JEREMIA 32:3 - AMÜSÜH HÜM CL Bible (BSI)

³ Tümüde Juda kiulongthsüpuh Zedekianü api rihdoa zobah tha, “Tümü thsükhi nünü müchitcho tüsho thacho: Atungpuh nü ha thachoh: Inü ha kiuto Babilon kiulongthsüpuh khah ching jihbah, tüsho apinü ju lubah;

JEREMIA 32:3 Iomraidhean Croise

2 KIUTHSÜYUKHEAN 28:22

Kiulongthsüpuh Ahaznü anihbuh lümthsünü ching lachoki Atungpuh kilim alübe thiyuro mülakhi kam.

ABEKHIT 5:4

Ijip kiulongthsüpuhnü ane ki tha, “Tümü thsükhi nüsanü mihtsürübo ju arü rhimo chingnü bea lucho? Arü rhimo ching yüloshang!

JEREMIA 2:30

Inü akeangkeang ching nüsa tsührübo shikdo; athsülangkhi arünü tümü müleangkhi. Nü nukshangnü nüsa yo wukihrübo athsümünimbe kekhüzünü nangde muyuabahdo.

JEREMIA 21:3

Judüki Jeremianü arü ki tha:

JEREMIA 27:8

Tüshe trükshih khürü yungsho kiulongthsünü ha Babilon kiulongthsüpuh Nebukednezar mütankihsho, tüsho Babilon kiulongthsüpuh sangkaplak khüp ahung müyüzahsho, inü ju trükshih nukshang, khümzung tüsho arüm-tukthsünü, api khah hode inü ha thsümünimkhi mükheamyi khiungde athsümüchibah, Atungpuhnü thachoh.

JEREMIA 34:21

Tüsho Juda kiulongthsüpuh Zedekia tüsho api yo atorübo a arü riri tüsho arü rhangdung yimrübo, nüsa kheaknü atsolokhi, Babilon kiulongthsüpuh bonungrü kilim inü ajihbah.

JEREMIA 36:29

Tüsho Juda kiulongthsüpuh Jehoiakim dünkheak nünü athabah: Atungpuhnü thachoh, Nünü ha küpqiu takpü tha, “Tsükjide Babilon kiulongthsüpuh arübah tüsho ha lomi, mihtsürü tüsho shiwühbo thsümünimpü tümüde nünü ha ching thrütkhea?”

JEREMIA 37:4

Kheakü Jeremianü mihtsürü bolung judü lang yüla arüla de alakheah, tümüde api rihyam ching muyukyide alakheah.

JEREMIA 38:18

Tüshe nünü Babilon kiulongthsüpuh torü ki shuhmülanga müjihsho, ha kiuto Kaldearü kilim jihbah, tüsho arünü monü atakbah, tüsho nü she arü khah chingnü mutsokhi.”

JEREMIA 38:3

Atungpuhnü ha thachoh, Tsükjide ha kiuto Babilon kiulongthsüpuh bonungrü khah ching jihbah tüsho alubah.

JEREMIA 38:4

Judüki atorübonü kiulongthsüpuh ki tha, “Ha mihtsürü asheshihpü lah, tümütüsho apinü ha kiuto ching aninga larü bonungrü tüsho mihtsürü alala arü ki hadürü yu thakhinü mulong ninishihchoh. Tümüde ha mihtsürünü mihtsürübo arung thsungkheak yungde arü thsümünimpü yimchoh.”

JEREMIA 38:8

jumonü Ebedmeleknü kiulongthsüpuh yam chingnü yübah kiulongthsüpuh ki tha,

JEREMIA 5:3

O Atungpuh , nü müknü thiyuro mükheahcho de? Nünü arü shik, tüshe arünü thsünükhi mümütsan; nünü arü muyuabah, tüshe arünü thsülangkhi lupü reanglo. Arünü arü miro lung kheaknü amürangbe kamshih; arünü arholopü thsunglo.

TÜZHOKHI 1:14

Inü alakmihkhi sangkaplakbo api khahnü thsünru; jurübo I hung kheak nokih, I sühmüh keakeashih; inü azhihde müzhipkhukrü kilim Atungpuhnü I jih.

AMOS 7:13

tüshe küyimkishe Bethel ching dümüchitlo, tümüde ha kiulongthsüpuh arüngakopung ah, tüsho ha kiulongthsü arüngyam khülang ah.”

LUKNÜ ATHRÜTKHI THIYUSHEAK-ATSÜ HUHTANYU 20:2

Arünü tha, “Tümü thiyukhüm-sühmühnü harü rhimochonü isa ki thaang? Yungsho shenü ha thiyukhüm-sühmüh nü kilim jihkhea?”