüchoh–küpü inü arü ki thiyukhüm müjihkhea, yungsho I lüm ching marükhi la.

EZEKIEL 23:37

Tümüde anenü müzammüram yihbeakdo; tüsho ane khah kheak thiyih kihlah; ane sangthsübo lung anenü müzammüram yihbeakdo; tüsho anenü I kilim zübejihkhi tsührübo she arü kilim kingaündo.

LEVI 18:21

Nüsa tsührü sheshe Molek thrünpuh ki monü dükingaün, tümütüsho, junü nüsa Thrünpuh mung ching mungchihbah: I Atungpuh .

YUNIRÜBO RHIMO 7:43

Nüsanü kingaünpü thsükhi Molek khimyam tüsho Rephan thrünpuh chining han; tüsho inü nüsa Babilon hode atsoshihbah.’

YUZÜNGTHALO 12:31

Nünü Atungpuh nü Thrünpuh judürü limro chingnü dükingaün; tümüde Atungpuhnü athraneankhi alala arünü arü thrünpuhbo ki rhimodo; tümüde arünü arü tsührü tüsho tsührübebo she arü thrünpuhbo kilim kingaünde mo ching takdo.

YUZÜNGTHALO 18:10

Nüsa bolung ching shenü she nihbuh tsührü athrürü yungsho aliberü mo ching mütakbeah, yungsho rük-thümü, müchitrü, khinzungrü, akeangrük huhrü,

YUZÜNGTHALO 24:4

anihbe müneanabahshu a akhuh yamkhünbuh anihbe bahbuhnü aniube thsüpü mululo; tümüde ju Atungpuh miki athraneanbe lah, tüsho adüso nü Thrünpuhnü yamrüplurüp jihkhi lo ching nünü neak hande darü.